Morgunblaðið - 14.04.2018, Síða 20

20 FRÉTTIRInnlent
MORGUNBLAÐIÐ LAUGARDAGUR 14. APRÍL 2018
Björn Jóhann Björnsson
bjb@mbl.is
„Við þurfum ekki að kvarta yfir lélegri
endurnýjun. Á hverju hausti liggur
straumurinn til okkar af ungum söng-
mönnum, allt niður í 10. bekk í grunn-
skóla,“ segir Gísli Árnason, formaður
Karlakórsins Heimis í Skagafirði, en
kórinn fagnar 90 ára afmæli sínu nú
um stundir.
Kórinn var stofnaður í lok desem-
ber árið 1927 og af því tilefni bjóða
Heimismenn upp á tvenna afmælis-
tónleika í Menningarhúsinu Miðgarði í
Varmahlíð. Fyrri tónleikarnir fara
fram á morgun, sunnudag, kl. 15 og
þeir seinni á lokakvöldi Sæluvikunnar
5. maí nk. kl. 20. Aðgangur er ókeypis
en gestir þurfa að nálgast miða í
Blóma- og gjafabúðinni á Sauðárkróki
og útibúi Kaupfélags Skagfirðinga í
Varmahlíð.
Á tónleikunum verður stiklað á
stóru í sögu kórsins í tónum og tali.
Sýndir verða stuttir leikþættir og ljós-
myndum brugðið á tjald. Að tónleik-
unum loknum verða kaffiveitingar fyr-
ir gesti og gangandi.
Allir geta sungið
Gísli segir það sérstaklega ánægju-
legt hve vel hefur tekist að halda þess-
um 90 ára gamla karlakór síungum.
„Það er í raun magnað hvað við höfum
náð að endurnýja okkur. Söngstjórinn
okkar, Stefán R. Gíslason, tekur söng-
menn í próf á hverju hausti og tekur
ákvörðun um hverjir komast að. Yfir-
leitt komast allir inn sem vilja en auð-
vitað eru sett skilyrði um að þeir geti
eitthvað sungið. Annars geta allir
sungið, bara mismunandi vel,“ segir
Gísli og hlær.
Virkir söngvarar í Heimi eru tæp-
lega 70 í dag. Þar af eru allnokkrir
undir tvítugu. Sá yngsti er 15 ára,
Guðmundur Smári Guðmundsson,
sem verður 16 ára næsta haust, ætt-
aður frá Tunguhálsi í Skagafirði og
Fossum í Svartárdal. Elstur í Heimi
er Árni Bjarnason á Uppsölum í
Blönduhlíð, sem verður 87 ára í haust.
Stendur keikur í fremstu röð á hverj-
um tónleikum og syngur bassann eins
og unglingur. „Kórinn verður að lúkka
vel þarna fremst,“ hefur Árni látið
hafa eftir sér, sposkur á svip.
Gísli segir kórinn hafa átt mörg
blómaskeið á löngum ferli. Núverandi
söngstjóri, Stefán, hefur haldið á tón-
sprotanum meira og minna frá árinu
1985 og starfið verið gróskumikið á
þeim tíma. Stefán hefur jafnframt
kennt við Tónlistarskóla Skagafjarðar
í Varmahlíð en frá þeim skóla hafa
fjölmargir söngmenn komið í kórinn.
Áhuginn hefur verið mikill í kringum
Varmahlíð en annars koma kórfélagar
víða að, allt frá Höfðaströndinni aust-
an vatna og langt inn til Skagafjarð-
ardala í suðri, auk þess sem nokkrir
koma akandi frá Akureyri.
Vilja þakka fyrir stuðninginn
Afmælisnefnd Heimis hefur verið
að störfum undanfarið ár og ber hit-
ann og þungann af afmælisdag-
skránni.
„Við ætluðum í fyrstu að halda eina
tónleika 15. apríl en komumst fljótt að
því að það væri ekki nóg. Dagskráin
verður því endurtekin hér í Sæluviku í
Miðgarði og við bjóðum öllum þeim
sem vilja koma. Við njótum mikils vel-
vilja í héraði, og höfum alltaf gert, og
fyrir það erum við ævinlega þakklátir.
Með þessum tónleikum viljum við
þakka fólki stuðninginn. Við hefðum
aldrei náð að halda úti öflugu kórstarfi
öll þessi ár ef ekki hefði verið fyrir
stuðning samfélagsins hér í Skagafirði
og víðar um land,“ segir Gísli.
Afmælisins verður einnig minnst
með því að gefa út nýjan geisladisk,
sem verður kynntur á tónleikunum.
Um er að ræða upptökur frá tón-
leikum kórsins í Hörpu og Reykholti í
Borgarfirði. Jafnframt hafa verið end-
urútgefnir þrír diskar sem voru löngu
uppseldir.
„Á tónleikunum í suðurferðinni um
daginn vorum við með diska og plötur
til sölu. Við tókum til á lagernum og
fundum þá nokkrar vínylplötur. Við
buðum þær til sölu, svona meira til
gamans.“
Velunnarar um allt land
„Eins og endurnýjunin hefur verið
síðustu ár eru allar líkur á að kórinn
nái 100 ára aldri og vel það,“ segir
Gísli aðspurður. En fyrst er það 90 ára
afmælið, með tónleikunum í Miðgarði
á morgun og 5. maí, og til viðbótar
skjótast Heimismenn yfir í Húnaþing
vestra laugardaginn 21. apríl og halda
þar tónleika á Hvammstanga. „Við
höfum gert mikið af því að ferðast um
landið, sérstaklega um Norðurland og
suður yfir heiðar. Við eigum velunnara
ekki bara í Skagafirði heldur um allt
land og viljum rækta það samband
sem allra mest.“
Ungir söngmenn ólmir í Heimi
 Karlakórinn Heimir í Skagafirði fagnar 90 ára afmæli  Tvennir tónleikar haldnir og frítt inn
Ljósmynd/Gunnhildur Gísladóttir
Níræður Karlakórinn Heimir var stofnaður fyrir rúmum 90 árum af tíu söngelskum bændum í Skagafirði.
Sigtryggur Sigtryggsson
sisi@mbl.is
Borgarráð hefur tekið jákvætt í
ábendingar Handknattleikssam-
bands Íslands og Körfuknattleiks-
sambands Íslands um nauðsynlega
aðstöðu sérsambanda fyrir innan-
hússíþróttir og skilgreiningu á þjóð-
arleikvangi fyrir innanhússíþróttir.
Jafnframt samþykkti borgarráð
vilja til að settur verði á fót starfs-
hópur ráðuneyta, Reykjavíkurborg-
ar, HSÍ og KKÍ til að annast nauð-
synlegar viðræður um málið.
Formenn HSÍ og KKÍ rituðu
sameiginlega bréf til Dags B. Egg-
ertssonar borgarstjóra í lok mars sl.
Í bréfinu benda þeir á að Laugar-
dalshöllin hafi verið byggð árið 1967
sem þjóðarleikvangur fyrir innan-
hússíþróttir og þar hafi allir helstu
íþróttaviðburðir farið fram sl. 50 ár.
Hins vegar hafi Höllin fyrir margt
löngu hætt að uppfylla alþjóðlegar
kröfur sem gerðar eru til alþjóð-
legra leikja bæði í handknattleik og
og körfuknattleik. Í dag eru lág-
markskröfur um áhorfendaaðstöðu
fyrir 5.000 manns en Laugardalshöll
tekur 2.300 manns í sæti. Í áratugi
hafi landsleikir í handknattleik og
körfuknattleik í alþjóðlegri keppni
verið spilaðir á undanþágu í Laug-
ardalshöll. Ljóst sé að vinna þurfi að
lausn þessara mála með íþróttaleik-
vangi sem uppfylli kröfur sem gerð-
ar eru til keppni í handknattleik,
körfuknattleik, blaki, fimleikum,
frjálsum íþróttum og öðrum íþrótta-
greinum.
Þeir benda einnig á að sú þróun
hafi orðið við skipulagningu alþjóð-
legra móta að úrslitakeppni fari
fram í fleiri en einu landi. Hvorki
HSÍ né KKÍ hafi getað tekið þátt í
slíku samstarfi þar sem ekkert
íþróttahús hérlendis uppfylli kröfur
fyrir alþjóðlega keppni.
Formennirnir segja í bréfinu að
bygging þjóðarhallar og rekstur
hennar verði ekki eingöngu á ábyrgð
Reykjavíkurborgar en ljóst sé að
hún verði ekki reist án aðkomu
borgarinnar. Þeir segjast hafa átt
fund með mennta- og menningar-
málaráðherra um aðkomu ríkisins.
Laugardalur heppilegur
„Eins og mál standa í dag teljum
við að Laugardalur rúmi slíkt mann-
virki sem hægt er að nýta í sam-
starfi við Knattspyrnufélagið Þrótt,
grunnskóla í nágrenninu, Háskóla
Íslands og Háskólann í Reykjavík,
vegna kennslu í íþróttafræðum. Þá
gæti mannvirkið hýst alla skrifstofu-
aðstöðu íþróttasambanda. Með
þessu markmiði gætu önnur svæði í
Laugardal nýst betur við endur-
hönnun Laugardals í heild sinni,“
segir m.a. í bréfi formannanna Guð-
mundar B. Ólafssonar og Hannesar
S. Jónssonar.
Morgunblaðið/Ómar
Laugardalshöll Hefur verið vettvangur kappleikja í hálfa öld. Höllin upp-
fyllir ekki lengur alþjóðlegar kröfur sem gerðar eru til íþróttahúsa.
Starfshópur um þjóðarhöll
 Laugardalshöll
uppfyllir ekki al-
þjóðlegar kröfur
Funahöfði 1 | 110 Reykjavík | Sími 567 4840 | www.bilo.is | bilo@bilo.is
MINI ONE COUNTRYMAN
nýskr. 07/2014, ekinn 54 Þ.km, bensín,
6 gíra. Verð 2.880.000 kr.
Raðnúmer 257394
VOLVOV40 CROSS COUNTRY
nýskr. 07/2015, ekinn 19 Þ.km, dísel, sjálfskiptur.
Einkabíll, innfluttur nýr! Verð 2.880.000 kr.
Raðnúmer 230777
Þú finnur bílinn á bilo.is Auglýstir bílar eru á staðnum Skráðu bílinn á bilo.is
FORDMUSTANGGT
Árg. 2006, ekinn 56 Þ.km, 8cyl bensín,
sjálfskiptur. Verð 3.490.000 kr.
Raðnúmer 257138
RENAULT KADJAR INTENS
nýskr. 08/2015, ekinn 30 Þ.km, diesel,
sjálfskiptur. Einkabíll! Verð 2.990.000 kr.
Raðnúmer 257767
FORD TRANSIT TREND 310 L2H2
6MANNAnýr bíll, dísel, bensín 6 gíra.
Verð 4.490.000+ vsk.
Raðnúmer 257586
Eltak sérhæfir sig í sölu
og þjónustu á vogum