Víkurfréttir - 05.11.1981, Blaðsíða 16
l^Z^rCÉTTIC
| Fimmtudagur 5. nóvember 1981
SPARISJÓÐURINN
er lánastofnun allra
Suðurnesjamanna.
Ólga í Fjölbrautaskólanum
Nemendur í vígahug - Kennarar sömuleiðis
Verður öldungadeildinni slátrað?
Undanfarið hefur risið upp
mikil úlfúð í Fjölbrautaskóla Suð-
urnesja. ( fjölmiðlum hefur hver
deilan á fætur annarri fengið
rækilega umfjöllun. Höfuðóvin-
ir skólans þessa dagana eru
ráðuneytin tvö, sem fara með
menntamál og fjármál.
Við hjá Víkur-fréttum munum
nú reyna að glöggva lesendur á
þeirri óöld sem nú ríkir í F.S.
Nemendur fengu fyrir nokkru
reglugerð, sem menntamála-
ráðuneytið ætlar að þröngva upp
á alla framhaldsskóla landsins.
Við þessu var brugðist á þann
veg, að nemendur kölluðu
saman fund þar sem samþykkt
voru mótmæli gegn reglugerð-
inni og skorað á ráðherra að
draga hana til baka, áður en
gripiö yrði til róttækra að-
gerða. Reglugerðin er í fáum
orðum sagt, tilraun ráðuneytis-
ins til að auka miðstýringu og
hefta sjálfstæði skólanna. Vel
flestir skólar hafa hafnað þessari
reglugerð, og voru þeir með
samræmdar aðg'erðir í vikunni,
sem nemendur F.S. tóku þátt í.
Kennarar berjast á mörgum
vígstöðvum þessa dagana. Þeir
hafa, sumir hverjir, ekki fengið
laun sín greidd á tilskildum tíma.
( fréttatilkynningu frá 26. okt.
segja þeir:
„Kennarar krefjast þeirra sjálf-
sögðu mannréttinda að fá laun
sín greidd á réttum tíma eins og
aðrir launþegar, og lýsa því hér
með yfir að þeir telji ekki lengur
ástæðu til að hlusta á aðskiljan-
legar útskýringar ýmissa fulltrúa
ríkisvaldsins á hinum ólikleg-
ustu stöðum."
Nú er búið að leysa hluta vand-
ans, en alls ekki allan. Ennþá
eiga kennarar inni laun fyrir
kennslu í öldungadeild. Ráðu-
neytið hefur upp á sitt einsdæmi
fellt úr gildi þá launasamninga,
sem giltu fyrir kennslu í öldunga-
deild og skammtar nú laun eftir
eigin geðþótta.
Kennarar hafa því lagt niður
kennslu við öldungadeildina og
bíða þess að fá mál sín leiðrétt.
Nemendur I vígahug
Auk þess að deila um laun sín
eru flestir kennarar á móti áður-
nefndri reglugerð.
Nemendur öldungadeildar FS
eru að sjálfsögðu vonsviknir með
þróun mála. Þeir sjá fram á að
geta ekki haldiö námi áfram og
jafnframt að nám þeirra í haust
fari í súginn.
Vegna þessa ástands boðuðu
nemendur til fundar með Ingólfi
Halldórssyni, aðstoðarskóla-
meistara, og kennurum deildar-
innar. Ingólfur sagði það „illa
Framh. á 14. siðu
Kennsla i öldungadeild, meöan allt lék i lyndi
Verða þetta skreiðarskemmur framtíðarinnar?
ömurleg sjón, eða hvað finnst þér, lesandi góður? Fyrir nokkrum árum voru öll þessi frystihús starfrækt af fullum krafti og í kringum þau
iðaði allt af lífi, en hvert er þeirra hlutskipti í dag? Aðeins eitt af þessum húsum er rekiðaf fullum krafti. Fram til þessahefurfólki hérveriðsagt
að fiskveiðar og fiskiönaöur séu undirstaða alls lífs í landinu, en þessir atvinnuvegir hafa farið mjög halloka hér á undanförnum árum og
ástandið vægast sagt orðið frekar bágborið, þar sem hvert frystihúsið hefur lokað á fætur öðru og ein og fyrr segir er aðeins eitt af þessum
húsum í gangi í dag.
Það þjóöfélag, þar sem undirstöðuatvinnuvegirinir þrífast ekki lengur, hlýturaðeigavið mikil bágindi að etja. Við héráSuðurnesjum höfum
á undanförnum árum orðið þess heiðurs aðnjótandi, aö ýmsar nefndir hafa veriö skipaðar til að „kanna mál okkar“, og ekki fær maöur betur
séð en að árangur af starfi þeirra sé ENGINN, a.m.k. fyrir Keflvíkinga og Njarðvíkinga.
Það eina sem ráöamenn síðustu ára hafa afrekað er að þeir hafa komið í veg fyrir að atvinnutækifærum á flugvellinum hafi fækkað, en að
einhver ný atvinnutækifæri hafi skapast hér í bæjunum, er af og frá.
Nú velta menn því fyrir sér hvort að öllum okkarfrystihúsum verði breytt í skreiðarskemmur, þar sem skemmurnar í heiðinni eru aö hverfa
fyrir nýju íbúðarhúsahverfi, og einnig velta menn því fyrir sér hvað orðið hafi um allt fólkið sem vann í þessum frystihúsum. Þar vinnur ekki
lengur nema lítill hluti þess sem áður var og samt er hér sama og ekkert atvinnuleysi. Því skyldi þó ekki veraekið til vinnu í nágrannabyggðar-
lögin?
Til skamms tima var alltaf talaö um höfnina sem aðal lífæð bæjarins, en eins og allir vita þá er ekki hægt aö segja að blóðrásin sé þar beint
hröð og það hlýtur að vera álitamál, hvort lífsmark sé þar að finna. Það er engu líkara en að skipafélögin forðist að láta skip sín sigla hingað,
þau virðast frekar kjósa að láta aka öllu um blessaða Reykjanesbrautina, einshættuleg og hún erorðin. Það hlýturaðveraorðið umhugsunar-
efni fyrir heimamenn að reyna að fara að flytja sjálfir út sínar afurðir.