Verslunartíðindi - 01.11.1925, Blaðsíða 24

130
VEKSLUNARTÍÐINDI
vöruverðinu gengur að laga sig eftir geng-
inu. Annars eru skýrslurnar í sama sniði
eins og að undanförnu.
Ef verðið á öllum þeim vörum, sem yf-
irlitið tilgreinir, er talið 100 í júlímánuði
1914, eðu rjett áður en stríðið byrjaði, þá
hefur það verið 460 í október 1920, 312 í
október 1924, 292 í júlí 1925, 279 í októ-
ber 1925 og 273 i nóvember 1925. í síð-
astliðnum októbermánuði var verðið þann-
ig að meðaltali rúml. 4% lægra heldur en
í júlimánuði og rúml. 11% lægra heldur
en i október í fyrra, en 179% hærraheld-
ur en rjett fyrir stríðið. í byrjun nóvem-
bermánaðar var verðið um 2% lægra held-
ur en í október, 67a% iægra heldur en í
júlí og 127a% lægra heldur en í fyrra, en
173% hærra heldur en rjett fyrir striðið.
Hagtíðindii.
Reglugjörð
um innkaupsreikninga fyrir erlendan
varning.
1. gr. Frá 1. febr. 1926 að teija skal á
sjerhverjum innkaupsreikningi yfir vörur,
sem fiuttar eru hingað til landsins, og sýna
ber lögreglustjóra eða póstmanni vegna
tollgreiðslu, vera tilgreind tegund umbúða,
stykkjatala, merki á stykkjunum og þyngd
stykkja fyrir vörusendingu þá, er reikn-
ingurinn hljóðar um. Á reikningnum skulu
vera taldar allar þær vörur, sem sendar
eru i stykkjum þeim, er tilgreind eru á
honum og þær skulu allar taldar með fullu
því verði, sem kaupanda eða móttakanda
ber að greiða fyrir þær.
Á reikningum skal vera vottorð seljanda,
undirritað af honum sjálfum eða af ein-
hverjum þeim, er samkvæmt lögum í
landi sendanda hefur rjett til að rita firma
hans, um að stykki þau, er þar eru talin,
hafi ekki aðrar eða meiri vörur inni að
halda en þær, sem reikningurinn hljóðar
um, og að allar vörur á reikningnum sjeu
taldar með fullu því verði, sem kaupanda
eða móttakanda ber að greiða fyrir þær.
2. gr. Brot gegn ákvæðum þes3arar
reglugjörðar varðar móttakanda vörunnar
frá 10 til 1000 kr.
Reglugjörð þessi er sett samkvæmt lög-
um nr. 3 frá 1. apr. 1924 um bráðabirgða-
verðtoll á nokkrum vörutegundum, vegna
framkvæmdar á þeim lögum, og birt til
eftirbreytni öllum, sem hlut eiga að máli.
Kosning
íil Verslunarráðs fslands.
Samkvæmt lögum Verslunarráðs íslands
fór fram í ár kosning tveggja fulltrúa,
tveggja varafulltrúa, endurskoðunarmanns
og varaendurskoðunarmanns. 1. okt. voru
atkvæði talin og fór kosningin á þessa leið:
Fulltrúar:
Kaupm. Garðar Gíslason (e.k.) með 89 atkv.
Kaupm. Jón Björnsson (e.k) með 89 atkv.
Varafulltníar:
Bankastjóri L. Kaaber (e k.) með 87 atkv.
Kaupm. Þórður Bjarnason (e.k) með 58 atkv.
Endurskoðunarmaður:
Bóksali Pjetur Halldórsson (e k.) með 93 atkv.
VaraendursJcoðunarmaður:
Kaupm. Árni Jónsson (e.k.) með 90 atkv.
Alla voru greidd 102 atkv,