Verslunartíðindi - 01.08.1935, Qupperneq 15

VERSLUNARTTÐINDI
91
Björn Kristjánsson, 1910—1918.
Er fæddur 26. febrúar 1858 í Hreiðurborg í Fióa; ólst
upp hjá foreldrum sínum til 6 ára aldurs, en fluttist síð-
an til Eyrarbakka og var þar þangað til hann var 14 ára;
17 ára gamall fór hann til Reykjavíkur og nam þar skó-
smíðaiðn. Við þá iðn undi hann þó ekki lengi, því árið
1878 sigldi hann til Kaupmannahafnar til þess að nema
söngfræði, og var, eftir að hann kom heim, 1—2 ár, söng-
kennari og organleikari við kirkjuna á Akureyri, en fór
svo aftur til Kaupmannahafnar 1882 til frekara náms í
hljóðfæralist. — Árið 1883 settist hann að í Reykjavík, og
var fyrstu árin verslunarmaður þar, en setti sjálfur upp
verslun 1888, sem ennþá er rekin undir sama firmanafni.
Björn Kristjánsson var þingmaður Gullbringu- og Kjósarsýslu frá aldamótum og
þar til fyrir fáum árum, að hann gaf ekki lengur kost á sjer til þingsetu. Honum var
veitt bankastjórastaðan við Landsbanka Islands árið 1910 og gegndi hann því starfi
til 1918; var settur fjármálaráðherra 4. janúar 1917, en fjekk lausn frá því em-
bætti eftir beiðni 30. ágúst s. á.
Björn Kristjánsson er mjög fjölhæfur maður. Auk aðalstarfans og þjóðmálastarf-
seminnar hefir hann haft mikinn áhuga fyrir hljómlist og efnafræði og unnið tals-
vert á báðum þessum sviðum.
Björn Sigurðsson, 1910—1914.
Er fæddur 29. október 1856. Hann byrjaði ung-
ur á verslunarstörfum og vann að þeim á ýmsum
stöðum sem verslunarþjónn, þar til hann byrjaði
að versla fyrir sjálfan sig, tæplega þrítugur að
aldri. Skömmu eftir aldamótin stofnaði hann um-
boðs- og heildsölu í Kaupmannahöfn, og rak hana
til ársins 1910, er hann var skipaður bankastjóri
Landsbankans. Árið 1916 fór hann til London og
dvaldi þar í 4 ár sem erindreki ríkisstjórnarinnar.
Þegar hann kom heim aftur, gegndi hann aðeins
örstutta stund bankastjórastöðunni, en sagði henni
því næst lausri, og var eftir það nokkra mánuði
skrifstofustjóri hjá Verslunarráði Islands.
Snemma á árinu 1922 fór hann til Kaupmanna-
hafnar og dvaldi þar þangað til sumarið 1925, að
hann kom heim aftur.
Björn Sigurðsson Ijest í janúar 1930.