Morgunblaðið - Sunnudagur - 10.06.2018, Blaðsíða 2

Í FÓKUS
2 MORGUNBLAÐIÐ SUNNUDAGUR 10.6. 2018
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Inga Rún Sigurðardóttir ingarun@mbl.is Júlía Margrét Alexandersdóttir julia@mbl.is Orri Páll Ormarsson
orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Það virðist samt engin tilkynningarskylda eða brot á lögum ef hundurræðst á fólk eða önnur dýr,“ sögðu foreldrar fimm ára gamalsdrengs í viðtali í Morgunblaðinu í fyrradag. Drengurinn hefur frá því
að hundur af Alaskan Malamute-kyni réðst á hann þurft að gangast undir
þrjár aðgerðir, þrisvar verið svæfður. Hann mun líklega þurfa að fara í að
minnsta kosti þrjár slíkar aðgerðir í viðbót og glímir við sálrænar afleið-
ingar.
Reglur í kringum hundahald á Íslandi virðast vera hinar furðulegustu.
Meðan dýrin mega nú fara í strætó, á kaffihús og ýmislegt hefur verið gert
til að gera samfélag dýra og manna í borg sem best er einhver grautargerð
á hinum endanum, þar sem hafa
þarf eftirlit með hættulegri hunda-
kynjum. Því þótt svona atvik séu til
allrar hamingju sjaldgæf gerir það
þau atvik sem verða ekki betri.
Alaskan Malamute er til að
mynda listaður sem einn hættuleg-
asti hundur heims, hann er sums
staðar bannaður, hefur orðið valdur
að dauða barna, og til að hann njóti
sín og geti verið yndislegur, eins og
hann hefur fulla burði til, þarf hann
að fá mikla útrás og halda þarf sér-
staklega vel utan um hann. En hvað
tryggir það hérlendis að dýr af
slíkri gerð fái örugglega þannig
umönnun? Það virðist ekkert eftirlit
vera með því og því spyr maður sig af hverju að leyfa slíkar tegundir ef það
er ekki hægt að tryggja það.
Í þessu finnst manni ábyrgðinni of mikið varpað á þá sem fyrir árásum
verða. Það er einfaldlega ekki hægt að kyngja þeim málflutningi að fólk
þurfi bara að læra að nálgast dýrin, kenna þurfi börnum að vaða ekki í
hunda, þá sé öllum óhætt. Það er ekki hægt að færa ábyrgð yfir á lítil börn
sem eru enn að læra á umhverfið. Það er líka spurning hvort ekki ætti að
skylda eigendur hunda til að sækja þjálfunarnámskeið meðan þeir eru enn
hvolpar því oft er þetta þekkingarleysi eigenda á eiginleikum hundanna og
þjálfun sem getur varpað öllu um koll. Hundarnir sjálfir eiga það líka skilið
að búa við gott atlæti þar sem þeir fá að blómstra og sýna sínar bestu
hliðar.
Þetta ákaflega óskýra ferli, um hvernig taka skal á árásum hunda á fólk,
er ómögulegt. Það virðist mun skýrara ef um er að ræða hávaða frá hundum
eða hollustuhætti. Einn vísar á annan, heilbrigðiseftirlitið á Matvælastofn-
un, Matvælastofnun á lögreglu. Og þeir sem hafa áhyggjur af árásarhneigð
dýrs í nágrenninu, eins og foreldrar drengsins, fá engar leiðbeiningar um
hvernig þau geti snúið sér, það virðist þurfa átak í að samstilla viðbrögð.
Dýrkeypt
eftirlitsleysi
Pistill
Júlía Margrét
Alexandersdóttir
julia@mbl.is
’Þetta ákaflega óskýraferli, um hvernig takaskal á árásum hunda áfólk, er ómögulegt. Það
virðist mun skýrara ef um
er að ræða hávaða frá
hundum eða hollustu-
hætti. Einn vísar á annan.
Magnea Gunnarsdóttir
Nei, því miður hef ég ekki gert það
en það kemur alveg til greina.
SPURNING
DAGSINS
Gefur þú
blóð?
Arnar Óskarsson
Nei. Ég er alltaf á leiðinni.
Jasmina Crnac
Nei, því miður má ég það ekki.
Jóhann Halldórsson
Ekki upp á síðkastið en ég hef gert
það. Ég ætti að gera meira af því.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Hvað er 13 13?
13 13 er þrettán daga tónleikaferðalag hring-
inn í kringum landið þar sem við spilum á sex-
tán tónleikum á þrettán stöðum. Svo erum við
samhliða því að framleiða þætti sem birtast á
netinu. Hugmyndin er að nýta tækifærið til að
ferðast hringinn um landið og njóta þess að
vera til. Við reynum að velja staði sem eru í
uppáhaldi hjá okkur og eru líka fallegir fyrir
augað.
Hvar verðið þið um helgina?
Við erum að spila á Ísafirði á laugardaginn og á
sunnudaginn verðum við í Flatey. Svo endum við
túrinn á Rifi á Snæfellsnesi.
Hvernig er andrúmsloftið í hópnum?
Andrúmsloftið í hópnum er mjög skrítið. Það eru allir
ennþá vinir, en það er vissulega farið að segja aðeins til
sín hvað við erum búnir að vera lengi í bílnum saman.
Þetta er farið að rugla smá í mönnum, við erum að klippa sam-
an þátt sem gerðist í gær, taka upp þátt fyrir morgundaginn en
samt reyna að lifa í núinu þannig við erum eitthvernveginn í for-
tíðinni, framtíðinni og núinu á sama tíma.
Hvað hefur staðið upp úr á ferðalaginu?
Maturinn á Slippnum í Vestmanneyjum var algjört ævintýri
fyrir bragðlaukana, en ég held að tónleikarnir í Jarðböðunum á
Mývatni hafi verið hápunkturinn hingað til.
Hvað tekur við hjá þér í sumar?
Ég er að fara að opna hamborgarastað í júlí í Vesturbænum sem
heitir Hagavagninn, við hliðina á Vesturbæjarlauginni, þannig ég
er að fara beint eftir þennan túr að vinna í honum. Svo er ég líka
að vinna í plötu, þannig það er ekkert frí þegar við komum til
Reykjavíkur. Ég held að ég sé samt spenntastur fyrir að fara heim
og knúsa konuna og börnin. Það verður fyrsta verkefnið.
Ljósmynd/Emmsjé Gauti
Forsíðumyndina tók
Ásdís Ásgeirsdóttir
Emmsjé Gauti ferðast nú um landið ásamt fríðu föruneyti, spilar
á tónleikum og tekur upp netþætti. Hægt er að fylgjast með 13
13 túrnum á emmsje.is og á Youtube síður Emmsjé Gauta.
EMMSJÉ GAUTI
SITUR FYRIR SVÖRUM
Sextán
tónleikar
á þrettán
dögum