Morgunblaðið - 15.06.2018, Síða 2

2 FRÉTTIRInnlent
MORGUNBLAÐIÐ FÖSTUDAGUR 15. JÚNÍ 2018
Rafvirkjar
LED flóðkastarar
Jóhann Ólafsson & Co.
Krókháls 3, 110 Reykjavík
533 1900
olafsson.is
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Ættu að líta í eigin barm
 Formaður Fyrir Heimaey segir framgöngu sjálfstæðismanna vandræðalega
Teitur Gissurarson
teitur@mbl.is
„Svona eins og Megas sagði: „Svo skal böl bæta að
benda á annað.“ Þetta horfir svolítið svoleiðis fyrir
mér.“ Þetta segir Leó Snær Sveinsson, formaður
bæjarmálafélagsins Fyrir Heimaey, í samtali við
Morgunblaðið um vantraust fulltrúaráðs Sjálf-
stæðisfélagsins í Vestmannaeyjum á Pál Magn-
ússon og kæru Sjálfstæðisflokksins vegna úrslita
nýafstaðinna sveitarstjórnarkosninga.
Eins og greint var frá fyrr í vor klauf hluti sjálf-
stæðismanna sig frá flokknum og stofnaði hið nýja
afl, Fyrir Heimaey (H-listinn), en þau hlutu 34%
atkvæða í nýafstöðnum sveitarstjórnarkosning-
um. Íris Róbertsdóttir, oddviti H-listans, er nýr
bæjarstjóri í Vestmannaeyjum en Páll, sem er
oddviti Sjálfstæðisflokks í Suðurkjördæmi, studdi
hvorugt framboð opinberlega. Ásakanir hafa verið
á lofti um að hann hafi stutt Írisi og Fyrir Heima-
ey.
„Bara vandræðalegt“
„Þetta er náttúrlega bara vandræðalegt af
hálfu sjálfstæðismanna. Að vera að bendla Pál
einhvern veginn við þetta í staðinn fyrir að líta
bara í eigin barm,“ segir Leó Snær og bendir á að
Páll hafi ekki unnið með H-listanum að neinu
marki.
„Ég veit ekki hvort það er hægt að flokka það
sem stuðning ef hann styður ekki sinn flokk en
hann hefur ekki unnið með okkur að neinu marki.
Ég myndi segja að þetta sé bara tóm vitleysa,“
segir Leó, aðspurður hvort sannleikur sé í ásök-
ununum á hendur Páli.
Leó segir flokksfólk H-listans vera spennt fyrir
komandi tímum í bæjarstjórn og segir: „Við bíð-
um einnig spennt eftir því að sjá hvað kemur út úr
þessu kærumáli. Það fer væntanlega að koma eitt-
hvað út úr því,“ en Sjálfstæðisflokkurinn í Vest-
mannaeyjum kærði úrslit sveitarstjórnarkosning-
anna meðal annars vegna nokkurra atkvæða sem
úrskurðuð voru ógild af yfirkjörstjórn.
Hann segir málið sér og sínum flokkssystkinum
alveg óviðkomandi. „Við erum ekkert að blanda
okkur í þetta,“ segir Leó en segist hlakka til sam-
starfs við E-listann. „Við horfum bara björtum
augum fram á veginn,“ segir Leó.
„Það er enginn
gosórói eins og
er,“ sagði Bryn-
dís Ýr Gísladótt-
ir, náttúruvár-
sérfræðingur hjá
Veðurstofu Ís-
lands, þegar
Morgunblaðið
náði af henni tali í gærkvöldi.
„Það er ekkert nýtt síðan frétta-
tilkynning var send út,“ sagði Bryn-
dís en um fjögurleytið í gær sendi
Veðurstofan frá sér tilkynningu þess
efnis að tveir stórir skjálftar hefðu
mælst í Bárðarbungu í norðan-
verðum Vatnajökli en sá seinni, sem
varð klukkan 15:05, mældist 4,9 að
stærð.
Bryndís sagði að skjálfti hefði
mælst um fimmleytið sem var 3 að
stærð. Nokkrir minni skjálftar hafa
fylgt í kjölfarið.
Rúm þrjú ár eru síðan eldgosi
lauk við Bárðarbungu en síðast hófst
gos þar í september 2014. Gosið olli
umtalsverðri loftmengun en litlu
öðru tjóni.
Skjálftinn sem mældist í gær er sá
stærsti frá goslokum ásamt öðrum
skjálfta sömu stærðar sem varð 30.
janúar nú í ár.
Eldstöðvakerfið sem kennt er við
Bárðarbungu og Veiðivötn er eitt
það stærsta á landinu en vitað er um
tæplega 30 gos innan svæðisins á
sögulegum tíma.
Enginn
gosórói
enn
Bárðarbunga Ekki
er útlit fyrir gos.
 Bárðarbunga ger-
ir vart við sig á ný
Víkingahátíðin í Hafnarfirði hófst í gær og
stendur til sautjánda júní. Hún hefur verið hald-
in síðustu tuttugu ár. Hér sjást tveir forvitnilegir
einstaklingar sem hafa komið sér upp tjaldbúð-
um grilla saman fisk á Víðistaðatúni í Hafnar-
firði en þar er hátíðin haldin. Sá eldri er eflaust
munkur en sá yngri einhvers konar víkingur.
Skiltið sem á stendur ,,Hringhorn“ vísar eflaust
til skips Baldurs, annars sonar Óðins, sem kallast
Hringhorni í Gylfaginningu. Hringhorni er einn-
ig áhugamannafélag um lífshætti víkinga til
forna. Á hátíðinni verða bardagasýningar,
leikjasýningar, sögumenn, bogfimi, handverk,
markaður og víkingaskóli barna. Hátíðin stend-
ur frá kl. eitt til sjö alla hátíðardagana.
Víkingar og munkar sameinast í Hafnarfirði
Morgunblaðið/Valli
Ýmislegt um að vera á Víkingahátíðinni í Hafnarfirði sem haldin er á Víðistaðatúni
Morgunblaðið/Kristinn Magnússon
Góð kaup Hillur voru fljótar að tæmast í Víði í Garðabæ í gær eftir að
skiptastjóri auglýsti að vörurnar fengjust á hálfvirði
Mörg hundruð manns lögðu leið sína
í verslun Víðis í Garðabæ síðdegis í
gær og hömstruðu þegar spurðist út
að skiptastjóri þrotabús verslunar-
keðjunnar hefði ákveðið að selja all-
ar vörur þar á hálfvirði. Sams konar
útsala verður í Víði í Skeifunni eftir
hádegi dag. Einn viðskptavinanna
sagði að nokkrir bálreiðir birgjar
verslunarinnar hefðu mætt og kraf-
ist þess að fá vörur sínar í hendur
þar sem ekki hefði verið greitt fyrir
þær. Sáust þeir m.a. bera út erlent
sælgæti og hreinlætisvörur án þess
að afgreiðslufólk stöðvaði þá. Hér-
aðsdómur Reykjavíkur úrskurðaði í
fyrradag að Víðir ehf. skyldi tekinn
til gjaldþrotaskipta, og hefur skipað
Valtý Sigurðsson hjá Lex lögmanns-
stofu skiptastjóra búsins.
Vörur seldar á hálfvirði
 Örtröð í Víði í Garðabæ  Víðisverslanirnar gjaldþrota
Alvarlegt bíl-
slys á Reykja-
nesbraut
Einn er alvarlega slasaður eftir
árekstur tveggja fólksbíla og lítils
flutningabíls á Reykjanesbraut við
Sprengisand laust fyrir klukkan 15 í
gær.
Í tilkynningu frá lögreglunni á
höfuðborgarsvæðinu kom fram að
tveir hefðu verið fluttir á slysadeild
með sjúkrabíl. Ekki er vitað nánar
um líðan þeirra að svo stöddu. Aðrir
voru metnir á staðnum og ekki var
talin þörf á að flytja þá á slysadeild.
Mikill viðbúnaður var vegna slyss-
ins en umtalsverðar tafir urðu á
Reykjanesbraut. Bústaðavegur var
lokaður í á aðra klukkustund.