Morgunblaðið - 16.06.2018, Blaðsíða 23

FRÉTTIR 23Erlent
MORGUNBLAÐIÐ LAUGARDAGUR 16. JÚNÍ 2018
)553 1620
Lauga-ás hefur
frá 1979 boðið
viðskiptavinum
sínum upp á úrval
af réttum þar sem
hráefni, þekking
og íslenskar
hefðir hafa verið
höfð að leiðarljósi.
Laugarásvegi 1, 104 Reykjavík
laugaas@laugaas.is • laugaas.is
Við bjóðum m.a. upp á:
Súpur
Grænmetisrétti
Pastarétti
Fiskrétti
Kjötrétti
Hamborgara
Samlokur
Barnamatseðil
Eftirrétti
Kristján H. Johannessen
khj@mbl.is
Kínverski sjóherinn æfði varnir við
loftárásum á Suður-Kínahafi og not-
aði til þess dróna og herskip. Málefni
Suður-Kínahafs hafa mjög verið til
umræðu að undanförnu vegna vax-
andi spennu í samskiptum Kína og
Bandaríkjanna, en hún er tilkomin
vegna kröfu Kínverja um yfirráð yfir
stórum hluta hafsvæðisins.
Fréttaveita Reuters greinir frá
því að þremur drónum hafi verið
flogið yfir herskipaflota og áttu skip-
in að verjast ímyndaðri loftárás frá
flygildunum. Er æfingin sögð vera
liður í því að þjálfa hermenn fyrir
raunveruleg átök og í vörnum við
lofthernaði frá óvinveittu ríki.
Ögrun eða sjálfsagður réttur?
Ráðamenn í Beijing hafa deilt
mjög við Bandaríkin sem margsinnis
hafa boðið þeim birginn með því að
senda tundurspilli inn á Suður-Kína-
haf. Þannig sigldi tundurspillirinn
USS Larsen í eitt sinn innan tólf sjó-
mílna frá manngerðri eyju Kínverja.
Siglingu herskipsins var mótmælt
harðlega og hún sögð vera „svívirði-
leg og tilefnislaus ögrun“. Stjórnvöld
í Bandaríkjunum sögðu að sigling
herskipsins væri „þáttur í venju-
bundnum aðgerðum í Suður-Kína-
hafi í samræmi við alþjóðalög“.
Kínverjar leggja nú mikla áherslu
á að efla sjó- og flugher landsins,
meðal annars með smíði nýs flug-
móðurskips, hins fyrsta sem smíðað
er frá grunni í Kína. Verður skipið að
óbreyttu tekið í notkun árið 2020.
Í gær birtu kínverskir miðlar
myndir af Xi Jinping, forseta Kína,
þar sem hann var í heimsókn á kaf-
bátastöð í borginni Qingdao í norður-
hluta landsins. Fékk forsetinn kynn-
ingu á fjölbreyttu vopnakerfi
kafbáta og þeirri þjálfun sem kaf-
bátahermenn ganga í gegnum. Þá er
hann einnig sagður hafa spjallað við
nokkra hermenn á stöðinni.
Æfðu loftvarnir á hafi úti
 Sjóher Kína æfði viðbrögð við loftárásum á Suður-Kínahafi  Drónar nýttir til
að líkja eftir árásum á herskipaflota  Forseti landsins sótti kafbátaherstöð heim
Yfirmaður sveita
talibana í Paki-
stan, Múllah
Fazlullah, féll í
loftárás
Bandaríkjahers í
héraðinu Kúnar
í austurhluta
landsins.
Er hann sagð-
ur bera ábyrgð
á árás á skóla-
byggingu árið 2014 sem varð 132
börnum að bana og tilræðinu gegn
Malala Yousafzai 2012. Malala hef-
ur vakið mikla athygli um allan
heim fyrir hugrakka baráttu sína
fyrir rétti stúlkna og kvenna og
hlaut friðarverðlaun Nóbels fyrir
baráttu sína.
Talsmaður Bandaríkjahers segir
Fazlullah hafa fallið í drónaárás.
Talibanar höfðu í gær enn ekki
sent frá sér nein viðbrögð vegna
fráfalls foringja síns.
Leiðtogi talibana í
Pakistan drepinn í
drónaárás hersins
Múllah
Fazlullah
Donald J.
Trump, forseti
Bandaríkjanna,
tilkynnti í gær
að settur yrði
25% tollur á
vörur frá Kína.
Þær vörur sem
tollarnir ná til
eru að verðmæti
um 50 milljarðar
Bandaríkjadala.
Er það breska ríkisútvarpið, BBC,
sem greinir frá þessu.
Skömmu eftir að Trump tilkynnti
þetta sendi Beijing frá sér yfir-
lýsingu þar sem fram kemur að
Kínverjar hyggjast svara í sömu
mynt. Munu verndartollar Kína á
vörur frá Bandaríkjunum vera af
„sömu stærð og sama krafti“ og
bandarísku tollarnir.
Áður hafði Trump varað Kín-
verja við að setja á sambærilega
verndartolla. Gerist það munu
„auknar álögur“ fylgja í kjölfarið.
Verndartollar Trump ná m.a. yf-
ir búnað fyrir flugvélar auk annars
konar tæknibúnaðar.
Bandaríkin og Kína
setja verndartolla
Donald J.
Trump
Abderrahman Bouanane, 23 ára
hælisleitandi frá Marokkó, hefur
verið dæmdur í lífstíðarfangelsi fyrir
hryðjuverk í Finnlandi. Réðst mað-
urinn á hóp fólks með eggvopni í
borginni Turku í ágúst í fyrra með
þeim afleiðingum að tveir létust.
Átta til viðbótar særðust í ódæðinu,
þrír þeirra lífshættulega, en árásinni
mun sérstaklega hafa verið beint
gegn konum.
Fyrir rétti sagðist Bouanane líta á
sig sem „hermann íslams“ og vísaði
með orðum sínum til vígasamtaka
Ríkis íslams sem lengi hafa staðið fy-
ir ódæðisverkum víða um heim.
Samtökin hafa þó til þessa ekki lýst
yfir ábyrgð sinni á árásinni í Turku.
Að sögn Reuters jafngildir lífstíðar-
fangelsi í Finnlandi minnst 12 ára
fangelsisvist.
Var skotinn í fótinn
Skelfingarástand skapaðist í mið-
borg Turku þegar Bouanane lét til
skarar skríða gegn varnarlausu
fólki. Vopnuð lögregla var snögg á
vettvang eftir að tilkynnt var um
árásina og skutu lögreglumenn
ódæðismanninn í annan fótinn,
handsamaði og flutti á brott í járn-
um. Er þetta í fyrsta skipti sem árás
er flokkuð sem hryðjuverk í Finn-
landi. khj@mbl.is
AFP
Íslamisti Abderrahman Bouanane hefur verið fundinn sekur um hryðju-
verk í Finnlandi, en hann kom þangað sem hælisleitandi frá Marokkó.
Lífstíðarfangelsi fyrir
hryðjuverk í Finnlandi
Þessi hópur Sómala var í hópi þeirra milljóna
manna sem horfðu á upphafsleik heimsmeistara-
mótsins í knattspyrnu (HM) sem nú fer fram í
Rússlandi. Í leiknum burstuðu heimamenn lands-
lið Sádi-Arabíu 5:0 og bættu þannig 68 ára gam-
alt met varðandi stærsta sigur í upphafsleik HM.
Á skjá túbusjónvarps sómalska hópsins má
lauslega greina leikmann Sáda á tali við dómara,
en af ljósmynd AFP að dæma virðast þessir
knattspyrnuunnendur spenntir fyrir niðurstöðu
leiksins enda markar hann upphafið á mikilli fót-
boltaveislu.
AFP
Knattspyrnuveisla í túbustjónvarpi