Morgunblaðið - 21.06.2018, Síða 2

2 MORGUNBLAÐIÐ FIMMTUDAGUR 21. JÚNÍ 2018FRÉTTIR
Mesta lækkun Mesta hækkun
VIKAN Á MÖRKUÐUM
AÐALMARKAÐUR ÁLVERÐ ($/tonn)
ORIGO
-1,90%
20,6
ICEAIR
+8,83%
13,19
S&P 500 NASDAQ
+0,49%
7.784,229
-0,37%
2.769,29
-0,09%
7.627,4
FTSE 100 NIKKEI 225
21.12.‘17 21.12.‘1720.6.‘18 20.6.‘18
1.900
802.500
2.148,0
2170,0
Unnið í samstarfi við IFS.Hreyfingar frá upphafi viku til kl. 16 í gær.
75,43-1,30%
22.555,43
BRENT OLÍUVERÐ ($/tunnu)
60
64,9
Viljayfirlýsing hefur verið undirrituð
um kaup Kviku banka á hlutafé
Gamma Capital Managment. Sam-
kvæmt tilkynningu nemur kaupvirðið
3.750 milljónum króna og er það greitt
í formi reiðufjár og hlutabréfa í Kviku.
Þannig er miðað við að við frágang
viðskiptanna greiðist annars vegar
1.057 milljónir króna í reiðufé og hins
vegar 56,1 milljón hluta í Kviku. Þá
komi til árangurstengd greiðsla sem
metin er á 1.443 milljónir í reiðufé og
allt að 108,9 milljón hlutum í Kviku.
Eigið fé Gamma um síðustu áramót
nam 2.054 milljónum króna. Í þeirri
tölu er ekki tekið tillit til tekjufærðrar
600 milljóna færslu sem er krafa á
sjóði í rekstri félagsins vegna árang-
urstenginga. Miðað við þetta gæti sal-
an á félaginu gengið í gegn á marg-
faldaranum 1,4 af eigin fé Gamma.
Hagnaður Gamma í fyrra nam 626
milljónum króna. Árið áður nam
hagnaðurinn 846 milljónum.
Ármann Þorvaldsson, forstjóri
Kviku, segir að fyrirhuguð kaup, sem
háð eru fyrirvörum um áreiðanleika-
kannanir, samþykki eftirlitsaðila og
samþykki hluthafafundar Kviku, séu
til þess að efla bankann, sem hafi verið
í sókn á íslenskum fjármálamarkaði.
Styr milli stærstu hluthafa
Valdimar Ármann, forstjóri
Gamma, segir að viðskiptin treysti fé-
lagið enn frekar í sessi, en fram kem-
ur í tilkynningu að Kvika hyggist
áfram reka félagið undir sama nafni
sem sjálfstætt dótturfélag.
Nokkur styr hefur staðið um
stjórnun Gamma á undanförnum
mánuðum og leiddu þau átök til þess
að Gísli Hauksson hvarf frá dag-
legum rekstri fyrirtækisins fyrr á
þessu ári. Snerist ágreiningurinn um
ólíka sýn á stefnu félagsins, ekki síst
þeim þáttum sem lutu að uppbygg-
ingu erlendrar starfsemi bæði í
Bandaríkjunum og Evrópu. Ekki
liggur fyrir hvort salan nú sé afleið-
ing þeirra átaka.
Gísli bendir á að með innri vexti
hafi félaginu tekist að byggja upp
starfsemi sem hverfist í kringum
sjóðastýringu sem nú er 138 millj-
arðar að stærð.
Stærsta stýringarfyrirtækið
Gangi kaup Kviku á Gamma eftir
verður sjóðastýring á hendi fyrirtæk-
isins sú umfangsmesta hér á landi.
Þannig verða samanlagðar eignir í
stýringu um 400 milljarðar króna. Til
samanburðar má nefna að á heima-
síðu Stefnis, sem er í eigu Arion
banka og hefur um langt árabil verið
stærsta sjóðastýringarfyrirtæki
landsins, kemur fram að félagið hafi
um 350 milljarða króna í stýringu.
Hlutdeild seljenda
Hluthafar Gamma eru átta talsins.
Stærstur í þeim hópi er Gísli Hauks-
son, fyrrverandi forstjóri fyrirtæk-
isins, í gegnum félag sitt Ægi Invest.
Hann á 33,1% hlut og verður hlutur
hans í söluandvirðinu, gangi salan eft-
ir, 1.242 milljónir króna. Næststærsti
eigandinn er Agnar Tómas Möller,
sem stofnaði Gamma ásamt Gísla
fyrir áratug. Hann á 31,8%. Hlutdeild
hans í söluverði verður 1.192 millj-
ónir. Þriðji stærsti eigandinn er
félagið Straumnes, með 10,7% hlut.
Að baki því félagi standa systkinin
Ari og Björg Fenger ásamt móður
þeirra, Kristínu. Hlutur þeirra í söl-
unni nemur tæpri 401 milljón króna.
Félagið Volga á jafn stóran hlut og
Straumnes. Eigandi þess er Guð-
mundur Björnsson, framkvæmda-
stjóri hjá Gamma. Valdimar Ármann,
forstjóri félagsins, á 6,7% og sölu-
andvirði þess hlutar er tæpar 249
milljónir. Lýður Þór Þorgeirsson,
framkvæmdastjóri hjá Arion banka, á
3,85% hlut og söluandvirði þess hlut-
ar er rúmar 144 milljónir. Jónmundur
Guðmarsson, framkvæmdastjóri hjá
Gamma, á félagið Polygon sem held-
ur á 2,1% hlut. Hann fær í sinn hlut
80,2 milljónir. Félagið LL34 er svo í
eigu Ragnars Jónassonar, yfir-
lögfræðings Gamma. Það á tæpt 1,1%
í Gamma og í þess hlut koma 40 millj-
ónir, gangi viðskiptin eftir.
Kvika hækkar í kjöl-
far kaupa á Gamma
Stefán E. Stefánsson
ses@mbl.is
Hlutabréf Kviku hækkuðu
á First North-markaði
Kauphallarinnar í kjölfar
þess að tilkynnt var um
fyrirhuguð kaup bankans
á öllu hlutafé fjármálafyrir-
tækisins Gamma.
Morgunblaði/Arnþór Birkisson
Gamma verður samkvæmt tilkynningu áfram til húsa í Garðastræti 37 eins
og verið hefur. Félagið verður áfram rekið sem sjálfstætt dótturfélag Kviku.
FJÁRMÁLAMARKAÐUR
Frjálsi lífeyrissjóðurinn, sem er í
stýringu hjá Arion banka, fékk út-
hlutað 8 milljónum bréfa í bank-
anum, sem jafngildir 0,4% í heildar-
hlutafé bankans, í frumútboði sem
lauk í síðustu viku. Virði hlutarins,
miðað við gengi á bréfum bankans
við lok markaða í gær, nam 685
milljónum króna. Það jafngildir ríf-
lega 0,3% af heildareignum sjóðs-
ins, sem um síðustu áramót reynd-
ust rúmir 210 milljarðar króna.
Eftirlaunasjóður félags íslenskra
atvinnuflugmanna, sem einnig er í
stýringu hjá Arion banka, tryggði
sér 450 þúsund hluti í bankaútboð-
inu. Virði hlutarins nemur 38,5
milljónum króna. Svarar það til
0,1% af eignum sjóðsins, sem um
síðustu áramót voru 34,4 milljarðar
króna.
Samkvæmt upplýsingum frá Brú
lífeyrissjóði, sem er áttundi stærsti
lífeyrissjóður landsins, með heildar-
eignir upp á ríflega 190 milljarða, á
sjóðurinn engin hlutabréf í Arion
banka.
ViðskiptaMogginn hefur ítrekað
óskað eftir aðgangi að uppfærðum
hluthafalista Arion banka á síðustu
dögum. Bankinn hefur ekki getað
orðið við þeirri beiðni og bent á að
nýr listi sé ekki tilbúinn. Sam-
kvæmt svörum frá bankanum verð-
ur listinn tilbúinn í dag, fimmtudag,
og þá verður gerður aðgengilegur
listi yfir þá hluthafa sem eiga 1%
eða meira í bankanum. ses@mbl.is
Sjóðir í stýringu Arion
fjárfestu í bankanum
Morgunblaðið/Eggert
Margir lífeyrissjóðir eru í hópi nýrra
hluthafa Arion banka eftir útboðið.
TÓNLIST
Hreinar tekjur STEFs, Sambands
tónskálda og eigenda flutningsréttar,
jukust um rétt tæplega 15,3% milli
áranna 2016 og 2017, en þetta kemur
fram í ársreikningi sambandsins.
Hreinar tekjur í fyrra voru rétt rúm-
lega 610 milljónir króna en voru 530
milljónir árið áður.
Bætt hljómritunarumhverfi
Jakob Frímann Magnússon, frá-
farandi formaður STEFs, segir að
rekja megi þessa miklu aukningu í
tekjum STEFs til þess að umhverfið í
kringum hljómritun og höfundarrétt
hafi breyst mikið til hins betra á síð-
astliðnum árum. „Það eru gleðitíðindi
að við erum fyrsta landið í heiminum
til þess að bjóða 25% endurgreiðslu af
kostnaði vegna framleiðslu hljómrita,
líkt og gert er í kvikmyndaiðnaðinum.
Það er auðvitað gífurlegur hvati til
aukningar á hljómritum.“
Jakob talar einnig um að STEF
hafi barist fyrir því að höfundarréttur
verði jafngildur eignarrétti og að
skattlagning stefgjalda verði færð í
fjármagnstekjuskatt. Í stjórnarsátt-
mála ríkisstjórnarinnar kemur fram
að stefnt sé að breytingu á þessu.
Uppfærð gjaldskrá IHM
Annar orsakavaldur þess að tekjur
STEFs jukust svona mikið er að
IHM, Innheimtumiðstöð gjalda, upp-
færði gjaldskrá sína. IHM fær tekjur
sínar við innheimtu gjalda af ýmsum
varningi sem notaður er til upptöku á
hljóði eða mynd. Upphaflega var
þetta gjald sett á kassettur, plötur og
geisladiska, en með tilkomu nýrrar
tækni til þess að taka upp og fjölfalda
hljómrit hefur gjaldskrá IHM verið
uppfærð til þess að bregðast við því.
Tekjur vegna úthlutunar frá IHM,
vegna eintakagerðar til einkanota,
fóru úr 324 þúsund krónum árið 2016 í
38 milljónir króna í fyrra, sem er í
kringum 116-földun.
Jakob segir þetta mesta tekjuvöxt
á milli ára í sögu STEFs. Hann lætur
nú af stjórnarformennsku eftir 12 ára
vist og segist afar sáttur við frábæran
afrakstur á þessu 70. afmælisári sam-
takanna. steingrimur@mbl.is
Mesti tekjuvöxtur í sögu STEFs í fyrra
Kompany fyrirtækjaráðgjöf í samstarfi við
Fasteignasöluna Bæ auglýsir í einkasölu
Hópferðabíla Jónatans Þórissonar ehf.
Fyrirtækið er skuldlaust og rekið í eigið húsnæði að Flugumýri
22 í Mosfellsbæ. Grunnflötur er 218 fm auk millilofts. Gólfflötur
er 296 fm. Lóðarstærð er 2362,5 fm. Nýtingarhlutfall 0,13.
Bílastæði eru 19. Gert er ráð fyrir álíka húsnæði til viðbótar á
lóðinni.
Fyrirtækið er með eldri fyrirtækjum á þessum markaði og er
nú með 10 rútur í fullum rekstri í sumar. Mikil sala og pantanir
eru þegar fyrirliggjandi í sumar. Hægt er að kaupa fyrirtækið
eða einstaka rútur með þeim tekjum sem kunna að fylgja
rútunum.
Til greina kemur að selja einnig hlut í Hópferðamiðstöðinni.
Allar frekari upplýsingar veita:
Kristján Kristjánsson,
framkvæmdastjóri Hópferðabíla Jónatans Þórissonar ehf. s 892-3102.
Óskar Thorberg Traustason,
MBA rekstrarhagfræðingur og löggiltur fasteigna- og fyrirtækjasali á
Fasteignasölunni Bæ, s 659-2555, netfang: oskar@fasteignasalan.is