Morgunblaðið - 21.06.2018, Side 7

MORGUNBLAÐIÐ FIMMTUDAGUR 21. JÚNÍ 2018 7ATVINNULÍF
kostnaðareftirlit, samningagerð og samskipti við stjórn. Fjármálastjóri
tilheyrir stjórnendateymi Nova og heyrir undir forstjóra fyrirtækisins.
Nova er markaðsdrifið þjónustufyrirtæki með sterka
fyrirtækjamenningu sem einkennist af mikilli þjónustulund og
þjónustugæðum. Nova á og rekur eigið 3G/4G og 4,5G
fjarskiptakerfi, býður ljósleiðaraþjónustu til heimila og alhliða
fjarskiptaþjónustu til fyrirtækja. Hjá Nova starfa 150 manns og
voru tekjur félagsins á síðasta ári um 9 milljarðar króna.
Nánari upplýsingar veita Þórður S. Óskarsson (thordur@intellecta.is) og
Thelma Kristín Kvaran (thelma@intellecta.is), ráðgjafar hjá Intellecta, í
síma 511 1225.
Umsóknir óskast fylltar út á intellecta.is ásamt starfsferilskrá og
kynningarbréfi. Umsóknarfrestur er til og með 6. júlí 2018. Farið er með
allar fyrirspurnir og umsóknir sem trúnaðarmál.
Við leitum að framúrskarandi fjármálastjóra í stjórnendateymi Nova
sem getur lagt sitt af mörkum við að gera stærsta skemmtistað í heimi
enn stærri.
Draumaumsækjandinn er kraftmikill og skemmtilegur leiðtogi sem býr yfir
miklum stjórnunarhæfileikum og getu til að byggja upp öfluga liðsheild.
Viðkomandi þarf að vera með háskólamenntun á sviði viðskipta eða
sambærilega menntun og hafa yfirgripsmikla þekkingu og reynslu af
fjármálastjórnun. Reynsla af framsetningu upplýsinga og yfirferð uppgjöra
ásamt þekkingu á IFRS og jafnlaunavottun koma þér framar í röðina.
Viðkomandi þarf að búa yfir góðum samskiptahæfileikum ásamt góðri
íslensku– og enskukunnáttu. Helstu verkefni eru dagleg fjármálastjórn,
áætlanagerð og uppgjör, umsjón með bókhaldi, tekju– og
2017
FJÁRMÁLASTJÓRI NOVA
Sæktu
um fyrir
6. júlí á
intellecta.is
Verslanir Nova eru í Kringlunni, Smáralind, Lágmúla, á Selfossi og á Glerártorgi Akureyri
Þjónustuver 519 1919 | www.nova.is
Talar þú fjármál?
„Viðskipta- og stjórnunarfræðin
glíma við það vandamál að akademí-
an hefur búið til kerfi þar sem fræði-
menn skrifa aðallega fyrir aðra
fræðimenn. Er
varla að nokkur
annar komist inn
í þessa hringrás
eða hafi yfirhöfuð
á henni áhuga því
að greinarnar
eru oft svo tækni-
legs eðlis að það
er ekki á færi
hvers sem er að
átta sig á innihaldinu. Kerfið hefur
verið sett þannig upp að það sem
skiptir mestu máli fyrir launakjör
fræðimanna og framgöngu innan
háskólanna er að gefa út sem flestar
greinar hjá sem virtustum ritum –
þeir græða ekkert á því að reyna að
ná til almennings. Þannig fer mesta
yfirfærsla þekkingar fram í gegnum
kennslu frekar en í gegnum rann-
sóknarritgerðir.“
Þetta segir dr. Eyþór Ívar Jóns-
son, ráðstefnustjóri EURAM 2018
og forstöðumaður rannsóknar-
miðstöðvar um stjórnunarhætti hjá
Háskóla Íslands. EURAM-
ráðstefnan fer fram í Reykjavík dag-
ana 19. til 22. júní og eitt af aðal-
umræðuefnum viðburðarins er
hvaða leiðir má fara til að brúa bilið á
milli fræðasamfélags og atvinnulífs.
EURAM er einn stærsti við-
burður viðskipta- og stjórnunar-
fræðaheimsins og laðar að gesti frá
öllum heimshornum. „Þetta er tæki-
færi fyrir fræðimenn til að hittast,
ráða ráðum sínum og fá innblástur
fyrir frekari rannsóknir og skrif.
Háskólarnir senda líka deildar-
forseta sína til ráðstefnunnar, m.a.
til að marka betri framtíðarstefnu
fyrir kennslu og rannsóknir. Margir
nota tækifærið líka til að styrkja
tengslanetið innan akademíunnar og
láta á sér bera, og koma á tengslum
við ritstjóra virtustu vísindarita sem
einnig eiga fulltrúa á EURAM,“
upplýsir Eyþór.
Fræðimenn fari út af örkinni
Yfirskrift EURAM 2018 er
„Research in Action – Accelerating
Knowledge Creation in Manage-
ment“. „Það vísar ekki bara til þess
að fræðimenn miðli þekkingu sinni
betur út í samfélag og atvinnulíf,
heldur líka að þeir stundi þekking-
arsköpun á vettvangi frekar en við
skrifborðið: að þeir fari út af örkinni
og prófi sig þar áfram með ýmsum
hætti til að læra af tilraununum og
öðlast nýja þekkingu á viðfangs-
efnum sínum,“ segir Eyþór og minn-
ist orða Snorra Sturlusonar úr
Heimskringlu: fátt veit fyrr en reynt
er. „Fræðasamfélagið þarf að leita
út fyrir háskólana, eiga í samtali við
stjórnendur og vinna með þeim að
þekkingarsköpun, og reyna að stuðla
að því að þekkingin sé nýtt til að
taka betri ákvarðanir.“
Eyþór segir yfirskrift ráðstefn-
unnar líka tengjast því hversu brýnt
það er að fjölmiðlar geti fjallað um
viðskipta- og stjórnunarmál á vand-
aðan hátt og leitað til fólks sem skýrt
getur hlutina á mannamáli. „Það er
vandamál sem á við um flestar þjóðir
að hörgull er á álitsgjöfum og öðrum
sérfræðingum sem þýða fræðin yfir
á mál sem stjórnendur, starfsmenn
og allur almenningur getur skilið og
þannig nýtt sér þekkinguna.“
Að sögn Eyþórs hafa mjög áhuga-
verðar umræður farið fram á
þinginu um þessi mál og gestir
stungið upp á ýmsum lausnum. „Ein
af þeim hugmyndum sem njóta tölu-
verðs fylgis er að innleiða þau vinnu-
brögð að með hverri fræðigrein fylgi
1-2 blaðsíðna samantekt sem kemur
efni greinarinnar til skila á þann hátt
að leikmenn eigi ekki í neinum vanda
með að skilja og tileinka sér.“
Tengi betur fræði og atvinnulíf
Ásgeir Ingvarsson
ai@mbl.is
Gestir EURAM 2018-
ráðstefnunnar hafa m.a.
rætt þann möguleika að
gera það að reglu að há-
vísindalegum fræðigrein-
um á sviði viðskipta og
stjórnunar fylgi stutt sam-
antekt sem almennir les-
endur geta skilið.
Morgunblaði/Arnþór Birkisson
Frá setningu EURAM 2018. Um 1.700 gestir sækja viðburðinn, og er það ríflega tvöföldun frá síðustu ráðstefnu.
Dr. Eyþór Ívar
Jónsson