Morgunblaðið - 21.06.2018, Page 12

12 MORGUNBLAÐIÐ FIMMTUDAGUR 21. JÚNÍ 2018SJÓNARHÓLL
Viðarhöfða 1, 110 Reykjavík | Sími 566 7878 | rein.is
Bakteríuvörn
Kvarts steinn frá Silestone er fáanlegur í fjölbreyttum áferðum og litum.
Silestone bjóða einir upp á borðplötur með varanlegri
bakteríu- og sveppavörn.
Gefðu heimilinu ferskleika og líf á þínum forsendummeð Silestone.
Blettaþolið Sýruþolið
Högg- og
rispuþolið
Kvarts steinn
í eldhúsið
silestone.com
ÓMAR
Öll erum við ólík. Engir tveir eru eins. Sú stað-reynd gefur lífinu fjölbreyttan lit og er ígrunninn forsenda þess afls sem losnar úr
læðingi þegar hver og einn kemur með sitt framlag
inn í hópinn; fjölskylduna, vini, samstarfsfélaga, sam-
félagið. Þessu erum við flest sammála. Þegar litið er
til atvinnulífsins er mikilvægi þess að vinna gegn eins-
leitni teyma og tryggja ákveðna blöndun t.d. kynja og
kynslóða almennt viðurkennt.
En þrátt fyrir þessa staðreynd hefur á móti gætt
þróunar í átt að einsleitni þegar kemur að því á hvern
hátt framlag einstaklings er
metið. Þessi einsleitni birtist
í viðhorfum til þess sem talið
er skipta mestu máli í teym-
isvinnu og forystu. Þar eru
einstaklingar sem tala mikið
og hafa sig mikið í frammi
taldir öflugir og kraftmiklir.
Hvort sem er á fundum eða
almennt. Það að láta í sér
heyra, spyrja spurninga, og
almennt vera „úthverfur“ (e. extrovert) í hegðun er
talið merki um dugnað, frumkvæði og forystuhæfni.
Ofuráherslan á þessa eiginleika á sinn þátt í því að
halda sjálfshjálpariðnaðinum í Bandaríkjunum uppi,
en áætlað er að hann velti um 10 milljörðum dollara á
ári.
Þessi viðhorf, um að þetta sé það sem máli skiptir,
kemur jafnvel fram í skólakerfinu. Krakkar sem eru
duglegir að spyrja spurninga og eru ræðnir í hópa-
vinnu fá oftar athygli og jákvæða umsögn kennara. Á
sama tíma hafa kennarar jafnvel áhyggjur af þeim
einstaklingum sem eru þögulir og hafa sig síður í
frammi. Gjarnan er álitið að þeir nemendur séu seinni
til.
Áhrif þessarar áherslu birtast víða. Viðhorfið er að
þeir málglöðu séu meira með hlutina á hreinu og
klárari en hinir. Og ákvörðun í lok fundar í fyrir-
tækjum er oft í samhljómi við þann sem talar hæst og
mest á fundinum. Gríðarleg áhersla á teymisvinnu er
á sama hátt dæmi um þá skoðun að einstaklingur með
sjálfum sér sé ólíklegri til að skapa virði en teymið.
Nýleg rannsókn í Bandaríkjunum sýndi að 90%
stjórnenda töldu teymisvinnu vera lykil að árangri. Í
hinum virta háskóla Harvard Business School er ofur-
áhersla lögð á að unnið sé í teymum að raunverk-
efnum, og nemendur fara meira að segja í hópum á
snyrtinguna. Innhverfir (e. introverts) einfarar eru
litnir hornauga.
Fyrir fáum árum kom út afar áhugaverð bók eftir
Susan Cain, sem fjallaði um þessi viðhorf. Bókin heitir
Quiet. The Power of Introverts in a World That Can’t
Stop Talking. Cain rekur í bók sinni mörg dæmi um
það sem að hennar mati er ekki góð þróun í því að
halda jafnvægi á milli þessara
ólíku sjónarmiða og hegðunar í
samskiptum, stjórnun og ákvörð-
unum. Cain nefndi í bók sinni
dæmi um mannauðsstjóra sem
sagðist vilja skapandi starfsfólk
og var spurður um hvað fælist í
því; „Opin, skemmtileg, og sjáan-
lega gíruð til að vinna hjá okkur,“
var svarið. Staðalímynd skapandi
einstaklinga var því tengd út-
hverfri hegðun með einstaklingum sem hafa ánægju af
því að heyra í sjálfum sér, og eru dálítið uppteknir af
því að hafa sig í frammi. Ekki var gert ráð fyrir að
„rólyndir einfarar“ væru skapandi. Gleymd voru orð
Alberts Einsteins sem sagði: „Það er ekki af því ég er
svo klár, heldur það að ég dvel lengur við vanda-
málið.“
Bók Cain kom af stað mikilli umræðu um hvernig
stöðunni væri háttað í dag, ekki síst hversu mikilvægt
væri að sjá virði þess að hafa ólíka einstaklinga saman
í fyrirtækjum. Alla liti regnbogans. Bæði þá sem eru
frakkir, málglaðir, félagslyndir og hvatvísir, sem og þá
innhverfu. Einstaklinga sem kjósa að hugleiða vel
hluti áður en þeir segja sína skoðun, vilja oft tjá sig
frekar með skrifum, njóta þess að dvelja í þögninni,
og vera með nánum vinum og fjölskyldu. Þörf er fyrir
báðar gerðir. Jeff Bezos, forstjóri Amazon, virðist hafa
áttað sig á þessu mikilvægi því sérhver fundur hefst í
algerri þögn. Hugsið um það. Algerri þögn. Áður en
nokkrar umræður hefjast verða allir að lesa minn-
isblað um markmið og efni fundarins og hugsa ....... og
ræða síðan saman og nýta kraft og samlegð teymisins.
STJÓRNUN
Þórður Sverrisson
ráðgjafi í stjórnun og stefnumótun
hjá Capacent
Í öllum regnbogans litum
”
Gríðarleg áhersla á
teymisvinnu er á sama
hátt dæmi um þá skoð-
un að einstaklingur með
sjálfum sér sé ólíklegri til
að skapa virði en teymið.
FORRITIÐ
Þó svo að heimasíða Life Progress
sé björt og fögur á að líta er ekki
laust við að þjónustan sem hún býð-
ur upp á sé í dekkri kantinum.
Life Progress (lifeprogress.co)
reynir að hvetja notendur til að láta
draumana rætast og ná markmiðum
sínum með því að minna þá reglu-
lega á hvað þeir eiga mikið (eða lítið)
eftir ólifað.
Markmiðið er, eins og aðstand-
endur verkefnisins orða það, að fá
fólk til að lifa lífinu til hins ýtrasta og
draga úr eftirsjá; að hvetja notendur
til að hugsa stórt og haga lífinu
þannig í dag að leiði til góðs á morg-
un.
Notandinn fyllir út eyðublað þar
sem hann tiltekur m.a. aldur sinn og
kyn og hvaða metnaðarfulla mark-
miði hann langar að ná í lífinu. Life
Progress sendir síðan sms-skeyti og
tölvupóst í hvert skipti sem notand-
inn færist 0,1% nær því að fara yfir
móðuna miklu og líka fyrir hvern
fjórðung af prósentubroti.
Endalokin færast nær – ertu bú-
inn að skrifa skáldsöguna eða hlaupa
heilt maraþon eins og þú ætlaðir
þér? ai@mbl.is
Tíminn líður hratt
svo láttu verkin tala