Morgunblaðið - 18.07.2018, Qupperneq 29

DÆGRADVÖL 29
MORGUNBLAÐIÐ MIÐVIKUDAGUR 18. JÚLÍ 2018
bestalambid.isBeztu uppskriftirnar okkar
Enn einn dagur
í Paradís
Bez
t á lambið
Stjörnuspá
21. mars - 19. apríl 
Hrútur Þú ert stórhuga í dag þegar kemur
að eignum, heimili og samskiptum við fjöl-
skylduna. Ekki ganga ekki á bak orða
þinna.
20. apríl - 20. maí 
Naut Það yrði margt auðveldara ef þú
leyfðir vinum og vandamönnum að hjálpa
þér. Þú ert búin/n að fá þig fullsadda/n á
fagurgala einhvers og segir það hreint út.
21. maí - 20. júní 
Tvíburar Ef þú heldur aftur af þér mun
einhver annar grípa gæsina. Mundu að öllu
gamni fylgir nokkur alvara. Þú bindur mikl-
ar vonir við nýjan samstarfsfélaga.
21. júní - 22. júlí 
Krabbi Eitthvað nýtt bíður þín við hvert
fótmál. Sýndu öðrum þann skilning sem þú
vilt fá. Þú vaknar upp við vondan draum,
sumarið langt komið og þú ekki búin/n að
skipuleggja fríið.
23. júlí - 22. ágúst 
Ljón Ígrundaðu á hvern hátt þú getur bætt
samskipti þín við ættingja og fjölskyldu.
Settu heilsu þína í forgang.
23. ágúst - 22. sept. 
Meyja Allt sem þú segir í dag er svo já-
kvætt og uppbyggilegt að aðrir láta sann-
færast. Þó útlitið sé slæmt í fjármálunum
er óþarfi að mála skrattann á vegginn.
23. sept. - 22. okt. 
Vog Gættu þess vandlega að aðrir skilji
hvað fyrir þér vakir. Kannaðu hvort ódýrari
lausnir heima fyrir gera ekki sama gagn og
þær fokdýru.
23. okt. - 21. nóv.
Sporðdreki Þú skellir skollaeyrum við öllu
sem fólki finnst um ástalíf þitt. Menn
munu sjá þegar mál skýrast að þú hefur
rétt fyrir þér.
22. nóv. - 21. des.

Bogmaður Fólk sem átti áður stóran þátt í
ákvörðunum þínum hefur ekki lengur áhrif
á þig. Ef þú heldur ekki um stjórnartaum-
ana heima fyrir þá er ekki von á góðu.
22. des. - 19. janúar 
Steingeit Það er best fyrir þig að tala
skýrt og skilmerkilega núna. Vertu með
þeim sem skilja þig og vilja hjálpa þér út
úr þínum aðstæðum.
20. jan. - 18. febr. 
Vatnsberi Þú hefur verið verið að vinna
vel undanfarið. Þú ert praktísk/ur að eðl-
isfari og vilt geyma það sem þú heldur að
þú þurfir að nota síðar. Þolinmæði er
dyggð.
19. feb. - 20. mars

Fiskar Það hefnir sín alltaf þegar anað er
út í hlutina undirbúningslaust. Leggðu allt
kapp á að finna farsæla lausn svo þú getir
sofið róleg/ur.
Helgi R. Einarsson var í sólar-löndum og orti „Ferðalok“ áð-
ur en haldið var út til Íslands:
Í kroppana fiðringinn fengum
er frjáls við um eyjuna gengum.
Landslagið, sjórinn,
lífsgleðin, bjórinn.
Það leiddist á Jerseynni engum.
Og enn orti Helgi og þótti „Ekki
svo slæmt“:
Af fúlmennsku hún ’onum hratt,
fram af hamrinum þess vegna datt.
Nú er hann andi
í eilífðarlandi,
af því að það var svo bratt.
Það er alltaf skemmtilegt að
fletta Fésbókarsíðu Hjálmars Frey-
steinssonar:
Ég nenni ekki að norpa í skjóli,
en nýt mín á hæsta stóli,
þar sem útsýni er mest
ég uni mér best,
mælti Hreggviður blindi á Hóli.
Ég komst yfir blaðið Tindastól en
í 1. tbl. árið 1960 er rabbað við þann
snjalla hagyrðing og alþýðuskáld
Gísla Ólafsson frá Eiríksstöðum 75
ára. Kunnasta staka hans er vafa-
laust:
Lífið fátt mér ljær í hag
lúinn þrátt ég glími.
Koma máttu um miðjan dag
mikli háttatími.
Ég gríp niður í viðtalinu við
Gísla:
„Oft á fund með frjálslyndum
fyrr ég skunda réði,
en nú fæst undir atvikum
aðeins stundargleði.
Veraldarauði hefur Gísli ekki
safnað. Þar er kannski enginn skaði
skeður:
Þótt þó berir fegri flík
og fleiri í vösum lykla,
okkar verður lestin lík
lokadaginn mikla.
Og heimshyggjan fær glettið
bros í þessari stöku, og kannski ei-
lítið beiskt:
Einn að vanti eyririnn
ekki er von þér líki,
ef þú flytur auðinn þinn
inn í himnaríki.“
Gísli segist alltaf hafa verið
strangtrúaður maður, – „viss um
guðs handleiðslu í smáu og stóru“:
Guð er sem greiddi mér veginn
gegnum hætturnar römmu,
og til hans barni mér bentu
bænirnar hennar mömmu.
Því var spáð að illa færi fyrir
Skarða-Gísla vegna drykkjuskapar.
Þá kvað hann:
Lífsins enda allir fá
eilíf sendast launin hæfu,
en ölvafjendur ekki þá
eiga í hendi mína gæfu.
Halldór Blöndal
halldorblondal@simnet.is
Vísnahorn
Ferðalok og hinn mikli háttatími
EMMA OG LÚKAS FENGU
SKRIFSTOFUKENNSLU.
„ÉG ER EKKI HRIFINN AF ÞESSUM STÓRA
SVAMPI. ALLT BAÐVATNIÐ ER FARIÐ!“
Ferdinand
Hrólfur hræðilegi
Grettir
... að vita ekki hvort þú
stendur of nálægt, eða
of langt í burtu.
Í klípu eftir Mike Baldwin eftir Jim UngerHermann
SALATIÐ
ER TILBÚIÐ!
GRETTIR? SALATIÐ
ER TILBÚIÐ!
ÉG VEIT EKKI
HVAÐ ÉG Á AÐ
GERA VIÐ ÞÆR
UPPLÝSINGAR
ÉG ELSKA AÐ STÝRA DÝRUM KNERRI TIL
ÞESS AÐ HÖGGVA MANN OG ANNAN!
ÉG VEIT! EN
HJARTAÐ
ER ALLTAF
HEIMA!
TEKUR ÞÚ MINJAGRIPI LÍKA?!
Víkverji hafði ekki áttað sig á þvíhversu mikil þróun hefur átt sér
stað í smíði þýðingarforrita fyrr en
hann fór til Rússlands í júní að fylgj-
ast með afrekum íslenska karla-
landsliðsins í knattspyrnu. Fram að
því hafði hann einkum tengt þau við
vandræðalegar þýðingar og mis-
skilning. Reyndar eru þessi forrit
enn langt frá því að vera fullkomin,
en gagnsemi þeirra blasti hvað eftir
annað við Víkverja í samskiptum
hans við heimamenn.
x x x
Í tilefni af ferðinni sótti Víkverjismáforrit og vistaði þar sér-
staklega rússneska orðabók. Hann
verður að játa að hann var steini
lostinn þegar hann beindi símanum
að skilti á rússnesku og á skjá sím-
ans var ensk þýðing komin í stað
rússneskunnar með sömu leturgerð
líkt og ljósmynd, sem átt hefði verið
við.
x x x
Þýðingarforritin komu sér vel ísamskiptum við leigubílstjóra,
þjóna á veitingastöðum og jafnvel
fólk á götum úti. Enskukunnátta er
greinilega af skornum skammti í
Rússlandi, en Rússar voru greini-
lega tilbúnir að brúa tungumála-
vanda með því að nota þýðingar-
forrit. Á georgískum veitingastað
þar sem þýðingarforritið átti í vand-
ræðum með skrautskrifaðan mat-
seðil spurði þjónustustúlka hvaðan
við værum. Andartaki síðar birti hún
okkur á íslensku innihald réttanna,
sem við höfðum bent á.
x x x
Víkverji er þó ekki viss um að ennsé tímabært að nota þýðing-
arforrit í milliríkjasamskiptum eða
við sjúkdómsgreiningar. „Þú ert al-
veg velkominn!“ stóð á skilti yfir
veitingastað í Rostov. Móttökurnar
sýndu að það var alveg rétt, en þó
var þýðingin það ekki alveg. En það
er með ólíkindum hvað þessari
tækni fleygir fram og það er hætt að
hljóma eins og vísindaskáldskapur
að hægt verði að ferðast um og eiga
samræður á öllum heimsins tungu-
málum án þess að kunna orð í öðru
en móðurmálinu.
vikverji@mbl.is
Víkverji
Jesús sagði: „Hver sem ber ekki sinn
kross og fylgir mér getur ekki verið
lærisveinn minn.“
(Lúkasarguðspjall 14.27)