Morgunblaðið - 23.07.2018, Síða 26

26 MENNING
MORGUNBLAÐIÐ MÁNUDAGUR 23. JÚLÍ 2018
Smiðjuvegi 4C | 200 Kópavogur | Sími 587 2202 | hagblikk@hagblikk.is | hagblikk.is
HAGBLIKK
Álþakrennur
& niðurföll
Þakrennurnar eru frá GRÖVIK VERK í Noregi
Þær eru einfaldar í uppsetningu
HAGBLIKK
Ryðga ekki
Brotna ekki
Litir á lager:
Svart, hvítt, ólitað, rautt
silfurgrátt og dökkgrátt
Ofurhetjumyndin Logan með Hugh
Jackman í aðalhlutverki er sú kvik-
mynd sem mest var kvartað undan
við breska kvikmyndaeftirlitið árið
2017, en það er þriðja kvikmynd
Jackmans sem byggir á persónunni
Jarfa, eða Wolverine, úr X-Men
kvikmyndunum.
Kvikmyndaeftirlitið segir í
skýrslu sinni að tuttugu kvartanir
hafi borist vegna myndarinnar, sem
var bönnuð innan 15 ára. Fannst
fólki of mikið ofbeldi í myndinni og
að aldurstakmarkið hefði átt að
vera 18 ára. Hins vegar fannst
eftirlitinu að í myndinni væri ekki
dvalið við áverka og þjáningar. Í
henni væri vissulega mikið ofbeldi
og oft blóðugt en horfið væri fljótt
frá því til að beina sjónum frekar að
hasar en kvalalosta. Fantasísk um-
gjörð myndarinnar og aðalpersóna
sem er ofurhetja verða enn frekar
til að fjarlægja ofbeldið raunveru-
leikanum.
Sú kvikmynd sem var næstmest
kvartað yfir var sögulega myndin
Padmavaat sem fjallar um ind-
verska drottningu á 13. öld, og þótti
sú dáða drottning rangtúlkuð.
Næst kom ofbeldisfulli tryllirinn
Atomic Blonde með Charlize Ther-
on, þar sem aftur var kvartað yfir
ofbeldi, en eftirlitið taldi það of stíl-
fært til að hafa skaðleg áhrif á
áhorfendur.
Kvartað Kvikmyndin Logan fór fyrir brjóstið á mörgum sem hana sáu.
Mest kvartað undan ofbeldinu í Logan
VIÐTAL
Ásgeir Ingvarsson
ai@mbl.is
„Það er ekki laust við að ég fái
smá samviskubit yfir að biðja flytj-
endur að koma í Reykholt á
miðjum sumarfrístímanum, en það
eru einhverjir galdrar sem losna
úr læðingi þegar tónlistarfólk held-
ur á sumrin af stað út á land með
hljóðfæri sín og nótnabækur,“ seg-
ir Sigurgeir Agnarsson þegar hann
er spurður hvað það sé sem fær
rjómann af íslensku tónlistarfólki
til að fjölmenna á Reykholtshátíð.
„Ég hugsa að það sé ekki síst
þessi góði félagsskapur sem þau
sækja í, og ánægjan sem fylgir því
að komast úr bænum í nokkra
daga og leika saman tónlist í fal-
legu umhverfi þar sem sagan
drýpur af hverju strái. Það mynd-
ast einhver andi, eins og gerist oft
á tónlistarhátíðum, og öðruvísi
stemning en ef nákvæmlega sömu
tónleikar væru haldnir í bænum.“
Sigurgeir er listrænn stjórnandi
Reykholtshátíðar (www.reyk-
holtshatid.is) sem að þessu sinni
fer fram dagana 27. til 29. júlí.
Skipulag dagskrárinnar er með
hefðbundnum hætti : haldnir verða
kvöldtónleikar föstudaginn 27. júlí,
bæði síðdegis- og kvöldtónleikar
laugardaginn 28. júlí og loks síð-
degistónleikar sunnudaginn 29.
júlí.
Saga þjóðar sögð með tónlist
„Lokatónleikarnir hafa ákveðna
sérstöðu því þar er þemað fullveld-
isafmæli Íslands og tónleikarnir
styrktir af Fullveldissjóði,“ út-
skýrir Sigurgeir en flytjendur á
sunnudagstónleikunum eru Kamm-
ersveit Reykholtshátíðar og Krist-
inn Sigmundsson bassasöngvari.
„Útvarpsmaðurinn Guðni Tóm-
asson er kynnir og leiðir tónleika-
gesti í gegnum ferðalag sem
spannar tímabilið frá 1902 til 2018,
þar sem tónlistin er notuð til að
draga upp mynd af sögu þjóð-
arinnar.“
Byrjað verður á verkum eftir
Árna Thorsteinsson, Sveinbjörn
Sveinbjörnsson og Jón Leifs og
endað með verkum tónskálda á
borð við Þorkel Sigurbjörnsson,
Hauk Tómasson og Þórð Magn-
ússon. „Verkin endurspegla merki-
legt tímabil í íslenskri tónlist-
arsögu. Fyrir um hundrað árum
var í raun ekki nema einn Íslend-
ingur, Sveinbjörn Sveinbjörnsson,
sem hafði menntað sig í tón-
smíðum en samlandar hans höfðu
fram að þeim tíma einkum samið
lög í anda rómantíska sönglagsins
við íslensk ljóð. Ef við síðan skoð-
um íslenskt tónlistarlíf í dag þá er
landslagið gjörbreytt; við eigum
fjöldann allan af tónskáldum sem
semja tónlist af öllum mögulegum
toga og semja ekki bara fyrir
heimamenn. Við flytjum t.d. í
fyrsta sinn á Íslandi strengjatríó
eftir Önnu Þorvaldsdóttur sem
hún samdi á síðasta ári, en hún er
gott dæmi um íslenskt tónskáld
sem nýtur alþjóðlegrar hylli og
eru verk hennar flutt víða um
heim.“
Fullveldishátíðartónleikar
sunnudagsins eru að öllum lík-
indum þeir fyrstu sinnar tegundar.
„Ég man a.m.k. ekki sjálfur eftir
því að hafa séð svona tilraun áður
„Galdrar losna úr læðingi“
 Meðal hápunkta Reykholtshátíðar í ár eru tónleikar helgaðir fullveldisafmæli Íslands  Þar fara
gestir í hrífandi ferðalag um íslenska tónlistarsögu með Guðna Tómasson sem leiðsögumann
Morgunblaðið/Hari
Dagamunur „Ekki aðeins er Reykholts-
kirkja góður tónleikastaður, byggingin fal-
leg og hæfilega stór, með náttúrufegurð allt
um kring, heldur eru tónleikar í Reykholti
tækifæri fyrir fólk til að bregða sér af bæ
og skjótast í um það bil klukkustund-
arlangan bíltúr til að hlusta á góða tón-
leika,“ segir Sigurgeir.