Morgunblaðið - 01.08.2018, Qupperneq 2

2 FRÉTTIRInnlent
MORGUNBLAÐIÐ MIÐVIKUDAGUR 1. ÁGÚST 2018
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk
gæða heimilistæki
rafvorur.isRAFVÖRUR ehf
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Guðrún Erlingsdóttir
ge@mbl.is
„Við horfum líka á það að þegar við
eignuðumst bréfin í Icelandair þá
var verðið á hlut í félaginu umtals-
vert lægra þannig að við erum ekki
búin að tapa á þessari fjárfestingu
sem slíkri. En auðvitað er staða
Icelandair áhyggjuefni og deyfðin
sem ríkir á hlutabréfamarkaðnum,“
segir Guðrún Hafsteinsdóttir, for-
maður stjórnar Lífeyrissjóðs versl-
unarmanna, í samtali við Morgun-
blaðið.
Vísar hún í máli sínu til þess að
tap Icelandair á öðrum ársfjórðungi
nam um 2,7 milljörðum króna, sam-
kvæmt uppgjörstilkynningu félags-
ins sem gerð var opinber eftir lokun
markaða í gærdag. Stærsti hluthafi
félagsins er Lífeyrissjóður verslun-
armanna með rétt tæplega 14%
hlut. Guðrún segir sjóðinn fylgjast
grannt með stöðu mála.
„Við fylgjumst vel með þeim fé-
lögum sem við erum hluthafar í. En
við erum langtímafjárfestar og
horfum því á þessa eign til langs
tíma. Við erum búin að eiga þessi
bréf í mörg ár og höldum ró okkar,“
segir Guðrún og heldur áfram:
„Hlutur okkar í Icelandair er næst-
stærsta hlutafjáreign Lífeyrissjóðs
verslunarmanna.“
Krefjandi aðstæður í fluginu
Árni Guðmundsson, fram-
kvæmdastjóri Gildis lífeyrissjóðs,
sem er næststærsti hluthafi í Ice-
landair, með um 8% eignarhlut,
hafði í gærkvöldi ekki náð að kynna
sér uppgjörstilkynningu Icelandair
nægjanlega vel og baðst því undan
viðtali við blaðamann.
Þá er haft eftir forstjóra Iceland-
air í tilkynningu að aðstæður séu
„vissulega krefjandi“. »16
Staðan veldur áhyggjum
 Lífeyrissjóður verslunarmanna stærsti hluthafi Icelandair
 Stjórnarformaður sjóðsins segir stöðu félagsins áhyggjuefni
Morgunblaðið/Árni Sæberg
Ókyrrð Afkoma Icelandair er lakari
en áætlanir gerðu ráð fyrir.
Guðrún Erlingsdóttir
ge@mbl.is
„Það eru lang, langflestir mjög ánægðir með nýja fyrir-
komulagið, en eins og gengur með nýja hluti þá eru
alltaf smá hnökrar í byrjun,“ segir Jónas Guðbjörn
Jónsson, talsmaður þjóðhátíðarnefndar í Vest-
mannaeyjum, í samtali við Morgunblaðið.
Nýtt fyrirkomulag var við tjöldun í ár. Í stað þess að
blásið yrði til kapphlaups um stæði fyrir hvítu tjöldin,
eins og tíðkast hefur um langa tíð, ákvað þjóðhátíð-
arnefnd að úthluta tjaldstæðum í fyrsta sinn.
Nóg af stæðum fyrir hvít tjöld
„Það fengu allir að vita á sunnudaginn hvar þeim var
úthlutað stæði og flestir voru sáttir við úthlutunina. Í
stað þess að allir kæmu á sama tíma til þess að setja
niður tjaldsúlurnar þá var byrjað síðdegis á þriðjudag
að setja niður súlur á Reimslóð, Þórsgötu og Týsgötu
klukkan 17 og endað á efri byggð og klettum klukkan
21. Þeir sem ekki áttu pantað komu klukkan hálftíu til
þess að velja sér stæði sem nóg var af,“ segir Jónas og
bendir á að búslóðaflutningar í dalinn verði einungis
heimilaðir á tveimur tímabilum á fimmtudag og fyrir
hádegi á föstudag.
„Það voru allir rólegir í tjölduninni, engin örtröð eða
læti. Fólk fór eftir leiðbeiningum varðandi tímasetn-
ingar og takmarkanir á fjölda bíla á svæðinu. Kapp-
hlaupsfyrirkomulagið sem ríkti áður við tjöldun var
ekki fyrir alla og sumir kviðu hreinlega fyrir því að
tjalda. Fólk vill ekki lenda í leiðindum og pústrum,“
segir Jónas og bætir við að það hafi að vísu einn og einn
haft það á orði að hann sakni látanna sem fylgdu kapp-
hlaupunum um stæðin vinsælu.
„Okkur sýnist þjóðhátíðin í ár stefna í svipaða stærð
og hún var í fyrra,“ segir Jónas sem var sáttur við nýja
og hagstæðari veðurspá fyrir þjóðhátíðina.
Önnur nýjung verður á þjóðhátíðinni í ár að sögn
Jónasar, en búið er að koma fyrir litlum gervigrasfót-
boltavelli fyrir krakka á flötinni við Hofið.
„Brottfluttir Eyjamenn eru farnir að sjást í bænum
og það kæmi mér ekki á óvart að sjá fleiri þjóðhátíð-
argesti koma til Eyja á [miðvikudag],“ segir hann.
Ljósmynd/Óskar Pétur Friðriksson
Þjóðhátíð Veðrið lék við Eyjamenn þegar þeir mættu í Herjólfsdal til þess að setja niður súlur fyrir hvítu tjöldin.
Allir sáttir í Herjólfsdal
 Tjaldsúlur settar niður í gær  Fæstir sakna kapp-
hlaupsins  Stefnir í svipaðan fjölda gesta og var í fyrra
Undirbúningur Það þarf tvo til og samvinnu til þess að
koma niður súlunum og ekki má gleyma sleggjunni.
Guðrún Erlingsdóttir
ge@mbl.is
„Við vorum að klára seinna lunda-
rallið í Stórhöfða í Vestmannaeyjum
og eru 46% unga enn á lífi. 90% af
ungunum sem ekki komast á legg,
deyja fyrstu 10 dagana frá klaki,
þannig að ég reikna með að mesta
fækkunin sé yfirstaðin,“ segir Erp-
ur Snær Hansen, starfandi for-
stöðumaður Náttúrustofu Suður-
lands, við Morgunblaðið.
Hann segir ábúðina í Höfðanum
nú 73%, sem séu góðar fréttir.
Varpárangurinn sé 0,46 ungar/egg
og viðkoman sé því 0,33 ungar/
varpholu, sem sé svipað og í fyrra.
„Ef allt heldur sem horfir erum
við að sjá svipaðan pysjufjölda og
var í fyrra. Þá var hann 4.800 pysj-
ur,“ segir Erpur Snær sem reiknar
með því að skoða varpholur í Eyj-
um um miðjan ágúst.
„Við fylgjumst með lundanum í
12 vörpum umhverfis landið og
helsta fréttin er að sandsíli er
ríkjandi fæða um allt land og eru
Vestmannaeyjar þar með taldar,“
segir Erpur Snær.
Fimm ferðir í stað einnar
„Sílalirfur eru mjög seint á ferð-
inni, en lundinn sem og aðrar líf-
verur þurfa á því að halda að síla-
lirfurnar myndbreytist í 7 til 11 sm
síli sem kallast „núllgrúppa“ og er
hin hefðbunda fæða,“ segir Erpur
Snær og bætir við að þyngdarmun-
urinn á lirfum og núllgrúppu valdi
því að fullorðnir lundar þurfi að
fara allt að fimm sinnum fleiri
fæðuöflunarferðir með lirfur til að
bera jafnmikla vigt í pysjuna og
eina goggfylli af núllgrúppusíli.
Erpur Snær segir að sjórinn við
Eyjar sé að kólna að sumarlagi en
það gerðist einnig árið 1948.
Við kólnunina 1948 stórefldist
sílastofninn auk þess sem makríll-
inn hvarf af Íslandsmiðum.
Morgunblaðið/RAX
Lundabyggð Lífsbaráttan er erfið hjá lundanum um þessar mundir og
margar fæðuöflunarferðir sem fuglarnir þurfa að fara til að ná sér í æti.
Sandsíli ríkjandi
fæða um allt land
 73% ábúð í Höfðanum góðar fréttir
Skilgreiningar
á hugtökum
» Ábúð er hlutfall varphola
sem orpið var í.
» Varpárangur er hlutfall eggja
þar sem pysjur komast á legg.
» Viðkoma er hlutfall hola með
uppkomnum pysjum. Margfeldi
ábúðarhlutfalls og varpárang-
urs.
» Heildarfjöldi pysja er marg-
feldi viðkomu og heildarfjölda
varphola.