Morgunblaðið - 01.08.2018, Qupperneq 6

6 FRÉTTIRInnlent
MORGUNBLAÐIÐ MIÐVIKUDAGUR 1. ÁGÚST 2018
Framtak-Blossi er umboðsaðili
fyrirVOLVO PENTA á Íslandi
Dvergshöfða 27 , 110 Reykjavík | www.blossi.is | blossi@blossi.is
Framtak-Blossi
kappkostar að bjóða
góða þjónustu og
sanngjarnt verð á
varahlutum.
Hafið samband við
Hafþór í síma 895-3144
eða hafthor@blossi.is
Ágúst Ingi Jónsson
aij@mbl.is
Skrokkar fjögurra fiskiskipa sem norska skipa-
smíðastöðin Vard smíðar nú fyrir íslensk útgerðarfyr-
irtæki verða smíðaðir í Víetnam. Fjögur íslensk út-
gerðarfyrirtæki undirrituðu í lok síðasta árs samninga
við norska fyrirtækið um smíði sjö skipa. Tvö skip
Bergs-Hugins og eitt skip fyrir Útgerðarfélag Ak-
ureyringa verða að öllu leyti smíðuð í Noregi, en
skrokkar tveggja skipa Skinneyjar Þinganess og
tveggja skipa Gjögurs verða smíðaðir í Víetnam.
Aðalsteinn Ingólfsson, forstjóri Skinneyjar-Þinga-
ness, segir að Vard eigi stöðina í Víetnam og þetta eigi
ekki að breyta neinu varðandi gæðakröfur og smíða-
saminga. Fyrirhugað er að setja skrokkana fjóra um
borð í flutningaskip og sigla með þá frá Víetnam til
Noregs í byrjun næsta árs þar sem smíði skipanna
verður lokið. Skipin á að afhenda hvert af öðru á næsta
ári og er Skinney-Þinganes síðast í röðinni með af-
hendingu í árslok 2019.
Á heimasíðu Vard kemur fram að fyrirtækið rekur
fimm skipasmíðastöðvar í Noregi, tvær í Rúmeníu, eina
í Brasilíu og eina í Víetnam. Síðastnefnda stöðin er í
Vung Tau, skammt frá Ho Chi Minh-borg, áður Sai-
gon.
Samið við Micro um búnað
Allar eru systurnar sjö 29 metrar að lengd, 12 metr-
ar á breidd og geta borið um 80 tonn af ísuðum fiski. Í
skipunum verða tvær aðalvélar með tveimur skrúfum.
Samkvæmt upplýsingum Aðalsteins hafa Skinney-
Þinganes og Gjögur samið við íslenska fyrirtækið
Micro um smíði á vinnslubúnaði í nýju skipin. Micro
annast hönnun, smíði og uppsetningu á vél- og hugbún-
aðarhluta verkefnisins, en hugbúnaðurinn er unninn í
samstarfi við Völku. Í framhaldi af komu skipanna til
Íslands verður búnaðurinn settur um borð.
Sjö systur Tölvumynd af skipunum sem Vard er að smíða fyrir Íslendinga, frá vinstri skip Gjögurs, Útgerðarfélags
Akureyringa, Skinneyjar-Þinganess og Bergs-Hugins. Skipin eru öll væntanleg til landsins á næsta ári.
Skrokkarnir frá Víetnam
 Fjórir skrokkar í sjö skipa verkefni smíðaðir hjá Vard
í Víetnam  Verða fluttir með flutningaskipi til Noregs
Mikið hefur verið að gera í upp-
sjávarvinnslu HB Granda á Vopna-
firði eftir að makrílvertíð hófst fyr-
ir alvöru og þar er nú unnið allan
sólarhringinn. Sá háttur er hafður
á í vinnslunni á Vopnafirði að
starfsmenn vinna 12 daga í röð en
eiga síðan frí í fjóra daga.
,,Það er núna verið að vinna afla
Venusar NS sem kom hingað með
um 700 tonn af makríl. Víkingur
AK var að koma til hafnar með um
450 tonn en veðrið við Suð-
Austurland hefur ekki verið hag-
stætt síðustu daga,“ var haft eftir
Magnúsi Róbertssyni, vinnslustjóra
HB Granda á Vopnafirði, á heima-
síðu fyrirtækisins í gær. Makríllinn
hefur verið stór og góður og meðal-
vigtin vel yfir 400 grömmum. Hann
hefur ýmist verið unninn fyrir
markaði í Evrópu og Asíu.
Vinnsla allan sólarhringinn á Vopnafirði
Axel Helgi Ívarsson
axel@mbl.is
Stakir aðgöngumiðar í sundlaugar
landsins hafa hækkað nokkuð í verði
á undanförnum árum og er stakt
gjald í sundlaugum Reykjavík-
urborgar 980 krónur fyrir fullorðna.
Rekstarumhverfi sundlauga var afar
erfitt á tímabili en breyting hefur þó
orðið til hins betra á síðustu árum,
segir Steinþór Einarsson, skrif-
stofustjóri rekstrar og þjónustu hjá
ÍTR, í samtali við Morgunblaðið.
„Reksturinn er mun betri en hann
hafði verið, t.d. hefur hlutfall þek-
ingar tekna aldrei verið hærra í
ákveðnum laugum hjá okkur. Það
eru laugar sem eru að fá mikið úr
gjaldinu fyrir stakan sundmiða, sem
hefur jú hækkað töluvert,“ segir
Steinþór um rekstur síðustu ára.
Bendir Steinþór á að Vesturbæj-
arlaug, Laugardalslaug og Sundhöll
Reykjavíkur eru dæmi um laugar
sem eru afar vinsælar hjá erlendum
ferðamönnum, sem greiða þá stakt
gjald. „Við erum að fá meira út úr
ferðamönnunum en áður,“ segir
Steinþór. Fyrir þá sem hafa lengri
viðkomu hér á landi eða eru almennt
búsettir hér og fara reglulega í sund
er töluvert ódýrara að kaupa kort,
s.s. 10 eða 20 miða kort, eða árskort.
Reksturinn ekki niðurgreiddur
Hæsta verð á stökum að-
göngumiða í sund er í sundlaugina á
Húsafelli, eða 1.300 krónur. Annar
eigenda Ferðaþjónustunnar Húsa-
felli ehf., Hrefna Sigmarsdóttir, seg-
ir í samtali við Morgunblaðið að
sundlaugin þar sé ekki niðurgreidd
af sveitarfélaginu. Rekstur flestra
sundlauga landsins er niðurgreiddur
með útsvarstekjum sveitarfélaga.
Þá býðst sumarbústaðaeigendum
á Húsafelli afsláttarkort í laugina en
mest eru það útlendingar sem gera
sér ferð í hana. „Við höfum ekki litið
á sundlaugina sem eitthvert gróða-
fyrirtæki fjárhagslega. Hún er að-
allega þarna til að styðja við staðinn
og leyfa fólki að njóta þess að kom-
ast í heitt vatn,“ segir Hrefna.
Rekstur sundlauga betri
 Tekjur hafa aukist á síðustu árum vegna aðsóknar ferða-
manna  Stakt gjald er tæpar 1.000 krónur í Reykjavík
Gjaldskrá í sundlaugar fyrir fullorðna
Hæsta verð fyrir fullorðna
Heimild: sundlaugar.is og gjaldskrár sveitarfélaga
Reykjavík Kópavogur Mosfells-
bær
Hafnar-
fjörður
Garðabær Seltjarnar-
nes
Akureyri Reykjanes-
bær
Stakt verð
(til hliðsjónar)
10 miða kort
Húsafell 1.300 kr. 9.600 kr.
Sundlaugin á Borg
(Grímsnes og Grafningshreppur) 1.250 kr. 5.000 kr.
980 850 750 600 640
800 950 800
4.600
5.000
3.700
3.900
4.200 4.100
5.000
3.825
Stakt verð (kr.) 10 miða kort (kr.)
Morgunblaðið/Skapti Hallgrímsson
Hreyfing Margir gera sér ferð í sund í góðu veðri og sumir mæta daglega.
Veronika Steinunn Magnúsdóttir
veronika@mbl.is
Árskort í strætó frá Reykjavík til
Grundarfjarðar kostar 720 þúsund
krónur. Þetta kemur fram á heima-
síðu Strætó. Til samanburðar kostar
árskort í strætó frá Reykjavík til
Stykkishólms 216 þúsund. Þó munar
ekki nema fimm kílómetrum á milli
þessara leiða.
Upplýsinga- og markaðsfulltrúi
Strætó, Guðmundur Heiðar Helga-
son, segir að skoða þurfi verðlagn-
inguna á þessu svæði nánar. „Við
þurfum að skoða þetta betur, þetta
er auðvitað skrítið.“ Guðmundur
segir upphæðina reiknaða eftir
gjaldsvæðum, það kosti 9 miða að
fara til Stykkishólms en 10 til
Grundarfjarðar. Einungis munar um
eitt gjaldsvæði á milli staðanna en
504 þúsund krónum munar á kortum
til Stykkishólms og til Grundarfjarð-
ar, frá Reykjavík. Mjög fáir kaupa
kort frá Reykjavík til þessara staða,
að sögn Guðmundar. „Ef það eru
sérstök tilvik, t.d. einhver er að
ferðast frá Húsavík til Akureyrar, þá
reynum við að afgreiða það persónu-
lega, í samráði við hlutaðeigandi eða
landshlutasamtökin sem fjármagna
þessar leiðir,“ segir Guðmundur.
Mun fleiri kaupa hins vegar árs-
kort frá Reykjavík til Reykjanes-
bæjar eða Akraness, að sögn Guð-
mundar. Árskort í strætó til
Reykjanesbæjar frá Reykjavík kost-
ar 288 þúsund krónur en til Akra-
ness 144 þúsund krónur. Þó munar
einungis tæpum 7 kílómetrum á
vegalengdum leiðanna, Reykjanes-
bær er í 48 km. fjarlægð frá Reykja-
vík en Akranes er 45 km. frá borg-
inni. Verðmunurinn er því allmikill,
ef miðað er við vegalengd.
Strætóferðir eru dýrari eftir því
sem ferðast er yfir fleiri gjaldsvæði.
Hver landshlutasamtök ákveða
fjölda gjaldsvæða á sínu svæði en því
fleiri gjaldsvæði sem ferðast er yfir,
því dýrari verður ferðin.
„Við erum með fjögur gjaldsvæði.
Við myndum gjarnan vilja hafa þau
færri en kerfið krefst þessa kostn-
aðar,“ segir Berglind Kristinsdóttir,
framkvæmdastjóri Sambands sveit-
arfélaga á Suðurnesjum.
Stjórnir landshlutasamtakanna
hafa allar samþykkt að segja upp
samningi við Vegagerðina um al-
menningssamgöngur á landsbyggð-
inni vegna rekstrarörðugleika.
„Þetta hefur verið rekið með miklum
fjárhagslegum halla. Það hafa ekki
fylgt næg framlög frá ríkinu fyrir
reksturinn. Samgöngurnar á lands-
byggðinni verða þá komnar á hendi
Vegagerðarinnar um næstu ára-
mót,“ segir Berglind.
Morgunblaðið/Ófeigur
Strætó Talsverður munur er á verðlagi strætókorta á landsbyggðinni.
Strætókort á
720.000 krónur
 Mikill munur á verði strætókorta
 Erfiður rekstur á landsbyggðinni