Morgunblaðið - 01.08.2018, Page 31

MENNING 31
MORGUNBLAÐIÐ MIÐVIKUDAGUR 1. ÁGÚST 2018
Ragnhildur Þrastardóttir
ragnhildur@mbl.is
Þrátt fyrir að hafa einungis byrjað
að rappa fyrir einu og hálfu ári
sendi rapparinn Brynjar Logi Árna-
son, sem gengur undir listamanns-
nafninu Yung Nigo Drippin’, frá sér
aðra plötu sína nýverið. Það er plat-
an Yfirvinna en hann sendi frá sér
plötuna Plús hús í fyrra.
„Plús hús var eiginlega bara tek-
in í herberginu mínu á sínum tíma
og þá vorum við ekkert að hugsa
um að gefa efnið út, við vorum bara
eitthvað að leika okkur. Fyrir Yfir-
vinnu gerðum við þrjú lög á kvöldi
og unnum hana alla mun hraðar,“
segir Brynjar, en þessi hraða og
mikla vinna sem fór í nýju plötuna
segir Brynjar að hafi orðið til þess
að hún hlaut titilinn Yfirvinna. „Við
vorum náttúrulega að gera þetta
allt frekar hratt og unnum frekar
mikið í plötunni á tímabili.“
Þéttur en rólegur taktur
Það hefur eflaust ekki farið
framhjá neinum að íslenska rapp-
og hipphoppsenan fer sívaxandi og
hún virðist í raun aldrei ætla að
hætta að stækka. Mýmargir nýir
rapparar hafa skotið upp kollinum
undanfarið og Brynjar er einn af
þeim.
Einkennandi stíll margra rappar-
anna sem hafa komið inn í senuna
nýverið er hægari taktur en áður
hefur verið áberandi í íslensku
rappi og í raun eitthvað sem hljóm-
ar frekar eins og tal en rapp. Þessi
stíll er ráðandi í lögum Brynjars,
takturinn er þéttur en rólegur og
jafnvel svolítið drungalegur eða
undarlegur. Klassísk minni í rappi
fá að heyrast í textum Brynjars,
hann rappar um peninga, merkja-
vörur og það að vera ískaldur.
Brynjar segist ekki spá mikið í
hvernig lögin hans eigi að vera áður
en hann byrji að semja. „Strákarnir
gera einhvern takt og síðan kem ég
inn í. Stundum er ég með ein-
hverjar hugmyndir að lögum áður
en ég hitti strákana og svo byrja
þeir bara að gera einhvern takt og
ég rappa bara yfir það. Svo gerum
við eitthvað úr því í sameiningu,“
segir Brynjar, en strákarnir sem
um ræðir eru tveir meðlimir hljóm-
sveitarinnar Rari Boys sem kalla
sig Ízleif og Hlandra.
Vísanir í Jóa P og Króla
Vísanir í textum plötunnar Yfir-
vinna eru gjarnan í önnur rapplög.
Þar má til dæmis nefna lagið „Bara
svona“ en þar er vísað í lag Jóa P
og Króla „B.O.B.A“. Í lagi þeirra er
talað um bíltegundina i30 Hondu en
Brynjar snýr upp á þeirra texta og
segir: „Þetta er Mercedes Benz,
ekki Honda. Ekki Jói P og Króli en
þetta er motherfucking bomba.“
Brynjar er með annað tónlistar-
fólk með sér í liði á nýju plötunni,
Alviu Islandia, 24/7, Gvdjon, Silki-
klút og áðurnefnda Ízleif og
Hlandra. „Þetta eru allt bara vinir
mínir,“ segir Brynjar, en það voru
einmitt vinir hans sem fengu hann
til að rappa til að byrja með.
„Strákarnir voru alltaf að gera free-
style-rapp og eitthvað og mér
fannst það alltaf spennandi. Ég
hlustaði á þá rappa mjög lengi og
síðan fengu vinir mínir mig bara til
þess að byrja að rappa og ég fór að
æfa mig í því.“
Eftir að Brynjar sendi frá sér síð-
ustu plötu, Plús hús, fékk hann sér
húðflúr sem var mjög líkt plötu-
umslaginu. Spurður hvort hann ætli
að fá sér annað húðflúr nú þegar
önnur platan hans er komin út segir
Brynjar: „Já, ég gæti alveg gert
það. Ég meina, af hverju ekki?“
Það er ýmislegt á döfinni hjá
Brynjari en í nánustu framtíð ætlar
hann að einbeita sér að því að gefa
út smáskífur. „Ég er með nokkuð
mörg ný lög tilbúin. Ég ætla bara
að fara að gefa út smáskífur og
vinna með mismunandi liði. Það er
gaman að breyta til og vinna með
nýju fólki.“
Yfirvinna unnin til að klára rappplötu
 Rapparinn Yung Nigo Drippin’ gaf
nýverið út aðra plötu sína, Yfirvinnu
Morgunblaðið/Arnþór Birkisson
Hröð vinna Fyrir Yfirvinnu gerðum við þrjú lög á kvöldi og unnum hana alla mun hraðar,“ segir Brynjar.
Tónlistarhátíðin Panorama Music Festival fór
vel fram á Randall-eyju við Manhattan í New
York um helgina, þrátt fyrir að fyrsta degi tón-
leika hefði verið aflýst sökum vonskuveðurs og
gestir beðnir um að yfirgefa tónleikasvæðið.
Rigning plagaði gesti á tímabili en þeir létu
veðrið ekki stöðva sig og margir höfðu þó vit á
því að klæða sig í regnfatnað og fundu því lítið
fyrir úrhellinu. Þeir misstu engu að síður af
mörgum vönduðum tónlistarmönnum og
hljómsveitum sem koma áttu fram á föstudegi,
þeirra á meðal The Weeknd, Migos, The War
on Drugs og Father John Misty.
Á laugardegi komu fram Janet Jackson,
SZA, St. Vincent og Gucci Mane ásamt fleirum
og David Byrne olli ekki vonbrigðum, frekar
en fyrri daginn, með tónleikum sínum á sunnu-
degi. Vefurinn Consequences of Sound greinir
frá því að minnst einum tónleikum hafi verið
aflýst á hverjum hátíðardegi og þá ekki aðeins
út af veðri heldur einnig seinkun á flugi og
meiðslum tónlistarmanna. Þeir tónleikar sem
haldnir hafi verið hafi þó heppnast vel og er St.
Vincent nefnd sérstaklega og að tónleikar
hennar hafi verið meðal þeirra allra bestu.
helgisnaer@mbl.is
AFP
Frábær Bandaríska tónlistarkonan St. Vincent heillaði gesti á Panorama laugardaginn 28. júlí.
Demba Veðurguðirnir létu hátíðargesti finna fyrir því og voru sumir viðbúnir en aðrir ekki.
Heilabrot Skoski tónlistarmaðurinn David
Byrne flutti tónlistarhugvekju í fyrradag.
Svalur Bandaríski rapparinn Gucci Mane var
í flottri peysu og sparaði ekki skartið.
Létu veðrið ekki stöðva sig