Morgunblaðið - 23.08.2018, Qupperneq 28

28 FRÉTTIRInnlent
MORGUNBLAÐIÐ FIMMTUDAGUR 23. ÁGÚST 2018
SVIÐSLJÓS
Guðmundur Magnússon
gudmundur@mbl.is
Um þessar mundir eru 80 ár liðin frá
þeim sorgaratburði er Guðrún Lár-
usdóttir alþingismaður, 58 ára, og
tvær dætur hennar, Guðrún Val-
gerður, 22 ára, og Sigrún Kristín, 17
ára, drukknuðu í Tungufljóti. Bíll
sem þær voru í ásamt eiginmanni
Guðrúnar, Sigurbirni Ástvaldi Gísla-
syni guðfræðingi, og bílstjóra, Arn-
old Petersen, lenti út af vegi og rann
þrettán metra niður í Tungufljót í
Biskupstungum. Sigurbjörn og bíl-
stjórinn komust lífs af. Þetta gerðist
rétt upp úr hádegi 20. ágúst 1938 við
brúna yfir fljótið þegar fjölskyldan
var á skemmtiferð á leið frá Geysi að
Gullfossi. Svo alvarlegt bílslys hafði
ekki áður orðið hér á landi. Í frásögn
Morgunblaðsins af slysinu daginn
eftir er haft eftir bílstjóranum að
bremsur bílsins hafi verið í ólagi, en
hann hafi hert á þeim áður en farið
var frá Geysi. Það hafi ekki dugað og
þegar tekin var beygja við vegamót-
in við Tungufljót hafi þær ekki verk-
að og bíllinn runnið stjórnlaust fram
af vegarbrúninni, niður snarbratta
brekkuna og í fljótið. Fréttin barst
með leifturhraða um landið og setti
fólk hljótt við tíðindin. Guðrún var
þjóðkunn fyrir störf sín á Alþingi, en
hún var þingmaður Íhaldsflokksins.
Að auki voru þau hjón þekkt fyrir
kristniboðsstörf.
Harmleikur í Biskupstungum
 80 ár frá fyrsta stóra bílslysinu hér á landi  Frú Guðrún Lárusdóttir og tvær dætur hennar drukknuðu
er bíll sem fjölskyldan var í rann niður í Tungufljót  Áður óbirtar myndir frá fjölsóttri útförinni
Húskveðja Eftir húskveðju á heimili fjölskyldunnar í Ási við Sólvallagötu óku líkbílarnir að Dómkirkjunni og fylgdi þeim mikill mannfjöldi.
Ljósmyndir/Vigfús Sigurgeirsson
Harmur Séra Sigurbjörn við kistur konu sinnar og dætra. Hann þótti bera sorg sína vel. Líkfylgd Eftir athöfn í Dómkirkjunni var haldið í gamla kirkjugarðinn við Suðurgötu.
Sindragata 12c | Ísafirði | Sími 456 1300 | smidjan@velsmidjan.is
HLÍFÐARHÚÐ Á RÚÐUR
u Kemur í veg fyrir að óhreinindi safnist
á rúðuna / sólaselluna
u Eykur öryggi og útsýni allt að
tvöfalt í bleytu og rigningu
u Kemur í veg fyrir að flugur, drulla,
snjór og ísing safnist á rúðuna
u Heldur regnvatni frá rúðunni
u Býr til brynju á rúðunni fyrir
leysiefnum og vökvum
u Þolir háþrýstiþvott
u Virkar við -30°C til + 30°C
u Endingartími er 6 – 12 mánuðir
Frábært á bílrúður – gluggarúður – sólasellur
Allt um sjávarútveg