Morgunblaðið - 25.08.2018, Síða 16

16 FRÉTTIRInnlent
MORGUNBLAÐIÐ LAUGARDAGUR 25. ÁGÚST 2018
1.259.000
Austurvegur 69 - 800 Selfoss // Lónsbakk i - 601 Akureyr i // Sólvangi 5 - 700 Egilsstaðir
Sími 480 0400 // jotunn@jotunn.is // www.jotunn.is
Verð frá
m. vsk
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk
gæða heimilistæki
rafvorur.isRAFVÖRUR ehf
STANGVEIÐI
Einar Falur Ingólfsson
efi@mbl.is
„Ég held að á Vesturlandinu geti
menn verið nokkuð ánægðir því
þetta hefur verið ágætis sumar á
svæðinu, þótt veiðin hafi dalað síð-
ustu tvær, þrjár vikurnar vegna
þess hvað árnar eru orðnar vatns-
lausar. Fáum við haustrigningar,
sem vonandi skila sér, þá lifnar aft-
ur yfir veiðinni á lokasprettinum,“
segir Einar Sigfússon, annar eig-
andi Haffjarðarár og staðarhaldari
við Norðurá, þegar rætt er um stöð-
una í veiðinni núna þegar styttist í
laxveiðitímabilinu.
Veiðin hefur verið hvað best á
Vesturlandi, eins og vikulegar veiði-
tölur Landssambands veiðifélaga
sýna; af fimmtán gjöfulustu veiði-
ánum og svæðunum eru níu á Vest-
urlandi og suðvesturhorninu. Hins
vegar má með fáum undantekn-
ingum segja væntingar um gott
sumar í ám á Norðurlandi og austur
í Þistilfjörð hafa brugðist, en aðeins
eru tvær ár á þessu svæði á listan-
um, Miðfjarðará og Blanda, og nið-
ursveifla í báðum. Það vekur þó
eftirtekt að Vopnafjarðarárnar Selá
og Hofsá-Sunnudalsá eru báðar að
rétta úr kútnum eftir niðursveiflu
undanfarin ár.
Veiðin í Haffjarðará og Norðurá
hefur verið betri nú en síðustu ár og
er enn fín í þeirri fyrrnefndu, þar
veiddust í liðinni viku 66 laxar á
stangirnar sex. Á sama tíma fengust
42 á 15 í Norðurá. „Það hefur dofn-
að yfir allri veiði á Vesturlandi
nema kannski í Haffjarðará en vötn-
in miðla ágætu vatni í ána,“ segir
Einar.
„Það er mikill fiskur í ánni og hún
hefur gefið stöðugt og vel. Fyrir 22
árum, þegar ég kom að ánni, var
veiðin 5-700 laxar á ári. Nokkur at-
riði höfðu áhrif á að hún jókst og
eitt er að við tókum markvisst upp
sleppingar og öllum stórum laxi er
hlíft, annað er að við fórum mark-
visst að veiða minkinn og höfum
haldið honum í skefjum. Upp úr
2000 kom stökk upp í 1.000-1.200
laxa á ári og aftur 2007 kom aftur
stökk og síðan hafa veiðst 1.100-
2.200 laxar. Við erum því ánægð
með ganginn og bíðum bara eftir
haustrigningunum, þá kemur
sprettur í öllum þessum ám. Ég á
von um að 2-300 laxar veiðist þá í
Haffjarðará og í Norðurá gætu það
verið 3-400 fiskar fram til 10. sept-
ember. Þar er talsvert mikill fiskur í
ánni.“
Veiðin í Rangánum byggist á
seiðasleppingum og hafbeit og
árangurinn og heimturnar virðast
misgóðar. Í þeirri eystri er nú betri
veiði en síðustu ár og veiddust 409
laxar í liðinni viku. Í þeirri ytri er
veiðin hins vegar heldur lakari en
síðustu ár en í henni veiddust 268
laxar í vikunni, á 14 stangir.
„Hefur dofnað yfir allri veiði“
 Beðið eftir
haustrigningum
og lokasprettinum
23-pundari Stórlaxar halda áfram að veiðast í Aðaldal og í vikunni fékk Jó-
hann Hafnfjörð 104 cm hæng í Beygjunni á Nesveiðum, á Munroe Killer
númer 14. „Krókarnir voru alveg á síðustu metrunum, farið að réttast vel úr
öðrum og hinn byrjaður að svigna. En það tókst að háfa,“ sagði Jóhann.
Aflahæstu árnar
Heimild: www.angling.is * Tölur liggja ekki fyrir
0 1.000 2.000 3.000
Staðan 22. ágúst 2018
Veiðivatn
Stanga-
fjöldi Veiði
23. 8.
2017
24w. 8.
2016
Eystri-Rangá 18 3.060 1.685 2.721
Ytri-Rangá & Hólsá, vestubakki 18 2.556 4.218 5.878
Þverá - Kjarrá 14 2.271 1.777 1.683
Miðfjarðará 10 2.039 2.668 3.287
Norðurá 15 1.497 1.355 1.171
Haffjarðará 6 1.353 1.033 1.114
Langá 12 1.288 1.237 1.033
Urriðafoss í Þjórsá 4 1.211 742 *
Selá í Vopnafirði 6 1.111 813 731
Elliðaárnar 4 857 764 636
Blanda 14 853 1.390 2.244
Grímsá og Tunguá 8 814 918 411
Laxá í Dölum 4 807 418 902
Laxá í Kjós 8 757 549 366
Laxá í Leirársveit 6 589 390 300
Ágúst Ingi Jónsson
aij@mbl.is
Bent er á það á heimasíðu Samtaka
fyrirtækja í sjávarútvegi að mikil
vinna myndi fylgja því að fara yfir það
myndefni sem safnaðist upp ef
myndavélum yrði komið fyrir í öllum
fiskiskipum í flotanum. Nokkrum töl-
um er velt upp „til skemmtunar og
fróðleiks“ eins og segir í fréttinni,
sem ber yfirskriftina „Tíminn og
áhorfandinn“.
Útgerðin sparar sér
væntanlega kostnað
„Tökum dæmi af frystitogara sem
er 30 daga á veiðum og vinnur aflann
um borð. Þar er unnið á vöktum allan
sólarhringinn. Hver sólarhringur er
24 tímar og því er starfsemi í gangi í
720 klukkustundir þann tíma sem
skipið er á sjó. Það er því æði mikið
myndefni sem safnast í veiðiferðinni.
Höfum í huga að í þessu dæmi er ein-
göngu miðað við að ein myndavél sé í
gangi. Fleiri myndavélar munu auka
við myndefnið og fjölga uppteknum
klukkustundum. Það þarf einhver að
fara yfir myndefnið.
Gerum ráð fyrir að venjulegur
mánuður í lífi vinnandi manns sé 160
klukkustundir í vinnu. Að því gefnu
þyrfti starfsmaður (væntanlega
Fiskistofu) að sitja við skjáinn í 4
mánuði og 15 daga, bara til þess að yf-
irfara þessa einu veiðiferð.
Það er frekar tilbreytingarlaus
vinna, en á móti kemur að hann losn-
ar væntanlega við að fara á sjóinn og
fylgjast með því í rauntíma sem er að
gerast um borð. Við myndavélaeftirlit
sparar útgerðin sér væntanlega
kostnað vegna eftirlitsmanns um
borð, en þeir eru vel haldnir. Komið
hefur fyrir að eftirlitsmaður um borð
sé sá sem kostað hefur útgerðina
næstmest, á eftir skipstjóra.“
Hali gæti myndast
Í frétt SFS er talnaleiknum haldið
áfram og tekið dæmi um frystiskip
með góða kvótastöðu, þannig að skip-
ið geti verið 300 daga á ári við veiðar
og vinnslu. Þannig tæki 7.200 klukku-
stundir eða 45 mánuði að horfa á allt
efnið úr veiðiferðum skips, eða 3 ár og
274 daga.
„Það gæti myndast hali af óyfir-
förnu efni. Nema náttúrlega Fiski-
stofa krefjist þess að fá meira fé og
ráða fleiri „áhorfendur“ til að yfirfara
upptökurnar. Því ef ekki á að fara yfir
þær, til hvers ætti þá að vera að taka
upp veiðar og vinnslu,“ segir í frétt-
inni og bent er á að alls voru 1.621
fiskiskip á skrá hjá Samgöngustofu í
lok árs 2017. Togarar voru 44.
Byggt á almannarómi
Frumvarp um myndavélaeftirlit
með sjávarútvegsfyrirtækjum var
kynnt í sumar og segir í frétt SFS að
engin greining hafi farið fram á þörf
fyrir lagasetninguna. Þó komi fram í
athugasemdum með frumvarpinu að
því hafi verið „… haldið fram að
brottkast eigi sér stað í einhverjum
mæli á Íslandsmiðum þó að niður-
stöður rannsókna sýni að það sé ekki í
miklum mæli.“
„Grundvöllur lagasetningar virðist
sem sagt almannarómur,“ segir í
fréttinni.
Tímafrekt að fara yfir
myndefni af miðunum
 Tæki 4½ mánuð að fara yfir efni úr veiðiferð frystitogara
Morgunblaðið/Sigurður Bogi
Sólberg Nýjasti frystitogarinn í íslenska fiskiskipaflotanum er Sólberg ÓF 1, skip Ramma í Fjallabyggð.