Morgunblaðið - 25.08.2018, Blaðsíða 45

MENNING 45
MORGUNBLAÐIÐ LAUGARDAGUR 25. ÁGÚST 2018
ICQC 2018-20
PÖNTUN AUGLÝSINGA:
fyrir mánudaginn 3. september
SÉRBLAÐ
–– Meira fyrir lesendur
Börn &
uppeldi
Víða verður komið við í uppeldi barna í
tómstundum, þroska og öllu því sem
viðkemur börnum frá fæðingu
til 12 ára aldurs.
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is
fylgir Morgunblaðinu
föstudaginn 7. sept.
Helgi Snær Sigurðsson
helgisnaer@mbl.is
Freedom rokk er yfirskrift tónleika
sem haldnir verða annars vegar á
skemmtistaðnum Húrra í Reykjavík
14. september og í Pumpehuset í
Kaupmannahöfn 20. september. Á
þeim koma fram fjórar hljómsveitir,
Vök og Apparat Organ Quartet frá
Íslandi og Nelson Can og Felines
frá Danmörku. Tilefni tónleikanna
er aldarafmæli fullveldis Íslands á
þessu ári.
Að tónleikunum stendur danska
tónlistarútgáfufyrirtækið Crunchy
Frog, sem hefur
verið umsvifa-
mikið í danskri
neðanjarðarút-
gáfu allt frá
stofnun árið
1994, í samstarfi
við Kulturstyr-
elsen í Dan-
mörku.
Þórhallur
Jónsson er
rekstrarstjóri
Crunchy Frog og hefur gegnt því
starfi í tíu ár.
Hann segir útgáfufyrirtækið með
þeim langlífari í indí-geiranum í
Danmörku. „Þegar ég byrjaði var
það búið að fara í gegnum mesta
farsældartímabilið, það var nokkr-
um árum á undan, þá naut það mik-
illar alþjóðlegrar velgengni,“ segir
Þórhallur. Útgáfubransinn hafi
breyst töluvert á þeim árum sem
Crunchy Frog hefur verið starf-
andi. „Við erum sex sem störfum
hérna sem telst bara nokkuð mikið í
þessum bransa,“ segir Þórhallur
kíminn.
Bæði með útgáfu og forlag
Þórhallur er spurður hvort
Crunchy Frog gefi út plötur hljóm-
sveitanna fjögurra sem koma fram
á tónleikunum í Reykjavík og Kaup-
mannahöfn og segir hann svo ekki
vera. Starfsmaður dönsku menning-
armiðstöðvarinnar, Kulturstyrelsen,
hafi átt hugmyndina að því að halda
dansk-íslenska rokktónleika og leit-
að eftir hugmyndum hjá útflutn-
ingsmiðstöð danskrar tónlistar. Þar
á bæ bentu menn honum á Íslend-
inginn Þórhall hjá Crunchy Frog.
„Þá byrjuðum við að setja þetta
saman. Felines, önnur danska
hljómsveitin, er nýtt band hjá okk-
ur og Nelson Can eru stelpur sem
við gefum ekki út en við sjáum um
„publishing“ fyrir þær, fyrirtæki
sem heitir Crunchy Tunes,“ útskýr-
ir Þórhallur og er spurður að því
hvað hann eigi við með „publishing“
í þessu samhengi, þ.e. tónlistarlegu?
„Þetta er í rauninni eins og forlag,
við erum bæði með útgáfufyrirtæki
og forlag sem sér um lagahöfund-
ana. Það sem við gerum mest í þeim
málum er að koma lögum í sjón-
varp, bíómyndir, auglýsingar og
svoleiðis,“ svarar Þórhallur.
Jóhann leigði skrifstofu
af Crunchy Frog
Plötur Apparat Organ Quartet
gefur Crunchy Frog út í öðrum
löndum en Íslandi en Jóhann Jó-
hannsson heitinn var í hljómsveit-
inni framan af. Þórhallur segir
Crunchy Frog hafa leigt Jóhanni
skrifstofu í sama húsnæði og útgáf-
an er með bækistöðvar í. „Þá var
ákveðið að við gæfum Polyphonia,
plötu Apparats, út,“ útskýrir Þór-
hallur en Jóhann setti hljómsveitina
upphaflega saman fyrir spuna-
tónleikaröð sem hann átti þátt í.
Hvað Vök varðar segir Þórhallur
að hljómsveitin sé bæði vönduð og
hafi gert það gott á Norðurlönd-
unum. Vök fór með sigur af hólmi í
Músíktilraunum fyrir fimm árum,
flytur rafskotið draumpopp og hef-
ur vakið athygli út fyrir landstein-
ana.
Nelson Can skipa þrjár ungar
konur, Selina Gin, Tami Harmony
Vibberstoft og Signe Tobiassen, og
var hljómsveitin stofnuð fyrir sjö
árum, árið 2011. Þær komu fram ári
síðar á Iceland Airwaves og voru þá
nær óþekktar. Tónlist þeirra lýsir
Þorvaldur sem grípandi rokktónlist
sem sé þó bæði hrá og frumleg.
„Á síðasta ári hafa þær verið að
meika það svolítið vel hérna í Dan-
mörku og eru mikið spilaðar á P6
sem er indí-stöðin hjá Danmarks
radio og líka á P3, stóru stöðinni
hjá DR. Svo voru þær með rosalega
tónleika á Hróarskeldu núna,
spiluðu fyrir sjö eða átta þúsund
manns. Þær eru á mikilli ferð hérna
og hafa verið að spila mikið á Eng-
landi líka,“ segir Þórhallur um
rokktríóið.
Hlutu hrós á Spot
Felines var upphaflega tríó, skip-
að þremur konum líkt og Nelson
Can en er nú orðið kvartett eftir að
karlmaður slóst í hópinn. Þórhallur
segir vinkonurnar þrjár upphaflega
hafa sótt innblástur í rokk og pönk
en síðar fært sig yfir á tilrauna-
kenndara svið í anda „no wave“-
tónlistarinnar og síðpönksins sem
spratt upp í New York á seinni
hluta 8. áratugarins. Felines kom
fram á Spot-tónlistarhátíðinni í Ár-
ósum fyrr á þessu ári og hlaut
hljómsveitin lof frá tónlistarblaða-
manninum og -gagnrýnandanum
David Fricke sem skrifar fyrir
tímaritið Rolling Stone. Slíkt hrós
hefur oft veitt nýjum hljómsveitum
brautargengi.
Miðasala á tónleikana í Reykjavík
fer fram á tix.is og miðasala á tón-
leikana í Kaupmannahöfn á bill-
etto.dk.
Rokk í Reykjavík og Kaupmannahöfn
 Tvær íslenskar hljómsveitir og tvær danskar koma saman á tónleikum á Húrra og í Pumpehuset
 Aldarafmæli fullveldis Íslands tilefnið  Útgáfan Crunchy Frog í Danmörku stendur fyrir tónleikunum
Þórhallur
Jónsson
Kvartett Apparat Organ Quartet kemur sjaldan fram. Draumkennt Vök flytur rafskotið draumpopp.
Ljósmynd/Dennis Morton
Tilraunamennska Felines var stofnuð fyrir átta árum.
Ljósmynd/Dennis Morton
Rokkaðar Nelson Can lék á Iceland Airwaves 2012.
Jakobínuvaka 2018 nefnist menn-
ingardagskrá til heiðurs Jakobínu
Sigurðardóttur skáldkonu (1918-
1994), sem haldin verður í Iðnó í dag
kl. 15. Á dagskrá verða erindi um
skáldkonuna og verk hennar, upp-
lestur úr völdum verkum og einnig
verður flutt tónlist við ljóð hennar.
Jakobína fæddist árið 1918 í
Hælavík á Hornströndum og var elst
þrettán systkina. Hún fór ung að
heiman og vann fyrir sér í Reykjavík
og á Suðurlandi. Árið 1949 tók hún
saman við Þorgrím Starra Björg-
vinsson, bónda í Garði í Mývatns-
sveit, að því er fram kemur í tilkynn-
ingu.
Jakobína skrifaði fjórar skáldsög-
ur, þrjú smásagnasöfn, kvæðabók,
minningar og ævintýri fyrir full-
orðna. Kvæðabókin var endur-
útgefin og komu því út ellefu bækur
eftir skáldkonuna og að auki voru
birt eftir hana ljóð og smásögur í
tímaritum og blöðum auk margra
blaðagreina og útvarpserinda.
Jakobína samdi líka leikþátt fyrir
Alþýðuleikhúsið á Akureyri og var í
tvígang tilnefnd til bókmenntaverð-
launa Norðurlandaráðs fyrir skáld-
sögurnar Dægurvísu og Lifandi
vatnið. Nokkrar bóka hennar hafa
verið þýddar á Norðurlöndunum og
utan þeirra.
„Framlag Jakobínu til íslenskra
bókmennta er umtalsvert og hún var
til dæmis meðal fyrstu rithöfund-
anna sem gerðu módernískar form-
tilraunir í skáldsagnaskrifum. Um-
fjöllunarefni hennar voru af ýmsum
toga en meðal þeirra helstu má
nefna stéttabaráttu og -skiptingu,
náttúruvernd, stöðu kvenna, mik-
ilvægi þess að axla samfélagslega
ábyrgð og ýmiss konar vandamál og
árekstra sem koma upp í sam-
skiptum fólks,“ segir í tilkynningu.
Vökunni stýrir Sigrún Huld Þor-
grímsdóttir.
Heiðruð Jakobína Sigurðardóttir
ung að árum. Hún lést árið 1994.
Jakobínuvaka
haldin í Iðnó