Jökull - 01.12.2006, Blaðsíða 80

Guðjón Snær Steindórsson
ursta og göngufærið var eins og best var á kosið og
gekk því ferðin greiðlega. Eftir um fjögurra tíma klif-
ur og göngu vorum við komnir upp á Suðurtind. Það
var ljúf stund að standa þar og njóta uppskeru erfið-
isins og ekki spillti fyrir frábært útsýni til allra átta.
Frá Suðurtindi gengum við síðan á Hátind og Vest-
urtind Hrútsfjalls. Komið var fram yfir hádegi þegar
við héldum af stað niður vestanverðan Vesturtindinn.
Þá var sólbráðin orðin talsverð og færið því farið að
þyngjast. Síðan lá leiðin niður Gvendargil (kennt við
gönguhrólfinn Guðmund Pétursson), en um það ligg-
ur nokkuð brött gönguleið frá Svínafellsjökli á Hrúts-
fjall, vestan við Vestara-Hrútsfjall. Þaðan gátum við
gengið nánast beint niður að svefnstað okkar. Þar
fengum við okkur snarl og hvíldumst en héldum síðan
sem leið lá niður Svínafellsjökul.
Þessi ferð mun ávallt verða mér mjög sérstæð og
standa upp úr í safni minninganna sem frábær fjalla-
ferð í óspilltri og stórbrotinni náttúru hinna íslensku
jökla.
Efst: Á fjallsöxlinni sunnan undir Suðurtindi Hrútsfjalls. Hvannadalshnjúkur og Dyrhamar í baksýn. Neðar: Á
leiðinni niður af Hrútsfjalli. Vesturtindur í forgrunni, en fjær sést til Dyrhamars. – Top: At the southern peak of
Mt. Hrútsfjall, view towards Hvannadalshnjúkur, the highest peak in Iceland. Below: The western peak of Mt.
Hrútsfjall. Ljósm./Photos. Snævarr Guðmundsson.
78 JÖKULL No. 56, 2006