Breiðfirðingur - 01.04.1988, Blaðsíða 14

12
BREIÐFIRÐINGUR
höfðu Breiðfirðingar samkomur sínar í því húsnæði og nutu
þar fyrirgreiðslu Egils Benediktssonar frá Þorbergsstöðum í
Laxárdal, sem þar rak veitingasölu um langt skeið. A stofn-
fundinum mættu 67 félagar. Par var lagt fram og samþykkt
án verulegra breytinga frumvarp að lögum fyrir félagið og
kosin hin fyrsta félagsstjórn. Seinna um veturinn var sú
breyting gerð að kosið var 9 manna fulltrúaráð, þrír úr
hverri sýslu, er starfa skyldi sem fastanefnd með stjórninni.
Segja má að strax og félagið var stofnað hafi fólk flykkst
í félagið, þannig að á aðalfundinum í febrúar um veturinn
voru meðlimir orðnir um 200 og síðasta fund á þeim vetri
sóttu 200 manns. Dæmi voru um síðar að hálft þriðja
hundrað mætti á almennum fundi og mun það hafa verið
dæmafátt í borginni á þeim árum. Fljótlega varð það eitt
erfiðasta mál stjórnenda að fá húsnæði fyrir svo fjölmenna
fundi. í nokkur skipti voru allra fjölmennustu fundir haldnir
í sýningarskála myndlistarmanna. Þó fór svo að húsnæðis-
leysi þrengdi æ meira að félaginu fyrstu árin, sem leiddi að
síðustu til húsakaupanna á Skólavörðustígnum eins og rakið
verður hér á eftir.
Lað ræður að líkum að svo fjölmennur hópur fólks, hafði
ólík áhugamál. Fljótlega voru því stofnaðar ýmsar starfs-
deildir, er unnu sjálfstætt að verkefnum sínum auk fjöl-
margra nefnda, sem störfuðu tímabundið að tilteknum
málum.
Þrátt fyrir margra mánaða eftirgrennslan hafa gjörða-
bækur félagsins fyrstu sex árin ekki komið í leitirnar og er
það mjög miður. Hér verður því að styðjast við það, sem
áður hefur verið ritað um félagið og viðtöl við nokkra félaga
frá fyrstu árum.