Ægir - 01.09.2018, Side 6

6
Sumarið er að baki, haustið gengið í garð og nýtt fiskveiðiár hafið
með endurnýjun aflaheimilda. Þær eru aðalefni Ægis, líkt og jafnan
á þessum árstíma. Í heild sinni endurspegla úthlutanirnar stöðug­
leika í helstu nytjategundum landsmanna og munar að sjálfsögðu
mestu um auknar heimildir í þorski. Ekki er síður ánægjuefni og
mikilvægt að ýsustofninn virðist nú að braggast á nýjan leik. Hlýri er
nú í fyrsta skipti kvótasettur og skýrist fjölgun skipa sem fá afla­
heimildir af þeirri breytingu en hún er byggð á veiðireynslu. Það er
einnig athyglisvert að sjá að togurum fjölgar á ný eftir margra ára
samfellda fækkun. Nýir togarar komu til landsins á síðasta ári, hver
af öðrum og má ráða af heimildum skipanna að þeim er ætlað stórt
hlutverk í þorskveiðunum.
Stóra spurningamerkið er vitanlega uppsjávarveiðin á komandi
vertíðum og sér í lagi loðnuvertíðin í vetur. Fagnaðarefni er að sjá
meiri þunga í leit og rannsóknum á hafsvæðinu norðan landsins og
vestur að Grænlandi en undanfarin ár. Tíðarfarið getur miklu skipt
um hvernig gengur að mæla en á svo stóru hafsvæði sem raun ber
vitni er lykilatriði að fjölga skipum í upplýsingaöfluninni til að fá
sem skýrasta mynd af stöðu loðnustofnsins. Rannsóknir eru sjávar­
útvegi afar mikilvægar og þrátt fyrir að fjölmörgum spurningum sé
ósvarað um t.d. loðnustofninn er engum blöðum um það að fletta
að þær hafa aukið þekkinguna og treyst þann faglega grunn sem
ráðgjöf um veiðar þarf að byggja á. Einmitt þess vegna var mikið
ánægjuefni og viðeigandi að á hátíðarfundi Alþingis á Þingvöllum í
sumar skyldi tekin ákvörðun um bygging nýs hafrannsóknaskips.
Það er ekki aðeins knýjandi þörf, líkt og bent hefur verið á í umfjöll­
un um rannsóknaskipin í greinum hér í tímaritinu Ægi, heldur nauð­
synlegt að dragast ekki aftur úr nágrannaþjóðum okkar á þessu
sviði. Með vali Alþingis á máli til ákvörðunartöku á hátíðarfundinum
á Þingvöllum er líka undirstrikað hver hlutur sjávarútvegs er í heild­
arhagsmunum þjóðarinnar og lífskjörum. Það er vel.
Ætíð er verk að vinna í sjávarútvegi og varla til sú ákörðun sem
lýtur að stjórn fiskveiða sem er óumdeild. Nýlokið er strandveiðum,
líkast til einu erfiðasta sumri í verðurfarslegu tilliti sem strandveiði­
menn hafa upplifað frá því kerfinu var komið á. Miðað við aðstæður
hefur þeim þó gengið nokkuð bærilega fiskiríið en áhugavert verð­
ur að sjá framhaldið um umræðunni um reynsluna af þeim breyt­
ingum sem gerðar voru á fyrirkomulagi strandveiðanna þetta sum­
arið til reynslu. Sitt sýndist hverjum fyrirfram og þó gagnrýnisraddir
heyrist enn þá verður varla annað ráðið af ummælum strandveiði­
manna en að kostir nýja kerfisins hafi reynst fleiri en gallarnir.
Strandveiðarnar hafa hleypt lífi í margar smærri byggðir landsins,
líkt og lagt var upp með í byrjun og þær skipta smábátaútgerðina
miklu máli. Þess vegna er svo mikilvægt að vel takist til í breyting­
um sem þessum því útgerð minni báta á sannarlega í vök að verjast
nú til dags. Útgerð smábáta þarf að vera til staðar til að hægt sé að
nýta grunnslóðina sem best. Öll útgerðarform skipta máli í heild­
armyndinni.
Jóhann Ólafur Halldórsson skrifar
Kvótaáramót og sumar að baki
R
itstjórn
a
rp
istilll
Vökvakerfislausnir
Vökvadælur, vökvamótorar
og stjórnbúnaður

Danfoss hf. Skútuvogi 6, 104 Reykjavík, Sími: 510 4100
www.danfoss.is
Stjórnbúnaður skipa. Tæknibúnaður sem ætlaður
er til notkunar á sjó mætir erfiðustu hugsanlegu
skilyrðum. Álag óblíðrar náttúru, miklar
hitabreytingar og stöðugur ágangur af söltum
sjó, eykur þörf viðskiptavina fyrir áreiðanlegan
og skilvirkan búnað.
Út gef andi:
Ritform ehf. ISSN 0001­9038
Rit stjórn:
Ritform ehf. Glerárgötu 24, Ak ur eyri.
Rit stjór i:
Jóhann Ólafur Hall dórs son (ábm.)
Sími 515­5220. GSM 899­9865.
Net fang: johann@ritform.is
Aug lýs ing ar:
Augljós miðlun.
GSM 898­8022. Net fang: inga@ritform.is
Suðurlandsbraut 30. Reykjavík.
Hönnun & umbrot:
Ritform ehf.
Suðurlandsbraut 30. Reykjavík.
Sími 515­5200.
Á skrift:
Hálfsársáskrift að Ægi kostar 6400 kr.
Áskriftar símar 515­5200 & 515­5205
ÆG IR kem ur út 10­11 sinn um á ári.
Eft ir prent un og ívitn un er heim il,
sé heim ild ar get ið.