Ægir - 01.09.2018, Síða 12

12
þaðan. Bæði er um að ræða
flutninga á sjó og landi. Til að fá
flutningsjöfnun, styrk frá hinu
opinbera vegna flutninga, segja
reglur að fjarlægð frá stað og í
næstu útflutningshöfn þurfi að
vera 240 kílómetrar. Hólmavík
er á jaðarsvæði, vantar 12 kíló­
metra upp á að það mark náist
en 233 kílómetrar eru frá
Hólmavík til Reykjavíkur. „Það
myndi muna okkur miklu ef
flutningsjöfnun kæmi til en skil­
greiningin er með þessum
hætti og hún kemur sér afar illa
fyrir okkar fyrirtæki,“ segir Sig­
urbjörn.
Vélvirkjameistari og nam
heimspeki
Sigurbjörn tók við starfi fram­
kvæmdastjóra Hólmadrangs á
liðnu vori. Hann er fæddur og
uppalinn syðra en á ættir sínar
að rekja í Bitrufjörð á Ströndum.
Hann er með BA­próf í heim­
speki frá Háskóla Íslands, er vél­
virkjameistari frá Iðnskólanum í
Reykjavík og stundar nám í við­
skiptalögfræði við Háskólann á
Bifröst. Sigurbjörn á fyrirtækið
Go On ásamt bróður sínum, en
það er í innflutningi á varahlut­
um og vélbúnaði og sér um
uppsetningu á slíkum búnaði í
báta og skip.
„Ég hef stóran hluta ævinnar
starfað á hliðarlínunni í sjávar­
útvegi. Fyrir allmörgum árum
unnum við með föður okkar í
fjölskyldufyrirtækinu Vélorku
og rákum það um árabil, flutt­
um inn og sáum um uppsetn­
ingu á vélbúnaði í skip. Ég hafði
ekki hug á öðru en halda áfram
á sömu braut og skráði mig í
véltæknifræði við Tækniskólann
en heillaðist þar af heimspek­
inni þegar við tókum einn
áfanga í greininni. Ég söðlaði
um og skráði mig í heimspeki
við háskólann. Það var virkilega
skemmtilegt, gaman að fást við
eitthvað nýtt og annars konar
en maður er vanur,“ segir Sigur­
björn.
Góður andi á Hólmavík
Eiginkonan er Halldóra Jóns­
dóttir skurðhjúkrunarfræðing­
ur. Hún starfar í Reykjavík en
Sigurbjörn segir lítið mál að
skutlast á milli. Vegir séu ágætir
og mokað alla daga þegar þörf
er á yfir vetrartímann.
„Það er lítil fyrirstaða að
ferðast milli staða og ekkert til­
tökumál að skreppa í bæinn,“
segir hann en lífið á Hólmavík
er gott og kann hann því vel.
„Það er virkilega góður andi hér
og fjölbreyttar tómstundir í
boði fyrir þá sem vilja og stutt
að fara til að komast út í frá­
bæra náttúru.“
Um 20 manns starfa hjá Hólmadrangi, stærsta fyrirtæki Strandabyggðar, en íbúar í Strandabyggð er um 500 talsins, þar af um 400 á Hólmavík.
Sigurbjörn Rafn Úlfarsson framkvæmdstjóri Hólmadrangs á Hólmavík
segir að á brattann hafi verið að sækja undanfarin ár í rækjuiðnaði og
umhverfið langt í frá hagstætt. Jákvæð teikn séu þó á lofti, eftirspurn
eftir rækju hefur aukist og verðið mjakast upp á við.