Ægir - 01.09.2018, Qupperneq 14

14
Hlýri verður kvótasettur á
nýju fiskveiðiári, samkvæmt
reglugerð þar um sem At-
vinnuvega- og nýsköpunar-
ráðuneytið hefur gefið út.
Leyfilegur heildarafli fisk-
veiðiárið 2018/2019 í hlýra
verður 1.001 tonn og úthlut-
aði Fiskistofa heimildum til
bráðabirgða til 386 skipa á
grunni aflareynslu þeirra.
Samkvæmt úthlutuninni
er línuskip með mestar heim­
ildir í hlýra en lítið kemur þó í
hlut hvers og eins. Af þeim
skipum sem fá meiri úthlutun
en 20 tonn koma tvö af Snæ­
fellsnesi en sex úr Grindavík.
Þetta eru Tjaldur SH með 36,2
tonn, Sighvatur GK með 33,8
tonn, Valdimar GK með 32,6
tonn, Hrafn GK með 29,7
tonn, Sturla GK með 28,7
tonn, Jóhanna Gísladóttir GK
með 27,9 tonn, Páll Jónsson
GK með 22,6 og Rifsnes SH
með 21 tonn.
Útgerðarmenn hafa frest
til 1. október 2018 til að koma
á framfæri við Fiskistofu at­
hugasemdum varðandi afla­
tölur sem liggja til grundvall­
ar aflahlutdeild. Einnig er
hægt að óska eftir að tillit sé
tekið til tilfærslu á viðmiðun
aflareynslu í samræmi við 3.
mgr. 9 gr. laga nr. 116/2006
um stjórn fiskveiða með síðari
breytingum fyrir sömu tíma­
mörk.
Hlýrinn kominn í kvóta
ánægður með skipið og reynsl­
una sem á það er komin.
„Þetta er gríðarleg breyting
frá gamla Ásbirni RE. Skrokklag­
ið á skipinu kemur vel út og
það klýfur ölduna vel en ég
neita því ekki að það hefði verið
enn betra ef skipið hefði verið
lengra. Síðan er vinnuaðstaðan
auðvitað frábær um borð og
breytingin fyrir áhöfnina þar af
leiðandi mjög mikil. Sér í lagi
eru það viðbrigði í vinnu á
svona skipi úti á sjó að lestar­
vinnan er horfin. Togarasjó­
menn þekkja það vel að lestar­
vinnan er bæði erfið og hættu­
leg en minni óhöpp eru algeng­
ari í lestum þegar menn eru að
klemma sig á kerum eða detta í
kerunum. Það að geta gengið
frá aflanum í kerin uppi á milli­
þilfari er því allt annað um­
hverfi og léttari vinna fyrir
áhöfnina. Afköstin eru líka mjög
góð og þó ég hafi ekki mælt
það sérstaklega þá sýnist mér
að lestarkerfið afkasti 30­40 kör­
um á klukkustund ef á þarf að
halda. Það er yfirdrifið nóg fyrir
okkur,“ segir Friðleifur.
Fiskiríið upp og ofan
Útgerðarformið á Engey RE er í
nokkuð föstum skorðum. Skipið
landar á mánudagsmorgnum í
Reykjavík og heldur til veiða á
ný á hádegi á þriðjudögum.
Túrarnir eru því um fimm og
hálfur sólarhringur höfn í höfn.
Aflinn er að stærstum hluta
þorskur og því gjarnan róið á
Vestfjarðamið en oft er einnig
sótt í ufsa og karfa suður fyrir
land ef á þarf að halda.
„Fiskiríið hefur verið upp og
ofan að undanförnu. Ég hef á
tilfinningunni að það sé svolítið
að draga úr því í augnablikinu
en reglulega koma mjög góð
skot. Þorskurinn hefur verið
mjög vænn en mér finnst hann
farinn að blandast meira frá því
sem var á tímabili. Þetta gengur
alltaf í bylgjum en eins og ég
segi þá virðist heilt yfir aðeins
hafa hægt á fiskiríinu frá því
sem verið hefur mörg undan­
farin ár. Segja þeir ekki fræðing­
arnir að það séu alltaf sjö góð ár
og svo sjö mögur áður en veið­
in aukist á ný? Kannski eru ein­
hver merki um það. En svo er
spurningin hvað menn kalla
mögur ár og við hvað er þá
miðað. Og svo er líka spurning­
in hvort þorskurinn sé að færa
sig eitthvað til á svæðum vegna
ætis og breytinga í lífríkinu.
Gallinn er sá að í dag eru engin
skip að leita að þorski. Togurun­
um hefur fækkað svo mikið og
þau sem eftir eru eiga fullt í
fangi með að ná þeim skammti
sem þau þurfa að koma með til
að halda vinnslunni gangandi í
landi. Það er enginn tími til að
leita og mikil pressa að ná
skammtinum,“ segir Friðleifur.
„Gætum ekki hugsað okkur að
hverfa til gamla tímans“
Aðspurður hvernig gangi að
sækja í karfann segir Friðleifur
að það sé auðvelt. „Ég fæ ekki
skilið hvers vegna kvótinn á
karfanum var minnkaður. Það
eru engin merki um brýna þörf
á því og ef eitthvað er hefði
frekar mátt auka kvótann mið­
að við það sem við sjáum á
miðunum,“ segir Friðleifur.
Þegar Skaginn 3X kom fram
með þá tæknilausn að vera
með íslausar lestar ferskfisktog­
ara og ná fullkælingu aflans á
milliþilfari efuðust margir um
að hráefnið næði að halda þeim
gæðum sem til væri ætlast.
Tæknin var fyrst reynd í togar­
anum Málmey á Sauðárkróki
með góðum árangri og í fram­
haldinu steig HB Grandi hf. það
skref að taka þessa tækni inn í
alla þrjá nýja ferskfisktogara fyr­
irtækisins sem nú eru allir
komnir í útgerð, þ.e. Engey RE,
Akurey RE og nú síðast Viðey
RE. Friðleifur segir tæknina al­
gjörlega hafa sannað sig og
hráefnið sé eins og best verður
á kosið við löndun.
„Þeir í vinnslunni í landi eru í
það minnsta mjög ánægðir
með kælinguna og hráefnið til
vinnslu. Það er auðvitað lykil­
atriði til að skila neytendum af­
urðum í hæstu gæðum,“ segir
Friðleifur og bætir við að hann
eigi erfitt með að nefna ein­
staka þætti í reynslunni af skip­
inu ofar öðrum.
„Mér hefur fundist einfaldast
að líkja þessu saman við að
flytja úr torfkofa í nútíma ein­
býlishús. Eins og ég sagði áðan
þá er lestarkerfið mikil bylting
og í dag gætum við um borð
ekki hugsað okkur að fenginni
okkar reynslu að hverfa aftur til
gamla tímans og vinnunnar
sem var í lestinni. Lestarkerfi er
tækni sem ég vona svo sannar­
lega að sé komin til að vera og
þróast í fiskiskipum almennt.
Það er framtíðin og raunar sé
ég líka alveg fyrir mér að svona
skip komi í framtíðinni með
aflann í kælitönkum í land líkt
og uppsjávarskipin gera,“ segir
Friðleifur.