Fréttablaðið - 19.12.2018, Qupperneq 4

EFNAHAGSMÁL Verðbólguvæntingar
stjórnenda 400 stærstu fyrirtækja
landsins fara vaxandi samkvæmt
nýrri könnun sem Gallup gerði fyrir
Samtök atvinnulífsins og Seðla-
bankann. Gera þeir nú ráð fyrir að
verðbólga verði að jafnaði fjögur
prósent á næstu 12 mánuðum.
Í síðustu könnun sem gerð var í
september síðastliðnum bjuggust
stjórnendurnir við þriggja prósenta
verðbólgu.
Halldór Benjamín Þorbergs-
son, framkvæmdastjóri Samtaka
atvinnulífsins, bendir á að um sé að
ræða rúmlega 30 prósenta hækkun
milli kannana. Kjarasamningar á
almennum markaði renna út um
áramót en hægt hefur þokast í við-
ræðum aðila.
„Sú staða spilar líka væntanlega
saman við þetta því óvissa er eitur
í beinum atvinnulífsins,“ segir
Halldór. Hafa verðbólguvæntingar
stjórnenda ekki verið meiri síðan
í maí 2015 sem var í aðdraganda
þeirra kjarasamninga sem nú eru
að renna út.
Í könnuninni er mæld sérstök
vísitala efnahagslífsins sem endur-
speglar mun á fjölda stjórnenda sem
meta aðstæður góðar og slæmar. Sú
vísitala lækkar töluvert milli kann-
anna og er nú svipuð og hún var
sumarið 2014.
Nú telur 31 prósent stjórnenda
aðstæður góðar samanborið við 45
prósent í september og 70 prósent
fyrir ári. 23 prósent telja aðstæður
slæmar miðað við 12 prósent í sept-
ember.
Þá hafa væntingar til aðstæðna
eftir sex mánuði aldrei mælst
minni frá því að könnunin var fyrst
gerð árið 2002. Nú telja 68 prósent
stjórnenda að aðstæður versni en
til samanburðar gerðu 24 prósent
ráð fyrir því fyrir ári en 54 prósent
í könnuninni í september.
Aðeins fimm prósent stjórnenda
telja að aðstæður muni batna næstu
sex mánuði sem er svipað hlutfall og
í september.
Einnig er spurt um skort á starfs-
fólki og sögðust 15 prósent stjórn-
enda búa við slíkan skort í sínu
fyrirtæki en 85 prósent stjórnenda
sögðust ekki búa við skort á starfs-
fólki.
Í fyrsta sinn frá árinu 2012 eru
þeir stjórnendur fleiri sem búast við
að innlend eftirspurn dragist saman
á næstu sex mánuðum en þeir sem
búast við vaxandi eftirspurn. Þann-
ig býst 21 prósent stjórnenda við
minni eftirspurn, 15 prósent búast
við aukinni eftirspurn en 64 prósent
búast við að hún haldist óbreytt.
Í úrtaki könnunarinnar voru 428
fyrirtæki sem teljast stærst á land-
inu og er þá miðað við heildarlauna-
greiðslur. Alls svöruðu stjórnendur
hjá 206 fyrirtækjum eða 48 prósent
af úrtakinu.
sighvatur@frettabladid.is
Verðbólguvæntingar að aukast
hjá stjórnendum stórfyrirtækja
Stjórnendur 400 stærstu fyrirtækja landsins búast við aukinni verðbólgu næstu tólf mánuði. Hafa verð-
bólguvæntingar þeirra ekki verið meiri frá því í aðdraganda síðustu kjarasamninga. Væntingar til stöð-
unnar í atvinnulífinu eftir sex mánuði hafa aldrei mælst minni frá því að mælingar hófust árið 2002.
Stjórnendur stærstu fyrirtækja landsins búast við 4 prósenta verðbólgu næstu 12 mánuði. FRÉTTABLAÐIÐ/SIGTRYGGUR ARI
31%
stjórnenda telur aðstæður í
atvinnulífinu góðar.
StjórNSýSLA Umhverfis- og auð-
lindaráðherra hefur verið settur til
að ákveða hvort hefja skuli frum-
kvæðisathugun á ákvörðun Hafnar-
fjarðarbæjar um framkvæmdir og
kaup á mannvirkjum í Kaplakrika.
Þetta var samþykkt á fundi ríkis-
stjórnar í gær að tillögu forsætisráð-
herra.
Svandís Svavarsdóttir var í haust
sett til að fjalla um stjórnsýslu-
kærur í málinu sem vísað var til
samgöngu- og sveitarstjórnarráðu-
neytisins vegna vanhæfis Sigurðar
Inga Jóhannssonar en fyrrverandi
aðstoðarmaður hans situr í bæjar-
stjórn Hafnarfjarðar. Í forsendum
fyrir frávísun kæranna kemur fram
það mat ráðherra rétt sé að hefja
frumkvæðisathugun og lýsti
hún einnig því viðhorfi í við-
tölum við fjölmiðla í kjölfarið.
„Þótt það sé ekki mat ríkis-
stjórnarinnar að ummæli Svan-
dísar geri hana vanhæfa
er betra að hafa vaðið
fyrir neðan sig,“ segir
Katrín Jakobsdóttir
forsætisráðherra um
þá ákvörðun að fela
málið öðrum ráðherra.
Uppbygging knatthúsa
hefur verið mjög mikið hita-
mál í bæjarpólitíkinni í Hafn-
arfirði um nokkurra ára skeið
en meirihlutinn ákvað í sumar
að kaupa íþróttamannvirki
af FH í Kaplakrika fyrir tæpar 800
milljónir til að gera íþróttafélaginu
kleift að reisa knatthús, sem áður
stóð til að bæjarfélagið reisti sjálft.
Einnig er deilt um greiðslu á 100
milljónum frá bænum til íþrótta-
félagsins án þess að fyrir lægi sam-
þykki fyrir slíkri greiðslu.
Ef niðurstaðan verður sú að hefja
skuli frumkvæðisathugun er ómögu-
legt að vita í hvaða ráðuneyti sú
athugun fer fram. – aá
Öðrum ráðherra falið mál um knatthús í Hafnarfirði til öryggis
Guðmundur Ingi tekur
sæti Sigurðar Inga vegna
málsins en Svandís er ný-
staðin upp úr því.
10
sunnudagur mánudagur þriðjudagur miðvikudagur fimmtudagur föstudagur laugardagur
10
HVAÐ ER Í MATINN?
Jóhanna Vigdís gefur uppskriftir að einföldum og
girnilegum réttum fyrir alla daga vikunnar í níu vikur
LANDSINS MESTA ÚRVAL BÓKA Bókabúð Forlagsins | Fiskislóð 39 | www.forlagid.is | Opið til 19 alla daga til jóla
FéLAGSMÁL Hámarksgreiðslur úr
fæðingarorlofssjóði hækka um 80
þúsund krónur 1. janúar. Þannig
hækka óskertar greiðslur úr 520
í 600 þúsund. Ásmundur Einar
Daðason, félags- og jafnréttismála-
ráðherra, undirritaði reglugerð þess
efnis í gær.
„Við hækkuðum hámarksgreiðsl-
urnar um 20.000 í byrjun þessa árs.
Nú stígum við stærra skref með
umtalsverðri hækkun sem er til þess
fallin að koma tekjulágum foreldr-
um til góða,“ segir Ásmundur Einar.
Aukin framlög ríkisins eru áætluð
um 1,8 milljarðar króna á ári.
Ásmundur Einar segir áfram
unnið að því að styðja betur við for-
eldra í fæðingarorlofi. Meðal annars
sé horft til þess að lengja það. – bsp
Fá nú meira í
fæðingarorlofi
BrEtLAND Svissneski stórbankinn
Credit Suisse ráðleggur nú ofur-
ríkum viðskiptavinum að flytja pen-
inga sína frá Bretlandi vegna óvissu
um Brexit. Þetta hefur The Financial
Times eftir ónafngreindum heim-
ildarmönnum. Auðmenn sem búa
á Bretlandseyjum eru þegar sagðir
farnir að huga að flutningi viðskipta
sinna til Guernsey og Jersey.
Samkvæmt umfjöllun Forbes eru
auðmenn farnir að flytja frá London
til Bandaríkjanna, Ástralíu og Sviss.
Óvíst sé þó að það sé vegna Brexit.
The Financial Times segir marga
íhuga að flytja frá Bretlandi af ótta
við að eignaskattur verði lagður á
komist Jeremy Corbin til valda. – ibs
Auðmenn flytji
fé frá Bretlandi
Betra að hafa vaðið
fyrir neðan sig.
Katrín Jakobsdóttir, forsætisráðherra
Ásmundur Einar
Daðason, félags-
og jafnréttismála-
ráðherra.
1 9 . D E S E M B E r 2 0 1 8 M I Ð V I K U D A G U r4 F r é t t I r ∙ F r é t t A B L A Ð I Ð
1
9
-1
2
-2
0
1
8

0
4
:2
6
F
B
0
5
6
s
_
P
0
5
3
K
.p
1
.p
d
f
F
B
0
5
6
s
_
P
0
4
4
K
.p
1
.p
d
f
F
B
0
5
6
s
_
P
0
0
4
K
.p
1
.p
d
f
F
B
0
5
6
s
_
P
0
1
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
1
D
9
-7
1
5
4
2
1
D
9
-7
0
1
8
2
1
D
9
-6
E
D
C
2
1
D
9
-6
D
A
0
2
7
5
X
4
0
0
.0
0
1
3
B

F
B
0
5
6
s
_
1
8
_
1
2
_
2
0
1
C
M
Y
K