Fréttablaðið - 19.12.2018, Síða 10

Frá degi til dags
Halldór
Útgáfufélag: torg ehf. Stjórnarformaður: Einar Þór Sverrisson forStjóri: Ingibjörg Stefanía Pálmadóttir Útgefandi: Kristín Þorsteinsdóttir kristin@frettabladid.is
ritStjórar: Kjartan Hreinn Njálssson kjartanh@frettabladid.is, Ólöf Skaftadóttir olof@frettabladid.is, markaðurinn: Hörður Ægisson hordur@frettabladid.is fréttablaðið.iS: Sunna Karen Sigurþórsdóttir sunnak@frettabladid.is.
Fréttablaðið kemur út í 85.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 fréttablaðið kalkofnsvegur 2, 101 reykjavík Sími: 550 5000, ritstjorn@frettabladid.is helgarblað: Kristjana Björg Guðbrandsdóttir kristjanabjorg@frettabladid.is
menning: Kolbrún Bergþórsdóttir kolbrunb@frettabladid.is ljóSmyndir: Anton Brink anton@frettabladid.is framleiðSluStjóri: Sæmundur Freyr Árnason sfa@frettabladid.is

Forritun er
nauðsynlegur
þáttur í að
undirbúa
börnin til
þess að mæta
kröfum sem
þeirra bíða.

Í nýju lög-
unum er lögð
áhersla á að
hverju beri að
stefna varð-
andi vernd og
sjálfbæra
nýtingu
jarðvegs og
gróðurs og
endurheimt
vistkerfa.
Ólöf
Skaftadóttir
olof@frettabladid.is
Njóttu
jólanna
MEÐ
LÍN DESIGN
SMÁRATORGI | KRINGLAN | GLERÁRTORGI | LINDESIGN.IS
Ný heildarlög um landgræðslu voru samþykkt á Alþingi í seinustu viku og marka tímamót. Þau leysa af hólmi löggjöf sem var orðin 53
ára gömul og margoft hafði verið reynt að endur-
skoða. Ánægjulegt er að breytingar hafi loksins náð í
gegn.
Í nýju lögunum er tryggð aukin vernd og sjálfbær
nýting jarðvegs og gróðurs og endurheimt vistkerfa.
Þetta er afar mikilvægt. Sjálfbær landnýting er leiðar-
stef í lögunum og til að stuðla að henni er kveðið á um
reglulegt mat á ástandi lands og árangri landgræðslu-
starfsins, að sett skuli viðmið um sjálfbæra landnýt-
ingu og að unnin skuli áætlun um úrbætur þar sem
landnýting er ekki sjálfbær. Ákvörðun ítölu í beiti-
land skal nú taka mið af leiðbeiningum og viðmiðum
um sjálfbæra landnýtingu sem sett eru samkvæmt
landgræðslulögum. Einnig er í nýju lögunum ákvæði
um að sérstaka aðgát skuli sýna til að lágmarka rask á
gróðri og jarðvegi og að leitast skuli við að bæta fyrir
það með endurheimt sambærilegra vistkerfa.
Verulegar breytingar hafa orðið á löggjöf og
alþjóðasamningum á sviði umhverfismála síðan
fyrri lögin voru sett árið 1965, ekki síst hvað varðar
aðkomu og þátttöku almennings og er þeim nýju
ætlað að mæta því. Ný lög um náttúruvernd, skipu-
lagsmál og mat á umhverfisáhrifum hafa tekið gildi,
auk þess sem Ísland hefur gerst aðili að alþjóða-
samningum eins og Loftslagssáttmálanum, samningi
um vernd líffræðilegrar fjölbreytni og samningi um
varnir gegn eyðimerkurmyndun. Nýju lögin hafa að
markmiði að auka þátttöku almennings og hags-
munaaðila í landgræðslustarfinu. Þau kveða m.a. á
um gerð landgræðsluáætlunar og svæðisáætlana sem
unnar verða í víðtæku samráði.
Mikið vatn hefur runnið til sjávar frá því að fyrstu
lög um landgræðslu – sem þá hét sandgræðsla – voru
sett árið 1907. Lögin sem nú hafa verið samþykkt
marka vatnaskil í afar mikilvægum málaflokki.
Loksins ný
landgræðslulög
Guðmundur Ingi
Guðbrandsson
umhverfis- og
auðlinda-
ráðherra
Í dag má segja að börn séu læs þegar kemur að tækni en ekki skrifandi,“ sagði Katrín Atladóttir, borgarfulltrúi Sjálfstæðisflokks-ins, í útvarpsviðtali á dögunum. Í gær lagði borgarfulltrúinn svo fram tillögu þar sem hún lagði til að forritun yrði almennt
kennd í grunnskólum. Meirihluti borgarstjórnar
samþykkti tillögu fulltrúa minnihlutans, aldrei
þessu vant. Ánægjulegt var að sjá stjórnmála-
mennina stíga upp úr dægurþrasi í aðdraganda
jóla og styðja góða hugmynd.
Þau börn sem nú ganga í grunnskóla hafa haft
aðgang að tölvu frá því þau fæddust. Samkvæmt
nýlegum rannsóknum verða 65 prósent þeirra
starfa sem unnin eru í dag ekki til innan fárra ára.
Tækniþróun undanfarinna ára og áratuga hefur
gjörbreytt heiminum. Þessi þróun mun halda
áfram og að endingu gjörbreyta því umhverfi
sem við þekkjum. Tölvur og gervigreind munu
á næstu áratugum sjálfvirknivæða um helming
þeirra starfa sem mannkynið vinnur í dag, líkt og
þekkt er. Tæknimenntað fólk hefur mikið um það
að segja hvernig atvinnulífið, og þar af leiðandi
samfélagið sjálft, mun líta út í fyrirsjáanlegri
framtíð.
Í dag er lítið, en þó eitthvað, fjallað um forritun í
aðalnámskrá grunnskólanna. Skólunum er í sjálfs-
vald sett hversu mikla forritun skal kenna. Þannig
getur það oltið á áhuga og getu kennara hversu
mikið forritun er tvinnuð inn í námsefnið. Sumir
kennarar leggja mikið upp úr forritun, aðrir ekki.
Slíkt bitnar á möguleikum barna þegar þau vaxa
úr grasi.
Mikilvægt er í þessu samhengi að sveitarstjórnir
komi á samtali milli grunnskóla og atvinnulífs um
hvernig framtíðin lítur út. Þessi tillaga er gott skref
í þá átt, þar sem kennsla í forritun verður innleidd
í sátt við starfsfólk grunnskólanna. Forritunar-
kennsla verði veigamikill þáttur í menntun barna.
Til þess þarf að virkja og mennta kennara, foreldra
og börnin sjálf. Það er ærið verkefni, en einfald-
lega svar við kalli tímans.
Flest börn í dag kunna að nota tölvur. Þau horfa
á bíómyndir og þætti, skoða samfélagsmiðla, læra
jafnvel tungumál og nota ýmis forrit fyrir ólík
áhugamál sín. Eins og það er mikilvægt að kunna
að nota tæknina er ekki síður mikilvægt að hafa
grunnhugmynd um það hvernig hún virkar. Það
er einfaldlega mikilvægur hluti af læsi 21. aldar-
innar. Börnin okkar eiga að kunna að lesa, skrifa,
reikna og forrita. Forritun er nauðsynlegur þáttur
í að undirbúa börnin til þess að mæta kröfum sem
þeirra bíða. Það er hlutverk sveitarstjórna, for-
eldra og kennara að fjárfesta í þessari framtíð.
Lesið og skrifað
á 21. öldinni
Ódýrt er drottins orðið
Bænin er sögð síðasta bjargráð
skúrksins og þangað virðast
klaustursmunkarnir úr Mið-
flokknum komnir þegar þeir
vilja kalla dómkirkjuprest til
vitnis í von um að hann geti
kastað rýrð á upptakarann Báru
Halldórsdóttur. Drottins orðið
hefur löngum þótt dýrt en stenst
ekki samanburð við rándýran
orðaflaum þingmannanna. Ef
marka má Svein Valgeirsson
dómkirkjuprest getur Guð í
það minnsta ekki svarað kalli
fjórmenninganna með öðru en
þögn enda Guð víst mest fyrir
að hjálpa þeim sem hjálpa sér
sjálfir.
Máttleysi bænarinnar
Vissulega er staðan þröng þegar
kirkjunnar þjónar geta ekki rétt
hjálpandi hönd og dómkirkju-
prestur er ekki sá eini þeirra sem
annaðhvort getur ekki eða vill
svara ákalli týndu Framsóknar-
sauðanna. Séra Davíð Þór Jóns-
son, prestur í Laugarneskirkju og
pönkari, vitnar á Facebook með
velþóknun í svar Sveins: „„Eini
eftirlitsbúnaðurinn sem eitthvað
gæti tengst Dómkirkjunni væri
hið alsjáandi auga drottins og
hans alþunna eyra,“ segir Sveinn.
Býsna gott.“ Davíð fer heldur
ekki leynt með að samúð hans
er með Báru þegar hann segir:
„Þegar það er glæpur að afhjúpa
glæp er okkur stjórnað af glæpa-
mönnum.“ Amen, eftir efninu.
thorarinn@frettabladid.is
1 9 . d e s e m b e r 2 0 1 8 m I Ð V I K U d A G U r10 s K o Ð U n ∙ F r É T T A b L A Ð I Ð
SKOÐUN
1
9
-1
2
-2
0
1
8

0
4
:2
6
F
B
0
5
6
s
_
P
0
5
0
K
.p
1
.p
d
f
F
B
0
5
6
s
_
P
0
4
7
K
.p
1
.p
d
f
F
B
0
5
6
s
_
P
0
0
7
K
.p
1
.p
d
f
F
B
0
5
6
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
1
D
9
-9
3
E
4
2
1
D
9
-9
2
A
8
2
1
D
9
-9
1
6
C
2
1
D
9
-9
0
3
0
2
7
5
X
4
0
0
.0
0
1
7
A

F
B
0
5
6
s
_
1
8
_
1
2
_
2
0
1
C
M
Y
K