Velferð - 01.07.2007, Blaðsíða 3

Frá ritstjóra
Velferð - Blaðið ykkar
Kæru lesendur.
Á öðrum stað í blaðinu er áréttað hversu nauðsynlegt það er
fyrir ritsjórn hvers blaðs og stjórn allra félaga að vera í góðum
tengslum við lesendur og félaga sína. Einlæg von okkar og ósk
er einföld: Sendið blaðinu hugmyndir og tillögur um efni og
efnistök, stökur, frásögur um gaman og alvöru llfsins,
reynslusögur og nýjustu fréttir sem þið hafið heyrt, lesið eða séð
á netinu varðandi nýjungar, rannsóknir, meðferð og tækni í
hjarta- og æðasjúkdómum.
Hafið efnið stutt og gagnort - en ritnefnd áskilur sér rétt til að
stytta efnið og breyta ef með þarf í samvinnu við höfunda.
Netföng ritnefndar: asgeir@hjartaheill.is
margret@sibs.is
petur@sibs.is
thorir@hj artaheill. is
Lífsgildi okkar og lífsviðhorf
Til allrar hamingju hafa flestir íslendingar nóg að gera. Pví
miður eru margir þó svo önnum kafnir að þeir sjá varla fram úr
verkefnum. Fjölskyldan, fjölskyldulífið og við sjálf sem mann-
eskjur verðum útundan oft með alvarlegum afleiðingum. í
stuttu máli: Menn gleyma að rækta góðvildina og kærleikann.
Þegar það gleymist deyfist lífsneistinn með lífsorku og bjartsýni
og framtíðin dökknar.
Margir íslendingar vinna mikið. Yfirvinna, aukavinna, verðbréf
og hlutabréf, fylgjast alls staðar með, ekki missa af neinu,
tjaldvagn, húsvagn, jeppi, nýjar innréttingingar . . . (Hljómar
kunnuglega).
Og svo má ekki gleyma börnunum. Þau þurfa að eiga sínar
tölvur og tól og best væri að gefa þeim þau í skírnargjöf. . . þá
þegja þau kannski á meðan.þau dunda sér við tækin. Dýrmætur
tími glatast í samfélagi barnanna sem bæði foreldrar og börn
þurfa á að halda. Unaðsstundir sem aldrei gleymast en geymast
sem dýrmæt og gefandi minning þegar árin færast yfir.
Allt er þetta gott og blessað. Að vissu marki. Auðvitað eru
peningar mikilvægir og tölvur eitt mikilvægasta samgöngutæki
nútímans sem enn á eftir að bylta miklu.
Á öllum tímum hefur ávallt verið erfitt að þekkja sjálfan sig,
leita inn á við og spyrja í ró hver séu lífsviðhorf okkar og
eftirsóknarverð gildi. Maðurinn er skapaður fyrir eðlilega streitu
og álag til líkama og sálar. En fyrr má nú kannski rota en
dauðrota. Við megum ekki gleyma sjálfum okkur og rjúka langt
fram úr eigin getu, hæfni og hæfileikum og ganga með
ógnarhraða á lífsorkuna. Maðurinn er ekki eilífur og árin sem
við teljum hér á jörð eru ekki mörg. Þau líða skjótt og við erum
sífellt minnt á gömul sannindi úr Hávamálum að maðurinn sé
félagsvera, að „maður sé manns gaman". Við höfum yndi og
gleði af því að vera innan um aðra og njóta tilverunnar í ró, friði
og gleði.
Hvar stöndum við í dag? Veikist börn okkar eða vinir til
dæmis af alvarlegum, langvinnum sjúkdómum, hvort horfum
við þá meira á sjúkdóminn sjálfan eða manneskjuna? Hættir
okkur ekki til að einblína á veikindin og sjá persónuna út frá
þeim sjónarhóli? Höfum við ræktað þann hæfileika okkar að
horfa til framtíðar og á jákvæðar hliðar lífsins? Höfum við tamið
okkur að horfa fyrst og fremst á hvað sjúklingurinn getur og
gleðjast yfir því með honum frekar en að stara okkur blind á
hömlur hans og það sem hann getur ekki? Ef við brjótum eina
tá - eru níu heilar eftir. (Auðvitað er afar bagalegt að missa mátt
í tá).
Þegar við vöknum að morgni getum við hugleitt hvað við
getum gert og glaðst yfir því - eða valið að einblína á það sem
við getum ekki og hryggst yfir því. Rannsóknir sjrna að gleði,
jákvæðni, trú og bjartsýni hafa áhrif á ónæmiskerfi okkar og
líðan. Hver teljum við vera lífsgildi okkar í raun?
Fáein orð til minnis!
V
Líkaminn er byggður fyrir hreyfingu, virkni til hugar
og handar. Um 40% af líkama okkar eru vöðvar og
15% bein.
Við erum hönnuð til að takast á við llfið og
tilveruna, glíma hvern dag og njóta verunnar með
vinum, ættingjum og samferðafólki í erli daganna og
i menningarlífi samfélagsins.
V
st
Við aukum kyn okkar og deyjum eins og allar lifandi
verur náttúrunnar.
Nýjar rannsóknir sýna að jákvætt lífsviðhorf, lífsgleði
og trú styrki ónæmiskerfi líkamans til muna.
Manninum er gefið í vöggugjöf að geta horft til
framtíðar, spáð um komandi tíma með tilraunum og
vísindum til að bæta heiminn og auka lífsgæði okkar
og gleði.
BAKKAVÍ5R
tÍAmhmm
Farsímalagerinn.is
Velferð 3