Velferð - 01.07.2007, Blaðsíða 26
c------------------------------------------------------------------------
Tilgangur stuðningshópanna er:
að gefa og þiggja
Félagsmönnum SÍBS og þar á meðal félagsmönnum Hjartaheilla stendur til boða þátttaka i
stuðnings- og sjálfshjálparhópum. í hópstarfinu gefst þeim tækifæri til að takast á við erfiðleika
sem geta fylgt í kjölfar alvarlegra veikinda og nýtt þá erfiðu reynslu á jákvæðan hátt fyrir sjálfan
sig og aðra.
Hópstarfið byggir á gagnkvæmum stuðningi þar sem jafningjar miðla hver öðrum af
persónulegri reynslu og þekkingu, veita hver öðrum tilfinningalegan stuðning og vináttu auk
þess að miðla hagnýtum upplýsingum og ráðum.
Jafningjastuðningur hefur reynst mörgum góð leið til að ná tökum á andlegri vanlíðan og
unnið gegn kvíða og þunglyndi.
Hver hópur er sérstakur, hann er fyrirbæri sem verður til í samskiptum einstaklinganna þar
sem gjarnan skapast sérstakt andrúmsloft samkenndar og skilnings. Eðli hópstarfsins og sá
samtakamáttur sem skapast í hópunum getur veitt einstaklingunum kraft, gleði og bjartsýni og
stuðlað að jákvæðum breytingum á aðstæðum til hins betra.
Hugmyndafræðin byggir á sjálfshjálp með samhjálp, að gefa og þiggja. Lögð er áhersla á samkennd, virðingu, miðla reynslu,
hlusta og ekki síst að eiga góða stund saman. Fólk hittist á jafningjagrundvelli og allar upplýsingar sem koma fram innan hópanna
eru trúnaðarmál.
Þeir félagsmenn Hjartaheilla sem hafa áhuga á að taka þátt í stuðningshóp eða vilja ræða mál sín geta haft samband við Margréti Albertsdóttur
félagsráðgjafa SÍBS í síma 825-5095 eða sent tölvupóst á margret@sibs.is
M.A.
Fréttatilkynning
Hjartaheill og Lyfja gera samning
Hjartaheill landssamtök hjartasjúklinga og Lyfja undirrituðu
samstarfssamning 2. maí sl. Samningurinn veitir félagsmönnum
Hjartaheilla sérkjör á öllum lyfseðilsskyldum lyfjum auk afslátt
af hjartamagnyl í öllum Lyfju apótekum ásamt því að þeir verða
meðlimir í Heilsuklúbbi Lyfju.
Gefin verða út sérstök heilsukort Lyfju til félagsmanna sem
jafnframt gildir sem félagsskírteini. Enginn vafi er á að
samningur þessi mun nýtast félagsmönnum verulega.
Samningurinn felur einnig í sér að Lyfja mun sjá til þess að
söfnunarbaukar Hjartaheilla verða ávallt staðsettir við alla
afgreiðslukassa apótekanna ásamt því að fræðslubæklingar sem
Hjartaheill gefur út verði aðgengilegir í apótekunum.
Nú í júní verða sendir greiðsluseðlar til félagsmanna
Hjartaheilla og munu þeir sem greiða árgjaldið fá sent
Heilsukort Lyfju (félagsskírteini Hjartaheilla) nokkrum dögum
síðar. Hægt er að gerast félagsmaður í Hjartaheill með því að
senda tölvupóst á netfangið: hjartaheill@hjartaheill.is eða
hringja í síma 552 5744.
Á meðfylgjandi mynd eru:
Aðalheiður Pálmadóttir forstöðumaður verslunar- og markaðssviðs
Lyfju og Ásgeir Þór Árnason framkvœmdarstjóri Hjartaheilla
landssamtaka hjartasjúklinga
26 Velferð