Velferð - 01.12.2007, Blaðsíða 4

c-------------------------
Hjartastuðtæki á Norðurlandi
vestra
Afhending tækisins: Fríða Pálmadóttir tekur við gjöf úr höndum Sigurlaugar
Hermannsdóttur. Með þeim eru Valgarður Hilmarsson og Hlynur Tryggva-
son. Mynd: Ólafur Bernádusson
Sigurlaug Hermannsdóttir, formaður Hjartaheilla á Norðurlandi
vestra, kom færandi hendi á dvalarheimilið Sæborg á Skaga-
strönd nýverið. Erindið var að afhenda heimilinu hjartastuðtæki
að gjöf frá Hjartaheill til minningar um Björgvin Brynjólfsson
sem lést í vetur en var heimilismaður á Sæborg. Björgvin var
lengi einn af ötulustu forsvarsmönnum félagsins á svæðinu og
er mikill missir af slíkum mðnnum.
Á myndinni tekur Fríða Pálmadóttir við gjöf úr höndum
Sigurlaugar Hermannsdóttur. Með þeim eru Valgarður Hilmars-
son og Hlynur Tryggvason.
Stuðtækið, sem félagið gaf, er meðfærilegt og leiðbeinir þeim
sem það notar með því að tala við hann á íslensku. Ekkert svona
tæki var til á Sæborg eða á heilsugæslunni á Skagaströnd, en
það mun verða notað þar ef með þarf, þar sem heilsugæslan og
dvalarheimilið eru sambyggð og því auðvelt að nálgast tækið í
neyðartilvikum.
Hjartaheill hefur á undanförnum árum gefið hjartastuðtæki í
ýmsar stofnanir á Norðurlandi vestra s.s. heilbrigðisstofnanir á
Hvammstanga, Blönduósi og Siglufirði og einnig í sjúkrabíla og
íþróttamiðstöðina á Blönduósi.
Segja má að félaginu verði mikið úr félagsgjöldum þeirra 120
félaga sem eru í svæðisdeildinni, því svona tæki kostar um 250
þúsund krónur.
Hjartaheill færir öllum landsbyggðarfélögum þakkir
fyrir störf þeirra a liðnum árum og hlakkar til áfram-
haldandi samstarfs. Hið minnsta starf og jákvætt
viðhorf er okkur mikils virði.
Fríða Pálmadóttir, forstöðumaður Sæborgar, veitti tækinu
viðtöku eins og áður segir og þakkaði gjöfina. Sagði hún að
tækið tryggði öryggi heimilismanna betur en áður hefur verið
og kom fram í máli Fríðu, að hún hefði einmitt verið að skoða
auglýsingu um slíkt tæki fyrir nokkrum dögum og látið sig
dreyma um að geta einhvern tíma keypt svona tæki fyrir
heimilið. Sagðist hún þekkja dæmi um að slík tæki hefðu
bjargað mannslífum.
4 velferð