Velferð - 01.10.2013, Síða 9

Fráfyrstu HL stöðinni á Háaleitisbraut í Reykjavík.
Ákveðið var að starfsemi stöðvarinnar yrði í upphafi þrenns konar:
1. Viðhaldsþjálfun fyrir þá sem aðfullu eru útskrifaðir af
sjúkrastofnunum.
2. Endurhæfing hjartasjúklinga eftir tilvísun hjartalœkna sem
hœfist um sex vikum eftir útskrift af sjúkrahúsi
3. Endurhœfing lungnasjúklinga eftir tilvísun lungnalækna.
í september 1992 flutti stöðin aðsetur sitt á nýjan stað, sem eru
húsakynni íþróttafélags fatlaðra í Reykjavík að Hátúni 14. Það
hefur HL stöðin haft aðstöðu síðan.
HL-stöðin á Akureyri hóf starfsemi í húsi Sjálfsbjargar, Bjargi,
árið 1991. Landssamtök hjartasjúklinga, SÍBS og Hjarta- og
æðaverndarfélag Akureyrar og nágrennis stóðu að stofnun
hennar. HL-stöðin er sjálfseignarstofnun. Sérstök stjórn sér
um rekstur hennar og er hún rekin með styrk frá ríkinu og
þj álfunargj öldum.
Velferð hefur göngu sína
Samstarfið við SÍBS um útgáfu
SÍBS frétta var LHS hagstæð. Þar
var opin leið til að koma fréttum af
starfseminni til félagsmanna, sem
fór ört fjölgandi, voru orðnir 1.400
á aðalfundi 1989. Þar að auki hafði
LHS ekki þurft að bera kostnað af
útgáfunni. í sambandi við fimm
ára afmæli LHS kom upp hugmynd
um að gefa út veglegt afmælisrit.
Hlaut það nafnið Velferð og kom
út árið 1989. Útgáfan gekk mjög
vel og var ákveðið að halda henni
áfram. Ritstjóri Velferðar fyrstu
tvö árin var Alfreð G. Alfreðsson,
en Hallur Hermannsson tók síðan
við. Velferð var ætlað að vera
málgagn og fréttabréf samtakanna
og var frá upphafi fjármögnuð
með auglýsingum, en blaðið er
sent öllum félagsmönnum og
velunnurum, auk þess að því
er dreift á sjúkrastofnanir og
biðstofur. Skemmst er frá því að
segja að blaðið Velferð hefur komið
út óslitið síðan og gegnt með
ágætum því hlutverki sem því var
í upphafi ætlað.
Deildaskipting LHS
Á aðalfundi LHS 10. mars 1990 var kynnt breyting á
lögum samtakanna þar sem gert var ráð fyrir deildaskiptingu
eftir landssvæðum Einnig að LHS væri heimilt að gerast
aðili að heildarsamtökum annarra líknarfélaga t.d. SÍBS og
Öryrkjabandalagi íslands, með samþykki 2/3 gildra atkvæða í
allsherjaratkvæðagreiðslu. Lagabreytingarnar voru samþykktar
á framhaldsaðalfundi 31. mars, 1990.15 Stofnfundur Félags
hjartasjúklinga á Reykjavíkursvæði var 15. september 1990 og
Félags hjartasjúklinga á Eyjafjarðarsvæði þann 16. september.
Síðan komu svæðisfélögin hvert af öðru Alls voru stofnuð 10
svæðafélög innan LHS. Ellefta félagið, Neistinn, styrktarfélag
hjartveikra barna, gekk í raðir samtakanna í september 1996
og varð þar með 11. deildin innan samtakanna. Félögin hétu
öll Félag hjartasjúklinga og voru síðan kennd við viðkomandi
svæði, en oft voru þau kennd við svæði sitt í umræðunni án þess
fullt nafn fylgdi. Þau voru eftirtalin, ásamt fyrstu formönnum
þeirra: Á Reykjavíkursvæði, formaður Jón Þór Jóhannsson,
á Eyjafjarðarsvæði, formaður Gísli J. Eyland, á Austurlandi,
formaður Reynir Sigþórsson, á Norðurlandi vestra, formaður
Knútur Ólafsson, í Þingeyjarsýslum, formaður Áslaug K.
Georgsdóttir, Vestfjarða, formaður Jóhann Kárason, á Vesturlandi,
formaður Bent Jónsson, á Suðurnesjum, formaður Sigmar
Ingason, á Suðurlandi, formaður Gunnar Jónsson og Félag
hjartasjúklinga í Vestmannaeyjum, formaður Eiríkur Bogason.16
Þessi breyting á lögunum og
starfseminni leiddi til þess að
aðalfundir samtakanna lögðust
af og þing LHS komu í staðinn.
Fengu nýkjörin félög fundarsetu
eftir félagatölu. Fyrsta þing
landssamtakanna var haldið 22.-
23. mars 1991 og sátu það um 60
fulltrúar hvaðanæva að af landinu.
Var þess getið í fundargerð að
félagsmenn væru nú yfir 2000
talsins. Samþykkt var að stofna
Styrktarsjóð hjartasjúklinga með
stofnfé kr. tvær milljónir. Var
sjóðnum sett skipulagsskrá og
kosin stjórn. Fyrsti formaður
sjóðsstjórnar var Sigurveig Halldórsdóttir.
Innganga 1 SÍBS
Eins og fyrr var getið var samvinna frá upphafi góð milli LHS og
SÍBS og starfsemin á Reykjalundi var sameiginlegur vettvangur.
Samvinna var góð um stofnun HL stöðvarinnar í Reykjavík og
samstarf varð áfram á þeim vettvangi, auk blaðaútgáfunnar.
26. sambandsþing SÍBS 1988 samþykkti: „ ... að næsta stjórn
sambandsins skuli vinna að því, að Landssamtök hjartasjúklinga
gerist aðilar að SÍBS, sem sérstök félagsdeild í sambandinu.“17
Óformlegar viðræður hófust eftir þetta en fátt gerðist þó fyrr en
3. september 1990 að stjórn LHS sendi bréf til sambandsstjórnar
SÍBS. Þar var óskað eftir stuðningi stjórnar SÍBS við það að
Landssamtök hjartasjúklinga yrðu deild í SÍBS.
Þá þegar hafði stjórn SÍBS ákveðið að halda viðræðum
áfram. Ekki var samt algjör einhugur um málið, þó fleiri væru
því fylgjandi. Komu einkum fram efasemdarraddir frá SÍBS
deildunum í Reykjavík og Hafnarfirði.18 Ákveðið var að bjóða
fulltrúum frá Landssamtökum hjartasjúklinga að sitja næsta þing
SÍBS, haustið 1990. Var því boði tekið og sátu Sigurður Helgason
VELFERÐ
LANÐSSAMTÖK
HJARTASIÚKLINGA
Forsíða 1. tbl. Velferðar.
Alfreð G. Alfreðsson
VELFERÐ 9