Mosfellingur - 29.11.2018, Side 22

- Bókajól 201822
Gott að komast í ró og
næði á Bókasafninu
Nafn: Lára Margrét
Arnarsdóttir.
Aldur: 20 ára.
Staða: Stuðningsfulltrúi.
Hvað er það besta við
Bókasafnið? Held það sé
bara róin og næðið sem
maður fær þar.
Lestu mikið? Jájá, eða
reyni það allavega þegar ég
hef tíma.
Uppáhaldsrithöfundur?
Einn af mínum uppáhalds-
höfundum er Dan Brown.
Uppáhaldsbók?
Mér fannst bókin Með
lífið að veði eftir Yenomi
Park mjög góð, annars er
Uppruninn eftir Dan Brown
líka ofarlega á lista hjá mér.
Uppáhaldspersóna í bók?
Robert Langdon.
Hvað bækur langar þig að lesa sem koma út nú fyrir
jólin? Mér finnst Stúlkan hjá brúnni eftir Arnald Indriða-
son lúkka frekar spennandi.
Mosfellingar deila með okkur áhugverðum bókum• Anna Ólöf kannaði stemmninguna á Bókasafni Mosfellsbæjar
Margar spennandi bækur í boði
Finnst skemmtilegt að
lesa góða ævisögu
Nafn: Sigurður Hansson.
Aldur: 47 ára.
Staða: Framkvæmdastjóri.
Hvað er það besta við
Bókasafnið? Nota það allt-
of sjaldan upp á síðkastið
en það besta við það er að
ég er velkomin þangað næst
þegar ég fer.
Lestu mikið? Alltof lítið en
ég tek tarnir. Sérstaklega
þegar ég fer í frí.
Uppáhaldsrithöfundur?
Einar Kárason.
Uppáhaldsbók? Sjálfstætt
fólk en ég er líka mjög
hrifin af bókum sem fjalla
um raunverulega atburði.
Ég sækist í að lesa góðar
ævisögur og ein sú besta
sem ég hef lesið í þeim geira
er ævisaga Sonju Zorilla.
Uppáhaldspersóna í bók? Baddi í Djöflaeyjunni.
Hvað bækur langar þig að lesa sem koma út nú fyrir
jólin? Listamannalaun eftir Ólaf Gunnarsson, Krýsuvík
eftir Stefán Mána, Hornauga eftir Ásdísi Höllu og fleiri.
Alltaf vel tekið á móti
manni á Bókasafninu
Nafn: Sigrún Axelsdóttir.
Aldur: Fædd 1947, er 71 árs.
Staða: Eldri borgari.
Hvað er það besta við
Bókasafnið? Það er gott að
koma í Bókasafnið og fínt
og hjálpsamt starfsfólkið
þar.
Lestu mikið? Ég myndi
segja að ég lesi mikið, bæði
íslenskar og enskar bækur.
Uppáhaldsrithöfundur?
Það eru nokkrir en Auður
Ava Ólafsdóttir, Jill Mansell
og Alexander McCall Smith
eru ofarlega á vinsældar-
listanum.
Uppáhaldspersóna í bók?
Það mun vera Ísabella
Dalhousie í The Sunday
Philosophy Club.
Hvað bækur langar þig að
lesa sem koma út nú fyrir jólin?
Það eru þó nokkrar sem mig langar að lesa eins og Ungfrú
Ísland eftir Auði Övu og Stúlkan hjá brúnni eftir Arnald
Indriðason.
Jólablað Mosfellings kemur út:
Efni og auglýsingar skulu berast fyrir kl. 12, mánudaginn 17. desember - mosfellingur@mosfellingur.is
20. desember
Frábærar uppákomur
fyrir börnin á safninu
Nafn: Birna Kristín
Jónsdóttir.
Aldur: 47 ára.
Staða: Formaður
Aftureldingar.
Hvað er það besta við Bóka-
safnið? Yndislegt starfsfólk
sem tekur einstaklega vel á
móti manni svo ég tali ekki
um móttökurnar sem börnin
fá. Svo eru þau svo dugleg
að vera með uppákomur
fyrir börnin. Dóttir mín 9 ára
elskar að fara á bókasafnið.
Lestu mikið? Já, ég les
töluvert mikið, ég les til að
mynda alltaf fyrir svefninn
sem er frábær leið til að loka
deginum og þá verður góður
krimmi oft fyrir valinu.
Uppáhaldsrithöfundur?
Það væri löng upptalning og
eiginlega ómögulegt að gera upp á milli.
Uppáhaldsbók? Kristnihald undir jökli er efst á náttborð-
inu núna og hún eldist vel þó að hún hafi komið út fyrir 50
árum.
Uppáhaldspersóna í bók? Karitas var lengi uppáhalds
en hún hreyfði vel við mér, svo finnst mér ég þekkja Harry
Hole ansi vel.
Hvað bækur langar þig að lesa sem koma út nú fyrir
jólin? Æskuvinkona mín hún Benný Sif er að gefa út
spennandi bók fyrir jólin, „Gríma“, en hún gerist í sjávar-
plássi eins og við erum uppaldar í – ég er mjög spennt fyrir
henni ásamt mörgum öðrum.
Verð alveg heltekin við
lestur góðra bóka
Nafn: Hildur Pétursdóttir.
Aldur: 42 ára.
Staða: Enskukennari í
Lágafellsskóla.
Hvað er það besta við
Bókasafnið? Bókasafnið er
frábært, notalegt umhverfi
og frábært fólk.
Lestu mikið? Langar alltaf
að lesa meira en ég geri en
þegar ég er að lesa þá verð
ég heltekin og á erfitt með
að hætta. Þess vegna verður
alltaf að vera pása á milli svo
ég geti gert eitthvað annað.
Uppáhaldsrithöfundur?
Ég er ekki hliðholl neinum
sérstökum rithöfundi
en rithöfundar sem hafa
rannsakað staðreyndir í
kringum skáldskapinn sinn
heilla mig.
Uppáhaldsbók?
Engin ein uppáhaldsbók en þær bækur sem heilla mig
eru bækur sem gerast á framandi stöðum og kenna mér
eitthvað nýtt um mannlíf og menningu á meðan ég les
skáldskapinn.
Uppáhaldspersóna í bók? Á enga uppáhalds sögupers-
ónu, ætli það sé ekki bara sú persóna sem ég les um hverju
sinni.
Hvað bækur langar þig að lesa sem koma út nú fyrir
jólin? Mig langar að lesa bók Ásdísar Höllu, Hornauga, og
bók Auðar Övu, Ungfrú Ísland.
Bjartur í Sumarhúsum
í miklu uppáhaldi
Nafn: Bjarki Bjarnason.
Aldur: 66 ára.
Staða: Rithöfundur og
forseti bæjarstjórnar
Mosfellsbæjar.
Hvað er það besta við
Bókasafnið? Mér finnst allt
gott við Bókasafnið.
Lestu mikið?
Já, ég nærist á bókum.
Uppáhaldsrithöfundur?
Steinar Sigurjónsson. Hann
sendi frá sér sínar fyrstu
bækur á 6. áratugnum.
Þar sló hann nýjan tón og
var einstaklega frumlegt
utangarðsskáld.
Uppáhaldsbók? Sjálfstætt
fólk eftir Halldór Laxness.
Maður kemst aldrei langt frá
Bjarti í Sumarhúsum.
Uppáhaldspersóna í bók?
Það er Jesús frá Nasaret eins og hann birtist í Nýja testa-
mentinu. Þessi skoðun mín tengist ekki trú en tungutakið
og líkingamálið sem Jesús notar, til dæmis í dæmisög-
unum, er einstakt, myndrænt og snjallt og þar við bætast
örlög hans sem láta fáa ósnortna.
Hvað bækur langar þig að lesa sem koma út nú fyrir
jólin? Haustaugu splunkuný ljóðabók eftir Hannes
Pétursson. Skúli fógeti – faðir Reykjavíkur eftir Þórunni
Valdimarsdóttur. Víti eftir Dante í þýðingu Einars
Thoroddsens. 111, ljósmyndabók eftir Spessa. Fornar
ferðaleiðir í Vestur-Skaftafellssýslu um aldamótin 1900
eftir Veru Roth.