Mosfellingur - 22.02.2018, Qupperneq 23

élsmiðjan
ehf
Sem foreldrar erum við stöðugt
í klappliði barnanna okkar og
gerum okkar besta til að hvetja
börnin til að gera betur á öllum
sviðum. Hegða sér betur, gera
betur í samskiptum, taka meiri
þátt í heimilisstörfum, standa
sig betur í námi, í íþróttum eða
öðrum tómstundum, í vinnu og
þannig mætti lengi telja.
Oftast eru notaðar jákvæðar og sann-
gjarnar aðferðir til að ná þessu fram en
því miður föllum við stundum í þá gryfju
að nota athugasemdir sem geta verið
særandi eða skemmandi. Það á til dæm-
is við þegar við berum börnin neikvætt
saman við önnur börn, hvort heldur sem
er systkini þeirra, skólafélaga, nágranna
eða einhver önnur börn.
„Sjáðu hvað hann er duglegur að gera
[eitthvað sem við viljum að okkar barn
geri líka]“, „það væri nú munur ef þú
værir eins og bróðir þinn/systir þín
sem alltaf hjálpar til/lærir heima
/tekur til í herberginu sínu“,
„hvernig væri nú að þú legðir þig
jafn mikið fram og skólasystkini
þín við heimanámið, hann/hún
lærir alltaf heima“.
Svona samlíkingar eru óþarfar
og valda óhóflegum saman-
burði sem getur skaðað og
valdið óþarfa spennu
í samskiptum milli
systkina, vina eða
foreldra og barna.
Þær búa til neikvæða
samkeppni og hafa neikvæð
áhrif á viðhorf barnanna til
þeirra sem þau eru borin sam-
an við. Samanburðurinn er
heldur ekki alltaf réttlátur því
það er ekkert sjálfgefið að hitt
barnið sé endilega alltaf svona
duglegt eða geri það sem vís-
að er til. Verst af öllu er þó að
samanburður af þessu tagi getur skaðað
samband foreldra við börnin. Gleymum
ekki að allir eiga sína styrk- og veikleika
og barnið okkar er örugglega að standa
sig vel á einhverju sviði. Verum þess í
stað dugleg að benda á það sem barnið
gerir vel.
Vörumst að gera upp á milli barnanna
eða bera þau saman á neikvæðan hátt.
Það getur valdið ójafnvægi og vanlíðan
og aukið sundurlyndi í fjölskyldunni.
Berum hvert barn frekar saman við sig
sjálft og hvetjum það til að gera betur
í dag en í gær, betur í þessari viku
en þeirri síðustu o.s.frv.
Leyfum samanburði ekki að
stela gleðinni frá börnunum
okkar en hvetjum þau áfram á
jákvæðan hátt og njótum lífsins
á eigin forsendum hvern einasta
dag í samvistum við þá sem skipta
okkur mestu máli.
Hulda Sólrún
Guðmundsdóttir,
sálfræðingur
Fræðsluskrifstofu
Mosfellsbæjar.
Samanburður er
þjófur gleðinnar!
SkólaSkrifStofa moSfellSbæjar
Skóla
hornið