Litli Bergþór - 01.12.2014, Page 34

34 Litli-Bergþór
Á síðastliðnu ári hafa ungmenni stundað fjölbreyttar
æfingar á vegum Ungmennafélagsins. Eins og oft
áður er það yngsta kynslóðin sem mætir hvað best
og sum börn mæta á allar þær æfingar sem í boði eru
fyrir þeirra aldurshóp, allt að fjórum sinnum í viku
hverri. Á liðnu ári gátu yngstu félagarnir stundað
fimleika, knattspyrnu og körfubolta og íþróttaskólinn
var sem fyrr mjög vinsæll. Einnig buðum við upp á
„bland og fjör“ en þar gátu 9 – 12 ára börn stundað
fjölbreytta hreyfingu eins og bandý, badminton, þrek,
hlaup, stórfiskaleik og aðrar þrautir sem ekki flokkast
undir hinar vinsælu boltaíþróttir. Hjá þeim eldri var
það knattspyrnan og glíman sem voru best sóttar en
einnig körfuboltinn. En áhuginn þar hefur því miður
aðeins dalað, meðal annars vegna þess að nokkuð
erfitt hefur reynst að fá þjálfara á tímum, sem hentar
okkar iðkendum. Árni Þór á Flúðum hefur verið afar
liðtækur og áhugasamur um að kveikja áhuga hjá
okkar krökkum. Þau hafa verið velkomin yfir á Flúðir
og hafa nemendur úr 1. og 2. bekk nýtt sér það ásamt
Sigríði Magneu í 9. bekk. Það er gaman að segja frá
því að hún hefur verið boðuð á landsliðsæfingar í
upphafi nýs árs og verður spennandi að fylgjast með
gengi hennar í körfunni.
Þegar ljóst var á síðasta ári að áhuginn væri að dala
hjá elstu iðkendum, sér í lagi stelpunum, lögðum við
höfuðið í bleyti til að finna nýjar leiðir til að draga
stúlkurnar inn í íþróttirnar. Nú í haust var ákveðið að
bjóða upp á stelputíma í anda „crossfit“ og má segja
að það hafi hitt vel í mark. Nú í haust hafa 10 – 13
stúlkur af 17 í unglingadeildinni mætt að staðaldri og
þykir okkur það frábær árangur. Hafa þær meira að
segja beðið um að fá að æfa tvisvar í viku og er um
að gera að skoða tímatöfluna í íþróttahúsinu og finna
tíma fyrir þær til að virkja þennan áhuga til hreyfingar
og heilsueflingar. Líklegt er að fyrirmyndir eins og
Annie Mist, margfaldur heimsmeistari í crossfit, og
Björgvin Karl Guðmundsson úr Hveragerði, tvöfaldur
Íslandsmeistari í crossfit, séu fyrirmyndir sem unga
fólkið okkar horfir til. Sem fyrr er mikið íþróttaval
í grunnskólanum og þar fá nemendur með mikla
hreyfiþörf heilmikla útrás.
Í glímunni hafa okkar iðkendur staðið sig með sóma
og unnið til fjölda verðlauna á hinum ýmsu mótum
eins og HSK, Grunnskólamóti í
glímu og Íslandsglímunni svo
fátt eitt sé nefnt. Stigakeppni
í Grunnskólamótinu í glímu
fór þannig að Bláskógaskóli
var í efsta sæti með 22 stig
í hópi stráka í 5. – 7. bekk, og
stúlkurnar höfnuðu í 3. sæti. Drengir í
8. – 10. bekk Bláskógaskóla höfnuðu
í 2. sæti og stúlkurnar okkar voru
efstar. Á Íslandsmeistaramóti 15
ára og yngri náðu okkar félagsmenn
góðum árangri. Rósa Kristín varð
Íslandsmeistari stúlkna í hópi
13 ára, Sigurður Ásberg varð
Íslandsmeistari 11 ára stráka minni,
Ólafur Magni Íslandsmeistari 11 ára
stráka stærri. Gústaf Sæland var svo
Íslandsmeistari 14 ára stráka. Til
lukku með þetta krakkar!
Gústaf Sæland, Laufey Ósk og Ólafur Magni Jónsbörn
kepptu fyrir hönd HSK á Unglingalandsmóti UMFÍ
á Sauðárkróki og er það ánægjulegt. Gaman væri
að sjá fleiri foreldra fara með börn sín á mót sem
þetta og eiga góðar stundir með börnum sínum, en
Unglingalandsmót 2015 verður haldið á Akureyri.
Á næstu dögum opnar stærri og betri þreksalur í
íþróttahúsinu okkar og er það von mín að hægt verði
að nýta hann til kennslu og að unglingar fái þar meiri
aðgang til að sinna sinni heilsurækt. En ljóst er að
Agla Þyri
Kristjánsdóttir
Íþróttanefndarfréttir
Frá lokadegi knattspyrnuæfinga
Á myndinni eru: Kjartan Helgason, Matthías Ármann,
Magnús Kjartansson, Fróði Larsen , Ragnar Hjaltason,
Fjölnir Morthens, Arnaldur Ármann, Ísak Gunnarsson,
Óðinn Gunnarsson og Tristan Morthens.
Hvað er merkilegt við
það? Ég glímdi líka þegar
ég var ungur.