Morgunblaðið - 07.09.2018, Síða 21

MINNINGAR 21
MORGUNBLAÐIÐ FÖSTUDAGUR 7. SEPTEMBER 2018
✝ Jóhannes HelgiGíslason fædd-
ist í Grímsgerði,
Hálshreppi í
Fnjóskadal, 9. des-
ember 1930. Hann
lést á Sjúkrahúsinu
á Akureyri 21.
ágúst 2018.
Foreldrar hans
voru hjónin Þórey
Jóhannesdóttir, f.
13. febrúar 1891, á
Melum, Hálshreppi, d. 19. júní
1988, og Gísli Jónsson, f. 25. febr-
úar 1891, í Hrísgerði, Háls-
hreppi, d. 19. júní 1982. Þau
bjuggu í Grímsgerði í Fnjóska-
dal. Systkini Jóhannesar: Sigrún
Friðbjörg Gísladóttir, f. 23. októ-
ber 1920, d. 26. maí 1942, Jón
Kristinn Gíslason, f. 17. október
ember 1873, d. 8. október 1948.
Synir Ásgerðar Lilju og
Jóhannesar eru: Gísli Bogi, maki
Ásta Bára Pétursdóttir, og á
Gísli tvö börn frá fyrra sam-
bandi, einn tengdason og þrjú
barnabörn: Eyþór Holm, maki
Þóra Guðný Birgisdóttir og á
Eyþór fjögur börn frá fyrra
hjónabandi, eina tengdadóttur,
einn tengdason og sjö barnabörn:
Sigurður Baldvin Holm, maki
Ágústa Guðrún Sigurðardóttir
og eiga þau fjögur börn, þrjár
tengdadætur, einn tengdason og
tíu barnabörn, þar af eitt látið:
Hinrik Máni Holm, maki Valborg
Stefanía Karlsdóttir og eiga þau
tvo syni.
Jóhannes Helgi og Ásgerður
Lilja hófu búskap í Grímsgerði í
júlí 1955 og voru með hann í
fimmtíu ár eða þar til í septem-
ber 2005 að þau flytja í Skessugil
7 á Akureyri.
Útför Jóhannesar Helga fer
fram frá Akureyrarkirkju í dag,
7. september 2018, og hefst at-
höfnin klukkan 13.30.
1923, d. 12. desem-
ber 2007, kvæntur
Jónínu Helgadóttur,
Sigríður Gunnlaug
Gísladóttir, f. 18.
maí 1926, d. 13. júní
1974, húsfreyja á
Hjalteyri, gift Agn-
ari Þórissyni sjó-
manni, þau eign-
uðust sjö börn.
Jóhannes Helgi
kvæntist 3. júlí 1955
Ásgerði Lilju Holm frá Syðra-
Mallandi í Skefilsstaðahreppi á
Skaga, f. 22. október 1933, d. 27.
ágúst 2013. Hún var dóttir
hjónanna Fanneyjar Margrétar
Árnadóttur frá Víkum á Skaga,
f. 26. nóvember 1899, d. 2. ágúst
1969, og Boye Thomsen Holm frá
Kolding í Danmörku, f. 6. sept-
Hann pabbi er dáinn. Þú
kenndir mér svo margt, meðal
annars vinnusemi, kurteisi og út-
sjónarsemi. Og talandi um vinnu-
semi þá var það svo að þér féll
sjaldan verk úr hendi.
Í Grímsgerði var farið
snemma á fætur og seint að sofa.
Það var mikið að gera og ekki
minnkaði vinnan þín þegar þú
fórst að vinna í Vaglaskógi við
skógarhögg og tilfallandi störf
og þar að auki varstu bóndi.
Þetta mátti sjá á þínum vinnu-
lúnu höndum.
Þú gafst þér þó alltaf tíma yfir
sumartímann til að skreppa í
sund á Stórutjörnum eftir að bú-
ið var að ná saman heyjum til
þess að skola af okkur rykið og
slaka á í lauginni.
Við fórum líka oft yfir Vík-
urskarð eftir gamla veginum og
á sjó inn í Ystu-Vík á bátnum
hans Sigga á handfæri til að ná í
fisk í soðið, þú gerðir að honum,
hengdir síðan upp og úr varð
þessi dýrindis signi fiskur. Það
var aldrei langt í spaugið og
hrekkina og það var ekki sjaldan
þegar þú komst úr fjósinu eða
fjárhúsunum að þú smelltir kossi
á mömmu og upp úr brjóstvas-
anum á skyrtunni þinni kíkti lítil
mús okkur til hláturs en mömmu
til ama.
Það var mér mikils virði að
geta leitað til ykkar mömmu
þegar eitthvað kom upp á og við
þurftum góð ráð eða faðmlag.
Við vissum svo sem í hvað
stefndi þegar þú veiktist og þú
undirbjóst það en að missa þig
sem pabba og minn besta vin er
þyngra en tárum taki.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson.)
Minning þín lifir um allar góðu
og skemmtilegu stundirnar sem
við fjölskyldan áttum saman og
ég veit að nú líður þér vel innan
um alla hina englana.
Þinn elskulegi sonur,
Sigurður Baldvin Holm.
Elsku afi, við sitjum hérna
saman systkinin og rifjum upp
allar minningarnar sem við eig-
um úr sveitinni og Skessugilinu.
Við áttum svo ótrúlega margar
góðar stundir með ykkur ömmu
og eru þær stundir nú orðnar
dýrmætar minningar sem hlýja
okkur um hjartarætur.
Við bræðurnir eyddum ófáum
dögunum í sveitinni hjá ykkur
ömmu þar sem við brölluðum
ýmis prakkarastrik en fengum
þó sjaldan einhverjar skammir
fyrir. Okkur eru minnisstæð
laugardagskvöldin þegar við
söfnuðumst öll frændsystkinin
ásamt þér og ömmu saman fyrir
framan sjónvarpið í stofunni og
áttum þar gæðastundir.
Þú áttir alltaf til ópal eða mola
til að lauma að okkur, líka þegar
við vorum orðin fullorðin og farin
að koma með okkar eigin börn í
heimsókn til ykkar í Skessugilið.
Og þótt amma hafi alltaf séð um
að setja kræsingar á borðin bjóst
þú til besta kakó sem við vitum
um handa okkur. Alltaf þegar þið
amma komuð í heimsókn til okk-
ar komst þú alltaf með súkku-
laðisnúða, kringlur og glassúr-
köku með kaffinu.
Þú varst okkur og börnunum
okkar ótrúlega góður afi og
langafi, við erum svo þakklát fyr-
ir allar stundirnar sem við áttum
saman og dáumst að því hvað þú
varst duglegur að mæta í öll af-
mæli og boð sama hvernig viðr-
aði eða hvort þú værir hress. Við
lofum að halda uppi minningunni
um þig og ömmu um ókomin
tíma.
Þín afabörn og fjölskyldur,
Ásgeir Þór Sigurðsson,
Alfreð Örn Sigurðsson,
Stefán Ari Sigurðsson og
Sandra Ósk Holm Sigurð-
ardóttir.
Elskulegi afi minn og nafni,
Jóhannes Helgi Gíslason, hefur
fengið hvíldina og er kominn til
konu sinnar Ásgerðar Lilju Sig-
urlínu Fanneyjar Holm.
Elsku afi, þegar ég fékk sím-
talið um að komið væri að
kveðjustund var það svo óraun-
verulegt, það er svo sárt að
hugsa til þess að þú sért farinn.
Þegar ég hugsa um allar
stundir sem við áttum heima í
Grímsgerði og gegnum lífið þá
koma orð eins og þakklæti, vænt-
umþykja og virðing upp í hug-
ann. Ég er svo óendanlega þakk-
látur fyrir þá fallegu og góðu
samleið sem við höfum átt saman
síðan amma kvaddi okkur fyrir
fimm árum. Það var svo aðdáun-
arvert að sjá hvað þú varst
sterkur og gafst okkur mikla
huggun og styrk gegnum það
erfiða ferli. Það var skrítið að
koma fyrst um sinn til þín í
Skessugilið en þegar ég kom í
heimsókn fór ég alltaf með
stærri og betri mynd af þinni
æsku og hvernig lífið var í gamla
daga. Sumar sögunar voru ótrú-
legar og fannst mér alveg stór-
merkilegt að þú, elsku afi, hafir
búið í torfbæ til 14 ára aldurs,
þangað til þú fluttir í steinhús
sem er Grímsgerði í dag.
Út á við varstu stór og sterk-
ur, hörkutól og stundum skap-
mikill en þegar við sátum tveir
saman fékk ég að sjá hinn eina,
sanna, góða, ljúfa mann sem þú
hafðir að geyma. Þar náði ég svo
góðri og sterkri tenginu við þig.
Þú hafðir alltaf áhuga á hvað
fólkið þitt væri að gera og varst
með allt á hreinu til síðustu
stundar.
Grímsgerði var mitt stærsta
og best byggða virki í heiminum
sem verndaði mig og þar varst
þú minn sterki virkisstjóri. Þeg-
ar ég var hjá ykkur ömmu í
sveitinni gat ég sett allar varnir
niður og þá fékk ég loksins að
vera ég, þú tókst mér eins og ég
var. Við áttum ófáar stundir
saman að spila á spil inni í stofu
meðan amma prjónaði eða hekl-
aði. Þú kenndir mér að spila hin
ýmsu spil og eftir að þú kenndir
mér mannganginn tefldum við
líka. Þú hvattir mig til að ganga í
Skákfélag Akureyrar sem ég
gerði við ágætan árangur.
Þær voru ófáar ferðirnar sem
þú komst og náðir í mig, annað
hvort að sveitaafleggjaranum
eða þú keyrðir alla leið til Ak-
ureyrar og sóttir mig í Vana-
byggðina svo ég gæti átt stund í
sveitinni. Sumar helgar þegar þú
varst í fríi frá Vaglaskógi fékk ég
að fara og aðstoða þig í skóg-
arreit Sigga Gúm sem var aust-
anmegin við Fnjóská. Ég gerði
nú kannski ekki mikið gagn en
fannst mikið sport að vera með
þér og þar voru engin vettlinga-
tök. Þú varst skynsamur og hafð-
ir öryggið númer eitt, tvö og
þrjú. Passaðir að maður væri á
réttum stað þegar þú varst að
saga niður risa tré, varst með
stóran vinnuhjálm og góða hlífð-
arhanska.
Alveg sama hvar við vorum
brasa í sveitinni, hvort sem við
vorum tveir eða fleiri barnabörn
með, passaðir þú alltaf upp á ör-
yggi okkar og að við færum okk-
ur ekki að voða. Ég hef það frá
þér, skilning á mikilvægi öryggis
og þess að fara eftir verkferlum,
þegar ég er í vinnu minni í dag í
fluginu.
Elskulegi afi minn, nú er kom-
ið að kveðjustund að sinni. Frá
mínum dýpstu hjartarótum
þakka ég þér fyrir allan þann
stuðning og góðu stundirnar sem
við áttum saman Hvíl þú í friði.
Þinn, yngri
Jóhannes Helgi Gíslason.
Komið er að leiðarlokum hjá
móðurbróður mínum, Jóhannesi
Gíslasyni.
Ég kynntist Jóa frænda
snemma og var marga sumar-
parta í sveit hjá honum. Gríms-
gerði var í þá daga hefðbundið
sveitaheimili, þar sem mikið var
lagt upp úr vinnusemi og dugn-
aði.
Mér leið vel þarna og fannst
ég vera einn af fjölskyldunni,
mikil gestrisni og húsmóðirin
Lilja einstaklega kærleiksrík og
barngóð. Það hvessti stundum
snögglega í kringum Jóa, en
lygndi jafn hratt.
Barnshjarta mitt var fljótt að
skynja hið góða hjarta sem hann
hafði til að bera, undir stundum
hrjúfu yfirbragði.
Það gekk á ýmsu í sveitinni,
og er mér minnisstætt hvað Jóa
var skemmt þegar hann þurfti að
draga mig á traktornum upp úr
fjóshaugnum eitt sumarið. Ég
var nokkuð fljóthuga eins og ég
átti ætt til, og ætlaði að stytta
mér leið í eltingaleik við kvígu.
Mér eru einnig minnisstæðar
ferðirnar á fótboltaæfingar á
sumrin, en þá lét Jói gjarnan
gamminn geisa á sléttum mold-
arvegi.
Hann var afburða bílstjóri
eins og Jón bróðir hans, og aldrei
vissi ég til að honum hlekktist á.
Leiðir skildi eins og gengur,
en við fluttum báðir til Akureyr-
ar á ákveðnum tímapunkti og
tengdumst þá aftur. Ég fór að
taka Jóa á sjóinn með mér af og
til, en það var líf hans og yndi.
Eftir að eiginkona hans, Ás-
gerður Lilja, féll frá 2013, fórum
við að fara í heimsóknir til gam-
alla ættingja á sumrin. Þar var
Jói hrókur alls fagnaðar, enda
trúr uppruna sínum og frænd-
rækinn vel.
Hann var nægtabrunnur fróð-
leiks, og hafði með eindæmum
gott minni. Jói hélt vel líkamleg-
um og andlegum styrk til loka,
og fór síðast með mér á sjó tæp-
lega 84 ára gamall.
Ég kveð kæran frænda með
þakklæti fyrir allar ánægju-
stundirnar, og votta aðstandend-
um samúð mína.
Þórir Páll Agnarsson.
Jóhannes Helgi
Gíslason
✝ Elías Berg-mannsson
fæddist á Ísafirði 1.
desember 1962.
Hann lést á Land-
spítalanum í Foss-
vogi 30. ágúst
2018.
Foreldrar Elías-
ar voru hjónin
Bergmann S. Þor-
móðsson, skip-
stjóri, f. 28. júní
1916, d. 20. nóvember 1989, og
Kristjana Margrét Ólafsdóttir,
húsmóðir, f. 17. júlí 1917, d. 25.
maí 2006. Systur
Elíasar eru Soffía,
f. 9 september
1951, og Ólöf, f. 31.
maí 1957.
Elías fluttist árið
1968 á Skálatún í
Mosfellsbæ og bjó
þar alla tíð síðan,
síðustu árin á litlu
sambýli í Fögru-
hlíð.
Útför Elíasar fer
fram frá Lágafellskirkju í dag,
7. september 2018, og hefst at-
höfnin klukkan 14.
Elsku Elli.
Það er sárt að kveðja þig elsku
frændi, eftir öll erfiðu veikindin
þín ertu búinn að fá hvíld, ég
hugga mig við það að amma og
afi hafa tekið vel á móti þér með
útbreidda arma.
Fyrstu minningarnar sem
koma upp í hugann eru öll jólin
sem við fjölskyldan áttum saman
í Smiðjugötunni, amma og afi og
þið systkinin. Ein af minningun-
um er þegar ég var bara mjög lít-
il og óþolinmóð, en þú alltaf svo
rólegur og ekki að flýta þér að
hlutunum. Við börnin vorum far-
inn að tipla á tánum á meðan þú
fægðir nánast hnífapörin þegar
þú varst að þurrka þau eftir mat-
inn og við að bíða eftir að fá að
opna pakkana sem við máttum
gera þegar þú værir búinn að
klára að þurrka leirtauið. Ekki
leist þér á það þegar systurnar
laumuðust og þurrkuðu smá til
að flýta fyrir vegna óþolinmæði
okkar.
Eins eru það minningarnar
þegar við fórum með ykkur
ömmu inn í Dagverðardal og
kapphlaupið út að hliði, ekki
vannstu þá en ef það hefði verið
hundur á eftir þér þá hefðum við
ekki haft roð í þig, elsku frændi.
Svo er það ferðin okkar til
Hveragerðis, þegar ég og þú
ásamt Sigga og Jönu fórum í
Eden til að borða. Þú fékkst
uppáhaldið þitt, hamborgara,
franskar og kók, en það var samt
eitthvað sem ekki var eins og það
átti að vera.
Þú settir upp svip sem við
þekktum og þýddi að eitthvað
vantaði, eftir smá athugun þá var
það bjórinn sem maðurinn á
næsta borði var með, auðvitað
vildir þú alveg eins. Þá þýddi
ekkert annað en að kaupa litla
bjórflösku svo þú myndir borða
matinn, ég hellti smá úr henni í
glas sem þú drakkst kannski
einn sopa af og labbaðir svo um
Eden með flöskuna, hálf skakkur
(góður leikari). Við skoðuðum
blómin sem þér fannst alltaf
gaman að gera. Þegar við vorum
svo að fara í bílinn, sem var nú
frekar lítill og þú hálf stirður að
setjast svona langt niður, vildir
þú halda með báðum höndum til
að styðja þig við bílinn en þá var
blessuð bjórflaskan fyrir og benti
ég þér á að láta Jönu systur
halda á henni. Eitthvað var nú
bogið við það, þú leist á Jönu og
svo flöskuna, tókst svo einn stór-
an sopa og réttir henni svo tóma
flösku, eftir það var hægt að setj-
ast inn í bílinn.
Svo vorum við á sama tíma í
Borgarholtsskóla, þú að læra
matreiðslu og á tölvur, ég að
læra rennismíði. Heyrði ég að
þér hefði nú þótt matreiðslan
skemmtilegri og stundum mætt
bara í þá tíma þar sem tölvurnar
voru ekki að slá í gegn, en matar-
ástin var töluvert meiri.
Það er svo gott að eiga minn-
ingar um yndislega glottið og
brosið þitt, sem þú náðir oft að
blikka marga með, t.d. mig þegar
við fórum saman frá Ísafirði til
Reykjarvíkur, þá varstu ekki
lengi að blikka frænku með því
að fá eina litla Baileys-flösku á
leiðinni heim á Skálatún, sem þú
fékkst svo einstaka sinnum lítið
staup af.
Elsku Elli, komið er að
kveðjustund, við munum hittast
aftur síðar í fjaskalandi. Ég vil
þakka þér fyrir allar góðu stund-
irnar sem við höfum átt saman
og fyrir þína yndislegu nærveru.
Minning um góðan frænda lifir.
Ragnhildur Einarsdóttir.
Elías
Bergmannsson
Ástkær móðir okkar, tengdamóðir, amma
og langamma,
ANNA ÁGÚSTSDÓTTIR,
Höfðabraut 3,
Hvammstanga,
lést á Heilbrigðisstofnun Vesturlands,
Hvammstanga, fimmtudaginn 30. ágúst.
Útförin fer fram frá Hvammstangakirkju föstudaginn
14. september klukkan 14.
Helga Hreiðarsdóttir Daníel Karlsson
Bára Guðbjartsdóttir Jón Haukdal Kristjánsson
barnabörn og barnabarnabörn
Móðir okkar,
VALDÍS GUÐMUNDSDÓTTIR
frá Þorgrímsstöðum, V-Hún.,
Kambahrauni 21, Hveragerði,
lést á Hjúkrunarheimilinu Ási í
Hveragerði þriðjudaginn 21. ágúst.
Útför hennar hefur farið fram í kyrrþey að ósk hinnar látnu.
Þökkum auðsýnda samúð.
Guðmundur Jónsson
Guðni Óskar Jónsson
og aðrir aðstandendur
Faðir okkar og tengdafaðir,
STEFÁN KEMP,
Skagfirðingabraut 23,
Sauðárkróki,
lést þriðjudaginn 4. september.
Útförin verður auglýst síðar.
Fyrir hönd aðstandenda,
Elísabet Kemp Jón F. Hjartarson
Helga Kemp Jean Gudemann
Kristbjörg Kemp Guðni Kristjánsson
Birna Kemp Ragnar G. Þórðarson
Ástkær móðir okkar, tengdamóðir, amma
og langamma,
HULDA INGER KLEIN KRISTJÁNSSON,
Hjallaseli 55, Reykjavík,
lést á Hjúkrunarheimilinu Seljahlíð
þriðjudaginn 4. september.
Sérstakar þakkir færum við starfsfólki Seljahlíðar fyrir frábæra
umönnun.
Brynja Jóhannsdóttir Elín Margrét Jóhannsdóttir
Hjördís Jóhannsdóttir Ottó Ragnar Jóhannsson
Pálmey Jóhannsdóttir Sophus Klein Jóhannsson
tengdabörn, barnabörn og barnabarnabörn