Morgunblaðið - 15.09.2018, Blaðsíða 52

Bónusferðin nefnist nýtt útvarps-
leikrit í tveimur hlutum eftir leik-
hópinn Kriðpleir sem flutt verður á
Rás 1 í dag kl. 14 og á sama tíma
eftir viku. Ragnar hefur ráðið sig til
að sækja óseld eintök af bókinni
Bakað úr súrdeigi í helstu Bónus-
búðir á landsbyggðinni. Ferðin fer
öll úr skorðum eftir að Ragnar leyf-
ir vinum sínum, Árna og Friðgeiri,
að fljóta með sér í sendibílnum.
Bónusferð Kriðpleirs
LAUGARDAGUR 15. SEPTEMBER 258. DAGUR ÁRSINS 2018
5 6 9 0 9 0 0 0 0 0 9 0 0
Í lausasölu 1.108 kr.
Áskrift 6.960 kr. Helgaráskrift 4.346 kr.
Pdf á mbl.is 6.173 kr. I-pad áskrift 6.173 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Stjarnan og Breiðablik mætast í
kvöld í úrslitaleik Mjólkurbikars
karla í knattspyrnu á Laugardals-
velli. Breiðablik getur þar með unn-
ið tvöfalt í bikarkeppnum KSÍ í
sumar en kvennalið félagsins vann
bikarinn í síðasta mánuði og var úr-
slitaleikurinn einmitt gegn Stjörn-
unni. Baldur Sigurðsson getur orð-
ið bikarmeistari í fimmta sinn. »1
Breiðablik getur unnið
tvöfaldan bikarsigur
Sinfóníuhljómsveit Íslands býður til
Barnastundar í Hörpuhorni í Hörpu
fyrir yngstu hlustendurna í dag,
laugardag, kl. 11.30. Á tónleikunum
hljóma sígildir gullmolar í bland við
kraftmikil lög. Sérstakur gestur á
þessari fyrstu Barnastund vetrar-
ins er trúðurinn Barbara sem Hall-
dóra Geirharðs-
dóttir túlkar.
Barnastundin er
um hálftíma
löng og er að-
gangur ókeyp-
is.
Barbara leiðir barna-
stund í Hörpu í dag
ÍÞRÓTTIR FÓLK Í FRÉTTUM
Þór Steinarsson
thor@mbl.is
„Ég kalla hann stundum litla fer-
fætta loðna einkaþjálfarann minn.
Ástæða þess að hann er hérna er að
hann þarf að fá hreyfingu reglulega
og ég þarf þess líka. Ég sit við tölv-
una meira og minna allan daginn og
ég þarf að hreyfa mig,“ segir Friðrik
Skúlason tölvunarfræðingur um
hundinn sinn í samtali við Morgun-
blaðið.
Friðrik hefur átt tvo hunda og
hefur tekið þá með sér í vinnuna síð-
astliðin 15 ár. Hann segir að fyr-
irkomulagið sé mjög hentugt fyrir
menn og dýr.
„Gallinn við svona kyrrsetuvinnu
er að maður fær ekki nægilega
hreyfingu og þá er stór hjálp í því að
hafa hund sem kemur reglulega og
potar í mann ef honum leiðist eða ef
honum finnst ég sitja of lengi fyrir
framan tölvuna. Þá kemur hann og
otar trýninu að mér þangað til hann
fær athygli,“ útskýrir Friðrik.
„Þetta byrjaði allt fyrir 15 árum
þegar þáverandi samstarfsmaður
minn mætti með hvolpinn sinn í
vinnuna. Hann sagði mér að hvolp-
inn hefði hann fengið gefins og það
væru fimm hvolpar eftir úr gotinu
sem yrði lógað ef enginn vildi eiga
þá. Þannig að ég og frúin skruppum
í bíltúr austur fyrir fjall og komum
heim með lítinn hvolp í pappakassa,“
rifjar Friðrik upp.
Á þeim tíma áttu Friðrik og eig-
inkona hans fyrirtækið þar sem þau
unnu bæði. Það gat því enginn bann-
að þeim að taka hvolpinn með í vinn-
una.
„Það var ekkert vandamál að hafa
hvolpinn í vinnunni. Það var pínulítið
erfitt í upphafi þegar hann var að
læra að það mátti ekki pissa á starfs-
mennina og þess háttar en það kom
nú fljótlega,“ segir Friðrik hlæjandi.
Sá hundur hét Tryggur og hann
fylgdi Friðriki í 13 ár eða alla tíð
þangað til hann drapst. Fyrir nokkr-
um árum tók Friðrik við öðrum
hundi frá dóttur sinni og var því með
tvo hunda í vinnunni hjá sér á tíma-
bili.
„Núna er bara þessi yngri vitleys-
ingur með mér á daginn, sá heitir
Torres. Það var fyrrverandi kærasti
dóttur minnar sem skírði hann eftir
spænskum knattspyrnumanni. Ég
hef hvorki vit né áhuga á fótbolta en
hann hélt nafninu þegar ég tók við
honum. Núna er hann þó opin-
berlega skírður í höfuðið á ágætis
léttvínsframleiðanda frá Spáni. Það
finnst mér miklu skemmtilegra,“
segir Friðrik sposkur.
Torres liggur úti við glugga í
vinnunni hjá Friðriki á milli þess
sem hann viðrar Friðrik og tekur við
heimsóknum frá börnum starfs-
manna.
„Svo eru hundar líka góðir fyrir
sjálfsmyndina. Þeir líta alltaf upp til
manns og finnst húsbóndinn vera
það stærsta og æðislegasta í heim-
inum. En það þarf að hafa tíma fyrir
þá. Fólk á ekki að eiga hund nema
það hafi tíma til að sinna honum,“
segir Friðrik að lokum.
Morgunblaðið/Eggert
Vinir Friðrik Skúlason og Torres eru bestu vinir. Torres passar að Friðrik gleymi ekki að hreyfa sig.
Hefur tekið hundinn
með í vinnuna í 15 ár
 Hundar eru félagsverur  Torres einkaþjálfari Friðriks