Morgunblaðið - 19.09.2018, Side 11

FRÉTTIR 11Innlent
MORGUNBLAÐIÐ MIÐVIKUDAGUR 19. SEPTEMBER 2018
Álfheimum 74, 104 Rvk, sími 568 5170
Verið velkomin
• Bolir
• Túnikur
• Blússur
• Peysur
• Vesti
• Jakkar
• Buxur
1988 - 2018
Nýjar glæsilegar
haustvörur
Eigum alltaf vinsælu bómullar- og
velúrgallana í stærðum S-4XL
N Ý F O R M
h ú s g a g n a v e r s l u n
Strandgötu 24 | 220 Hafnarfjörður | Sími 565 4100 | nyform.is
Filippa borðstofuhúsgögn
Opið virka daga
11-18
laugardaga
11-15
Komið og skoðið úrvalið
Sigurður Bogi Sævarsson
sbs@mbl.is
Mikill kostnaður við uppbyggingu
hreinsistöðva, fráveitu og tengdra
mannvirkja er meginástæða þess
hve há fasteignagjöld í Borgarbyggð
eru. Byggðastofnun birti á dögunum
samanburð á heildarálagningu fast-
eignagjalda í 26 sveitarfélögum á
landinu. Þar er Borgarbyggð í 2.
sæti. Gjöld af fasteignum eru annars
sett saman úr nokkrum þáttum og
þar á meðal fráveitugjaldi, sem
hvergi er hærra á landinu en í Borg-
arbyggð.
Fjárfest fyrir 8,5
milljarða króna
„Þetta á sínar skýringar,“ segir
Gunnlaugur A. Júlíusson sveitar-
stjóri í samtali við Morgunblaðið.
Hann vísar til þess að árið 2006
keypti Orkuveita Reykjavíkur allan
veiturekstur Borgarbyggðar. Var þá
ljóst að fara þyrfti í dýrar endur-
bætur á veitukerfinu sem sveitar-
félagið hafði ekki bolmagn til að fara
í. Hefur OR, nú Veitur, síðan end-
urbyggt fráveitur og byggt dælu- og
hreinsistöðvar í Borgarnesi, á
Hvanneyri, Kleppjárnsreykjum og
Bifröst. Er samanlagður kostnaður
við þessar framkvæmdir nú orðinn
um 8,5 milljarðar króna og fráveitu-
málin komin í gott horf.
Álagður fasteignaskattur í Borg-
arbyggð í A-flokki sem íbúðar-
húsnæði tilheyrir
er 0,45% af fast-
eignamati á
hverjum tíma.
Þessi skattur
rennur til sveitar-
félagsins. Álagn-
ingarhlutfall
fasteignaskatts
er heldur lægra
en víða gerist á
landsbyggðinni.
Það eru hins vegar aðrir þættir sem
hækka gjöldin í heild sinni. Þannig
var fráveitugjald í Borgarbyggð 516
kr. á hvern fermetra íbúðar-
húsnæðis þar á árinu 2017, saman-
borið við 390 kr. til dæmis á Akra-
nesi og í Reykjavík, sem einnig eru á
starfssvæði Veitna.
Þá var vatnsgjald á hvern fer-
metra íbúðarbygginga í Borgarnesi
296 krónur en 203 krónur í fyrr-
nefndu sveitarfélögunum tveimur.
Hækkun skatta
fylgi fasteignamati
„Auðvitað ætti að vera sanngirnis-
mál að fasteignagjöldin, það er frá-
veitu- og vatnsgjöldin, væru hin
sömu á öllu starfssvæði Veitna. Sú
ákvörðun snýst um pólitískan vilja
þeirra sem stýra Orkuveitu Reykja-
víkur en er ekki á valdi okkar í Borg-
arbyggð. Á hinn bóginn hefur sveit-
arstjórn lagt áherslu á að álagning
fasteignaskatts í Borgarbyggð verði
í samræmi við hækkun fasteigna-
mats í sveitarfélaginu við gerð fjár-
hagsáætlunar þess fyrir næsta ár
þannig að skattbyrði aukist ekki. Sú
vinna er nú þegar hafin,“ segir
Gunnlaugur.
Mál þetta var til umfjöllunar á síð-
asta fundi sveitarstjórnar Borgar-
byggðar. Samstaða ríkir um afstöðu
sveitarstjórnar um þetta mál. Hall-
dóra Lóa Þorvaldsdóttir, formaður
byggðarráðs og fulltrúi Borgar-
byggðar í stjórn OR, lagði áherslu á
í umræðum um málið að eðlilegt
væri að sterk fjárhagsstaða Veitna
væri notuð til að lækka fráveitu- og
vatnsgjald í Borgarbyggð með líku
lagi og gert hefði verið í Reykjavík
og á Akranesi. Guðveig Eyglóardótt-
ir, fulltrúi minnihlutans, hvatti til að
meirihlutinn og fulltrúar hans
myndu beita sér af festu fyrir því að
gjaldskrá OR vegna vatns- og frá-
veitu verði sambærileg og á öðrum
veitusvæðum fyrirtækisins. Það
væri mikilvægt svo sveitarfélagið
yrði samkeppnishæft við aðrar
byggðir hvað álögur varðaði.
Morgunblaðið/Sigurður Bogi
Borgarnes Fráveitumál í sveitarfélaginu eru komin í lag og þess sér stað í gjöldum sem greidd eru af fasteignum.
Fráveituframkvæmdir
skýra há fasteignagöld
 Borgarbyggð í 2. sæti  Gjöldin verði
þau sömu á öllu starfssvæði Veitna
Gunnlaugur
A. Júlíusson
Ekkert samráð var haft við stjórn-
völd hér á landi þegar bandaríska
varnarmálaráðuneytið undirritaði á
sunnudaginn viljayfirlýsingu um að
leggja fram fjármuni til uppbygg-
ingar á mannvirkjum á Grænlandi
með það fyrir augum að styrkja
stöðu Bandaríkjanna og Atlants-
hafsbandalagsins á norðurslóðum.
Þetta segir Sveinn H. Guðmars-
son, blaðafulltrúi utanríkisráðu-
neytisins. Hann segir jafnframt að
áformin hafi engin áhrif á umsvif
bandaríska hersins á Keflavíkur-
flugvelli, en þar á að byggja stórt
flugskýli og viðhaldsstöð fyrir kaf-
bátaleitarflugvélar.
Í yfirlýsingu varnarmálaráðu-
neytisins segir að áhugi sé á því að
fjárfesta á Grænlandi í því skyni að
stuðla að auknu svigrúmi Banda-
ríkjahers til þess að grípa til að-
gerða og afla upplýsinga um stöðu
mála innan þess með það fyrir aug-
um að geta brugðist við breyttri
stöðu öryggismála á norðurslóðum.
Vilji sé til þess að setja mikla fjár-
muni í slíkar fjárfestingar á Græn-
landi. Þar á meðal fjárfestingar
sem nýtist bæði til varnarmála og
borgaralegrar starfsemi.
Tekið er sem dæmi í þeim efnum
að varnarmálaráðuneyti Bandaríkj-
anna hafi áhuga á að fara í grein-
ingarvinnu á því hvar sé ástæða til
þess að fjárfesta í verkefnum
tengdum flugvallarmannvirkjum á
Grænlandi. Slíkar fjárfestingar
væru hugsaðar til þess að styrkja
möguleika Bandaríkjanna og
NATO til þess að grípa til aðgerða
á Norður-Atlantshafi og Bandaríkj-
unum, Danmörku og íbúum Græn-
lands til hagsbóta.
Vivian Motzfeldt, utanríkisráð-
herra Grænlands, segir að þarlend
stjórnvöld fagni áhuga Bandaríkja-
manna á að fjárfesta í vörnum
landsins og séu reiðubúin að hefja
viðræður við bandaríska ráðamenn
um frekari útfærslu á slíkum fjár-
festingum. Hliðstæð sjónarmið eru
höfð eftir Anders Samuelsen, utan-
ríkisráðherra Danmerkur, sem
leggur áherslu á gott varnarsam-
starf Bandaríkjanna og Danmerk-
ur. Claus Hjort Frederiksen, varn-
armálaráðherra Dana, segir þörf á
aukinni viðveru og eftirliti á norð-
urslóðum vegna vaxandi umferðar
þar og aukins mikilvægis svæðis-
ins.
Ljósmynd/Wikipedia
Varnir Þörf er talin á auknum varnarviðbúnaði NATO á Grænlandi.
Auka hernað-
arumsvif sín
 Til greina kemur að Bandaríkjaher
fjárfesti í flugvöllum á Grænlandi