Morgunblaðið - Sunnudagur - 22.09.2018, Blaðsíða 8

Í PRÓFÍL
8 MORGUNBLAÐIÐ SUNNUDAGUR 23.9. 2018
UTAN VALLAR Eftir 15 ár í NBA-deildinni er
James enn einn besti leikmaður heims og á
að margra mati tilkall til heiðursnafnbót-
arinnar sá besti allra tíma.
James skrifaði undir samning hjá Los Ang-
eles Lakers í sumar og mun hann hefja leik
með liðinu í byrjun næsta tímabils.
Hann hefur þó einnig látið til sín taka utan
vallar. James lék í kvikmyndinni Trainwreck,
þar sem hann gaf gamanleikurunum Amy
Schumer og Bill Hader ekkert eftir.
James gerði sér lítið fyrir og opnaði skóla í
uppeldisbæ sínum, Akron í Ohio, sem mun
bera nafnið I Promise-skólinn. Skólinn er
hannaður fyrir ungmenni í áhættuhópi og
leggur áherslu á stuðning við bæði nemendur
og fjölskyldur þeirra. Auk þess að veita nem-
endum skólans menntun hefur James fjárfest
í hjólum fyrir alla nemendur skólans og heitið
því að allir sem útskrifast fái skólagjöld sín
niðurgreidd í Akron-háskóla kjósi þau að leita
sér frekari menntunar. I Promise-skólinn er í uppeldisborg James, Akron í Ohio.
AFP
Stofnaði skóla í heimabænum
LEBRON JAMES Árið 2003 steig Lebron James inn á körfuboltavöll sem
leikmaður Í NBA-deildinni í fyrsta sinn. Hann hafði verið langbesti og um-
talaðsti leikmaður bandaríska menntaskólaboltans í tæp þrjú ár og var þeg-
ar hálfgerð stórstjarna í heimaríki sínu, Ohio, þegar hann gekk til liðs við
heimalið sitt, Cleveland Cavaliers, eftir að hafa verið valinn fyrstur í nýliða-
vali NBA-deildarinnar 2003. James leit þegar út eins og fullmótuð körfu-
boltastjarna í sínum fyrsta leik sem atvinnumaður – aðeins átján ára gam-
all, yfir tveir metrar á hæð og rúm 100 kíló – og skoraði 25 stig og festi sig
í sessi sem efnilegasti nýliði í sögu NBA-deildarinnar.
Væntingarnar til James voru miklar, nær ómögulegar. Hann var hinn út-
valdi, undrabarnið, ekki leið á löngu þar til James fékk viðurnefnið Kóng-
urinn í Cleveland, eða í síðari tíð einfaldlega: Kóngurinn.
Frægðarstjarna James reis hratt, á sínu fyrsta tímabili sem atvinnumað-
ur var hann nefndur nýliði ársins og ári síðar
hreppti hann sæti í stjörnuliðinu, aðeins nítján ára
gamall. Hann varð nær samstundis vendipunkturinn
í sóknarleik Cleveland-liðsins, en þrátt fyrir sögu-
lega frammistöðu stjörnunnar ungu náði liðið ekki
góðum árangri í NBA-deildinni og tókst stjórn-
endum liðsins ekki að umkringja James með nægi-
lega góðum leikmönnum til að vinna titil.
Eftir að hafa verið nefndur verðmætasti leik-
maður deildarinnar tvö ár í röð ákvað James að
endurnýja ekki samning sinn við Cleveland Caval-
iers árið 2010 og varð í kjölfarið eftirsóknarverðasti
leikmaður deildarinnar. Það var ekki fyrr en mánuði
síðar sem James tilkynnti, í dramantískri útsendingu
á ESPN sem fékk nafnið Ákvörðunin, að hann myndi
„taka hæfileika sína til suðurstrandarinnar“ og
ganga til liðs við Miami Heat.
Ákvörðunin olli miklu fjaðrafoki og var James
gagnrýndur harðlega, annars vegar vegna þess að
fjölmargir aðdáendur töldu hann hafa svikið heimalið
sitt, en hins vegar vegna þess að James gekk til liðs
við aðrar tvær stjörnur í NBA-deildinni, Dwayne
Wade og Chris Bosh, en saman áttu þeir eftir að
mynda hina svokölluðu „Stóru 3“ í Miami.
petur@mbl.is
ÓVINSÆLL Í kjölfar ákvörðunar
um að yfirgefa Cleveland 2010
varð James að einum óvinsælasta
körfuboltamanni Bandaríkjanna.
Fyrrverandi aðdáendur brenndu
treyjur hans og þegar hann hóf
leik með Miami var baulað á hann.
James átti í erfileikum með að
venjast sínu nýja hlutverki sem
helsta illmenni körfuboltans, en
eftir tap í úrlitaleik deildarinnar á
fyrsta ári sínu í Miami ákvað hann
að leggja enn meiri áherslu á að
bæta sig og njóta þess að spila
körfubolta. Í kjölfarið leiddi hann
Miami Heat til tveggja meist-
aratitla í röð.
Skúrkur
deildarinnar
Lebron James vann tvo NBA-titla með Miami Heat.
AFTUR HEIM Árið 2014 gekk
James til liðs við Cleveland Caval-
iers á ný, en liðið hafði verið eitt
það allra versta í deildinni síðan
hann yfirgaf það fjórum árum fyrr.
Ólíkt fyrri félagsskiptum James
féll brottför hans frá Miami í
kramið hjá áhorfendum og koma
annarrar stjörnu, Kevins Loves,
varð til þess að aðdáendur í
Cleveland fylltust bjartsýni á ný.
James olli Cleveland-búum ekki
vonbrigðum. Hann ásamt Love og
hinum unga og efnilega Kyrie Irv-
ing komst í úrslit deildarinnar á
fyrsta ári eftir komu James. Þeir
biðu lægri hlut fyrir Golden State
Warriors, með Stephen Curry í
fararbroddi, en ári síðar sigruðu
þeir Curry og félaga og unnu
fyrsta NBA-titil í sögu liðsins.
Cleveland komst í úrslit fjórum sinn-
um í röð eftir að James sneri aftur.
AFP
Hetja
Cleveland
Kóngurinn frá
Cleveland
James hefur
keppt í úrslita-
leik NBA-
deildarinnar
átta sinnum í
röð.
AFP
James mun spila
sinn fyrsta leik með
Los Angeles Lakers
í október og ríkir
mikil eftirvænting
meðal stuðnings-
manna liðsins.
’Hann var hinn útvaldi,undrabarnið, ekki leiðá löngu þar til James fékkviðurnefnið Kóngurinn í
Cleveland, eða í síðari tíð
einfaldlega: Kóngurinn.
James er gjarnan í umræðunni um
bestu körfuboltaleikmenn allra tíma.
Hulda B. Ágústsdóttir Margrét Guðnadóttir
Íslensk hönnun - Íslenskt handverk
Vesturgötu 4, 101 Reykjavík, s. 562 8990
www.kirs.is,
Kirsuberjatréð Íslensk Hönnun
Opið: Mán.-fös. 10-18, lau. 10-17, sun 10-17