Morgunblaðið - 04.10.2018, Side 64

64 MENNING
MORGUNBLAÐIÐ FIMMTUDAGUR 4. OKTÓBER 2018
Gullfiskur
Kæliþurrkaður harðfiskur
semhámarkar ferskleika,
gæði og endingu.
Inniheldur 84%prótein.
84% prótein - 100% ánægja
Framleiðandi: Tradex ehf, Eyrartröð 11, 220Hafnarfjörður, tradex@tradex.is
Harðfiskur // Bitafiskur // Skífur
Fullkominn
ferðafélagi
AF BÓKUM
Einar Falur Ingólfsson
efi@mbl.is
Það er sunnudagur í Delí og ekkert
ský á himni sem gæti mögulega
dempað brennandi hádegissólina;
hitamælirinn segir 34 og stígur
enn. En taktur hinna 26 milljóna
íbúa borgarinnar virðist ekkert
róast þrátt fyrir hitann; þegar kom-
ið er að Delí-hliðinu svonefnda,
einu af hinum gömlu hliðum á
borgarmúrnum sem á miðöldum
umlukti glæsta borg mógúlanna, þá
eru allrahanda farartæki – fjór-
þrí- og tvíhjóla – þar á mishraðri
fleygiferð með tilheyrandi flauti og
glamri, þarna fer skrúðganga
gegnum hringtorgið við hliðið með
hornablæstri, trumbuslætti og há-
værri ræðu á hindí sem er þrusað
úr rifnum hátölurum á vörubíl sem
leiðir marsinn, brotvélar verka-
manna sem eru að brjóta niður
veggi og rífa upp gangstétt eru æði
háværar og allsstaðar er gangandi
fólk á ferð. En á misgreiðfærum
gangstéttum og dyraskotum gatn-
anna sem ganga norður inn í gömlu
borgina og líka vestur frá hliðinu
má svo langt sem augað eygir sjá
fólk standa yfir bókum, blaða í bók-
um, ræða bækur og kaupa bækur.
Þetta er vikuleg uppákoma, sunnu-
dags bókamarkaðurinn í Daryag-
anj hverfinu. Markaður sem heima-
menn segja taka yfir um tveggja
kílómetra langan kafla. Og fjöldi
bókanna sem dreginn er þar fram í
viku hverri og reynt að selja hleyp-
ur á milljónum eintaka.
Þetta er draumamarkaður
áhugamanna um bækur – ef ís-
lenskir lesendur hafa á annað borð
áhuga á bókum á ensku eða öðrum
opinberum málum indverska mál-
svæðisins, hindí, úrdú og hinum
tuttugu opinberu málunum, og láta
ryk á skruddum ekki trufla sig –
því það er nóg af því þarna við mal-
bikaðar og rykugar göturnar í
einni menguðustu borg jarðar.
Ef indverskir bókaútgefendur
sendu árleg bókatíðindi inn á heim-
ili landsins eins og þeir íslensku
gera, þá er ólíklegt að sá doðrantur
kæmist inn um hefðbundna dyra-
lúgu. Indverski bókamarkaðurinn
mun vera sá sjötti stærsti á jörðinni
og útgefendur rúmlega níu þúsund
talsins. Samsetning bókanna sem
boðnar eru á Daryaganj-markað-
inum ber þess merki að þorri for-
laganna einbeitir sér að kennslu- og
fræðslu af ýmsu tagi en rúmlega
níuhundruð forlög gefa út bók-
menntir af ýmsu tagi, bækur, sem
þrátt fyrir gríðarstórt markaðs-
svæðið, einn komma þrjá milljarða
íbúa landsins, seljast flestar aðeins í
nokkur þúsund eintökum. En svo
eru alltaf einhverjar sem slá í gegn
og þá er talað um sölu sem hleypur
jafnvel á tugum milljóna seldra ein-
taka – og þær bækur verða jafn-
fram áberandi á markaðinum í end-
ursölu. Heilu fjöllin af sumum mátti
sjá þennan rykuga og góða bóka-
dag í gömlu Delí.
Staflar Alla sunnudaga, frá því snemma um morgun og fram á kvöld, eru
bóksalarnir að stafla bókunum, leita og gramsa með viðskiptavinum.
Reyrðar Sumir selja teiknimyndasögur, aðrir kokkabækur – sérhæfing
bóksalanna er umtalsverð – einhverjir halda bókastöflunum bundnum.
Ýmislegt Frá Rankin til McEwan – fjölbreytileikinn er mikill, sumir
sérhæfa sig í skáldsögum og verðið aðeins 15 krónur á bók.
Í rykinu Bóksalarnir vanda sig mismikið við frá-
ganginn, sumir hrúga varningnum bara upp.
Á götunni Námsmenn leita að ýmiss konar kennslubókum og bóksal-
ar reyna að aðstoða þá. Þeir segja ástarsögurnar líka sívinsælar.
Milljónir bóka
í sól og ryki
Morgunblaðið/Einar Falur
Heitar bækur Þrátt fyrir að margir bóksalanna strekki dúk yfir sig og bæk-
urnar, þá er heitt og suma syfjar meðan viðskiptavinir róta í skræðunum.