Morgunblaðið - 20.10.2018, Síða 18

18 FRÉTTIRInnlent
MORGUNBLAÐIÐ LAUGARDAGUR 20. OKTÓBER 2018
Guðni Einarsson
gudni@mbl.is
Sjóvá fagnar því í dag að 100 ár
eru liðin frá því að Sjóvátrygging-
arfélag Íslands, forveri Sjóvár, var
stofnað 20. október 1918. Það var
fyrsta íslenska tryggingafélagið
sem bauð upp á almenna vátrygg-
ingastarfsemi. Stofnendur félags-
ins voru aðallega athafnamenn í
Reykjavík. Þeirra á meðal var
Sveinn Björnsson, sem síðar varð
fyrsti forseti lýðveldisins. Stofnun
félagsins skömmu fyrir fullveldis-
daginn 1. desember 1918 þykir
táknræn fyrir vaxandi hug Íslend-
inga í sókn þeirra til sjálfstæðis á
sem flestum sviðum þjóðlífsins á
þessum tíma. Fram að stofnun
Sjóvátryggingarfélagsins höfðu Ís-
lendingar þurft að kaupa vátrygg-
ingar, nema brunatryggingar á
húsum og lausafé, af erlendum vá-
tryggingafélögum sem ráku hér
umboðsskrifstofur. Stofnun félags-
ins markaði því tímamót.
Styður við slysavarnir
Í fyrsta merki Sjóvátryggingar-
félags Íslands var teikning af
togaranum Jóni forseta RE 108,
en það var fyrsti togarinn sem var
smíðaður sérstaklega fyrir Íslend-
inga og kom til landsins árið 1907.
Togarinn strandaði við Stafnes á
Reykjanesi 1928. Þar tókst að
bjarga tíu mönnum úr áhöfninni
en fimmtán fórust. Sama ár var
Slysavarnafélag Íslands stofnað
sem síðar sameinaðist Landsbjörg.
Sjóvá hefur verið aðalstyrktaraðili
Slysavarnafélagsins Landsbjargar
frá sameiningu félaganna árið
1999.
Sjóvátryggingarfélag Íslands
helgaði sig sjóvátryggingum og
farmtryggingum til að byrja með.
Fyrsti vátryggingasamningurinn
var gerður um sjóflutninga 15.
janúar 1919 við Jóhann Ólafsson &
Co. og er hann enn í gildi 100
árum síðar. Líftryggingadeild
Sjóvátryggingarfélagsins var
stofnuð 1934 en þá var ekkert inn-
lent líftryggingafélag starfandi
hér. Árið 1937 hóf félagið að selja
bílatryggingar og í kjölfarið fylgdu
flugvélatryggingar, jarðskjálfta-
tryggingar, ferða- og slysatrygg-
ingar og rekstrarstöðvunartrygg-
ingar.
Sjóvátryggingarfélagið keypti
meirihluta í Hagtryggingu árið
1985 og var reksturinn sameinaður
ári síðar. Almennar tryggingar,
sem voru stofnaðar 1943, og
Sjóvátryggingarfélag Íslands sam-
einuðust svo árið 1989 í Sjóvá-
Almennar tryggingar hf. sem í
daglegu tali er nefnt Sjóvá.
Félagið keypti Húsatryggingar
Reykjavíkur hf. af Reykjavíkur-
borg árið 1996 og eignaðist
vátryggingarfélagið Ábyrgð hf. að
fullu, en félögin höfðu átt í sam-
starfi frá árinu 1991.
Rúmlega 1.200 hluthafar
Sigurjón Andrésson, markaðs-
stjóri Sjóvár, sagði að félagið hefði
lagað sig að þróun samfélagsins og
þörfum viðskiptavina og lagt
áherslu á að vera nútímalegt þótt
byggt sé á 100 ára grunni.
„Hlutverk félagsins hefur ekki
breyst, það er að vera bakhjarl
fólks og skapa því hugarró með
því að selja því vernd gegn
tjónum,“ sagði Sigurjón. „Við er-
um með ríflega fjórðungshlutdeild
á íslenskum tryggingamarkaði
þegar litið er til einstaklinga og
fyrirtækja. Reksturinn er traustur
og eignarhaldið stöðugt. Hermann
Björnsson forstjóri tók við stjórn
félagsins árið 2011 og hefur stjórn
þess að stærstum hluta setið frá
þeim tíma eða fyrr. Félagið er
skráð í kauphöll og eru hluthafar
rúmlega 1.200 talsins. Um 175
manns starfa hjá Sjóvá um allt
land.
Við erum stolt af stöðu okkar á
afmælisárinu. Sjóvá var valið
Fyrirtæki ársins 2018 í vinnu-
markaðskönnun VR, sem er sú
umfangsmesta á Íslandi, og við
leggjum mikla áherslu á að við-
halda starfsánægju innan fyrir-
tækisins. Við erum ánægð yfir að
vera í hópi fimm stærri fyrirtækja
sem fengu titilinn „framúrskarandi
fyrirtæki“. Félagið náði því einnig
að vera efst tryggingafélaga í
Ánægjuvoginni sem mælir ánægju
viðskiptavina á landsvísu. Þá vor-
um við efst fjármálafyrirtækja í
starfsánægju starfsfólks. Við vor-
um í hópi fyrstu fyrirtækja sem
fengu jafnlaunavottun VR og
stöndum framarlega á öllum mæli-
kvörðum sem viðkoma jafnrétti.“
Fyrsta íslenska tryggingafélagið
 Sjóvá er nútímalegt tryggingafélag
sem byggist á 100 ára gömlum grunni
Morgunblaðið/Eggert
Sjóvá 100 ára „Hlutverk félagsins hefur ekki breyst, það er að vera bakhjarl fólks og skapa því hugarró með því að
selja því vernd gegn tjónum,“ sagði Sigurjón Andrésson, markaðsstjóri Sjóvár.
Ljósmyndasafn Reykjavíkur/Karl Christian Nielsen
Gullfoss I Þjóðverjar kyrrsettu flaggskip Eimskipafélagsins í Kaupmannahöfn 1940. Sjóvá
greiddi skipið út. Það fannst eftir stríð illa farið í Kiel og hafði verið notað sem spítalaskip.
Ljósmyndasafn Reykjavíkur/Sveinn Þormóðsson
Lystadúnsbruninn Stórbruni varð í verksmiðju Lystadúns við Dugguvog í maí 1987. Starf-
semin var tryggð hjá Sjóvá og hófu fyrirtækin uppbyggingu um leið og slökkvistarfinu lauk.
Veðurstofan gaf í gær út gula við-
vörun sem nær til allra landshluta í
dag og sums staðar til morguns.
Víðast er spáð suðvestan hvass-
viðri, allt að 25 m/s, rigningu og
skúrum. Hvassast verður á Norð-
vesturlandi. Hviður geta orðið allt
að 40 m/s við fjöll.
Er almenningur hvattur til að
huga að lausamunum við híbýli sín.
Á höfuðborgarsvæðinu telur
Veðurstofan varhugavert að vera á
ferðinni með aftanívagna eða öku-
tæki sem taka á sig mikinn vind.
Einnig geti verið hvassir svipti-
vindar í efri byggðum og við háar
byggingar. Er fólk hvatt til að sýna
aðgát og ganga frá lausum munum
til að forðast tjón. Sams konar við-
vörun gildir fyrir miðhálendið.
Lögreglan á höfuðborgarsvæð-
inu tók undir viðvörun Veðurstof-
unnar í gærkvöldi. Spáð væri leið-
indaveðri, sannkölluðu „inniveðri“.
Minnt er á að ganga frá lausum
munum. „Enginn vill þurfa að út-
skýra fyrir nágrönnum sínum að
þetta sé þeirra trampólín eða sól-
bekkur sem hafi fokið af stað,“
segir á Facebook-vef lögreglunnar.
Veðurstofan með gula
viðvörun fyrir allt landið
Til sölu
Heildsölufyrirtæki
Til sölu er vel rekin skuldlaus heildsala sem selur vörur og
búnað til fyrirtækja í matvælaframleiðslu og sjávarútvegi.
Velta 420 m. EBITDA 35 m.
Nánari upplýsingar veittar á trúnaðarfundi
hjá Firma Consulting. Sími 896 6665.
Við vatnsverjum
flíkina þína
Traust og góð
þjónusta í 65 ár
Álfabakka 12, 109 Reykjavík, sími 557 2400,
www.bjorg.is • Opið alla virka daga kl. 8-18