Morgunblaðið - 23.10.2018, Side 14

14 FRÉTTIRInnlent
MORGUNBLAÐIÐ ÞRIÐJUDAGUR 23. OKTÓBER 2018
Dag einn verður
kominn tími á Miele.
Meðhöndlaðu leirtauið þitt á besta mögulega hátt
sem völ er á. Treystu Miele uppþvottavélum, sem
innihalda upprunalegu 3D hnífaparaskúffuna, til
verksins. Fyrir allt sem þér þykir virkilega vænt um.
Miele. Immer Besser.
Frítt þvottaefni
í 1 ár*
* Eirvík gefur frítt
þvottaefni í töfluformi,
15x20 Miele UltraTabs
Multi. Gildir frá
01.05.2018 –
30.04.2019 og er
ársnotkun miðuð við
300 þvotta á ári.
miele.com
Veronika Steinunn Magnúsdóttir
veronika@mbl.is
„Þetta er í annað skiptið sem ég lendi
í svona skæðum fellibyl. Öll gólfefni
eru ónýt, allar rafmagnsplötur losn-
uðu af veggjunum. Þegar ég kom
heim eftir fellibylinn sá ég að viður-
inn beyglaðist í einum veggnum
þannig að það eru bungur í veggn-
um,“ segir Guðrún Hulda Björns-
dóttir Robertson, sem er búsett í
Panama City þar sem fellibylurinn
Mikael reið yfir nýlega.
Negldi fyrir glugga og
kom í veg fyrir skemmdir
Guðrún Hulda yfirgaf heimili sitt
ásamt fjölskyldu sinni hinn 9. októ-
ber en áður negldi hún fyrir alla
glugga og lokaði öllum hlerum á hús-
inu, líkt og fram kom í umfjöllun á
fréttavef mbl.is. „Vindurinn tók hler-
ana af tveimur hliðum á húsinu og ég
veit ekki einu sinni hvar hinir hler-
arnir eru. Gluggarnir eru samt heil-
ir, svo það hefur bjargast,“ sagði
Guðrún.
Meðan á bylnum stóð dvaldi hún
hjá systur sinni í Atlanta. Þegar
Guðrún sneri aftur heim varð henni
ljóst að talsverðar skemmdir höfðu
orðið á húsinu hennar.
Fellibylurinn Mikael gekk nýlega
yfir vesturlönd Flórída sem fjórða
stigs fellibylur með tilheyrandi eyði-
leggingu. „Rafmagnið fór af og eins
liggur allt fráveitukerfi niðri og
nauðsynlegt að sjóða allt vatn til
drykkjar eða þá drekka flöskuvatn.
Heilu kerfin sprungu,“ segir Guðrún
og bætir við að fólk geri sér e.t.v.
ekki grein fyrir alvöru málsins.
„Allur matur var myglaður og það
var byrjað að leka úr frystikistunni,
þannig að þetta var skrautlegt. Það
var gat á loftinu í bílskúrnum þannig
að allt er á floti þar, ég var s.s. að
setja húsið á sölu vegna þess að ég er
að ganga í gegnum skilnað á sama
tíma og þetta gerist. Ég fæ engar
bætur vegna þess að húsið er á hans
nafni. En það verður farið í endur-
bætur á húsinu og ég á góða fjöl-
skyldu sem styður við bakið á mér,
það búa ekki allir svo vel.“
Útivistarbann er nú í gildi í Pan-
ama City, þar sem venjan er að
þjófnaður færist í aukana í kjölfarið á
fellibyljum. Óleyfilegt er að vera úti
á nóttunni, frá 10 til sex um morgun,
til að sporna við þjófnaðarhættu.
„Þeir sem eru úti á þessum tíma eiga
á hættu að vera handteknir. Fólk
yfirgefur húsin sín, sem hafa e.t.v.
farið illa úr storminum, og kemur
ekki til baka í einhvern tíma. Svo er
farið í gegnum húsin sem eru mikið
skemmd.“
Missti aleiguna
í Katrínu árið 2005
„Þetta er í annað skiptið sem ég
lendi í svona skæðum fellibyl. Ég
missti aleiguna árið 2005 í Katrínu
þegar ég var ólétt að syni mínum,
komin átta mánuði á leið, og með
fimm ára dóttur. Þetta voru fyrstu
kynni mín af Bandaríkjunum.“
Guðrún hefur búið í Bandaríkjun-
um um nokkurt skeið og er vön
minniháttar stormum á sínu heima-
svæði. Fyrstu spár um Mikael bentu
til þess að um minniháttar storm yrði
að ræða, þ.e.a.s. rigningu, þrumur og
eldingar. „Síðan kom í ljós að svo
væri ekki og þá ákváðum við að við
ætluðum bara að forða okkur á með-
an stormurinn gengi yfir.“
Fellibylurinn Mikael
olli miklum skemmdum
 Guðrún Hulda býr í Panama City  Missti aleiguna 2005
Fjölskyldan Guðrún Hulda ásamt dóttur sinni og syni. Hún býr með syni
sínum í Panama City og skemmdist hús hennar mikið í fellibylnum Mikael.
Líney Sigurðardóttir
Þórshöfn
Ljótu hálfvitarnir eru allir á hjólum í
Íþróttamiðstöðinni Verinu á Þórs-
höfn þessa dagana og komast færri
að en vilja. Ekki er þarna samnefnd
hljómsveit á ferðinni heldur nýr fé-
lagsskapur, Spinninghópurinn ljótu
hálfvitarnir, sem fer mikinn á spinn-
inghjólum sem nýlega voru keypt í
íþróttamiðstöðina.
Valgerður Sæmundsdóttir og Þor-
steinn Egilsson eru meðal fasta-
gesta í íþróttahúsinu og sjá þau um
að keyra spinninghópinn áfram af
krafti.
„Spinning hentar öllum, hvort
sem þeir eru í góðu, miðlungs- eða
jafnvel slöku formi,“ sagði íþrótta-
álfurinn Valgerður. „Í spinning er
massa brennsla í góðum hópi,
dimmu rými og með háværri, kraft-
mikilli tónlist sem við hjólum í takt
við. Hver og einn stjórnar sinni
þyngd og hraða þó ég öskri hópinn
að sjálfsögðu áfram,“ sagði Val-
gerður sem oftast byrjar og endar
daginn í íþróttahúsinu.
Helsti félagsvettvangurinn
Nítján ár eru frá því að íþrótta-
miðstöðin á Þórshöfn var opnuð og
þótti bygging hennar á sínum tíma
ansi stór biti fyrir ekki stærra sam-
félag. Í gegnum tíðina hefur húsið
verið vel nýtt af öllum aldurshópum
en þar er einnig sundlaug með heit-
um pottum og gufu. Segja má að
húsið sé dagsdaglega helsti félags-
vettvangur íbúanna og án þess þætti
búseta á svæðinu síður ákjósanleg.
Áhafnir skipa sækja líka í íþrótta-
húsið, ekki síst á hávertíðinni þegar
skipakomur eru nánast daglegar og
vertíðarfólkið í Ísfélaginu lætur ekki
heldur sitt eftir liggja.
Þó sveitarstjórn þurfi að greiða
með rekstri íþróttamiðstöðvarinnar
telur hún það vel þess virði. Á móti
kemur að góð íþróttaaðstaða á
hverjum stað er fremur hvetjandi en
letjandi þegar kemur að búsetuvali
fólks og sérstaklega mikilvægt fyrir
börn og unglinga að hafa slíka að-
stöðu.
„Grunnskólanemendur eru hér
með annan fótinn og þessir krakkar
eru alveg til fyrirmyndar, bæði í um-
gengni og framkomu,“ sagði Eyþór
Atli Jónsson, forstöðumaður íþrótta-
miðstöðvarinnar, ánægður með að-
sóknina og alla krakkana.
Miklar breytingar
Miklar breytingar voru gerðar á
húsinu í haust, þreksalurinn var
stækkaður töluvert þegar mötuneyt-
ið var flutt í annað hús, raflagnir
endurnýjaðar og gólfefni að hluta.
Eyþór er því bærilega ánægður með
aðstöðuna í húsinu þó margt kalli á
og alltaf megi bæta um betur.
„Við eigum öfluga stórnotendur
íþróttahúss sem ekki hafa talið eftir
sér að henda inn einhverjum tonnum
af gólfefnum og forfæra tæki. Sumir
eru laghentir og alltaf tilbúnir til að-
stoðar og hafa mætt hér með raf-
suðutæki til að sjóða saman og gera
við þreytuleg líkamsræktartæki sem
þörfnuðust aðhlynningar. Allt fyrir
þakkir og betri sal, það voru launin
þeirra,“ sagði Eyþór Atli sem ber
gestum íþróttahússins vel söguna.
Ljótu hálfvitarnir allir á hjólum
 Íþróttahúsið á
Þórshöfn einn
helsti félagsvett-
vangur bæjarbúa
og er vel nýtt af öll-
um aldurshópum
Morgunblaðið/Líney
Á hjólum Þórshafnarbúar í Spinninghópnum ljótu hálfvitunum stíga af kappi ný spinninghjól sem nýlega voru keypt í íþróttamiðstöðina.
Hjálparhella Tryggvi Steinn Sig-
fússon er ein af hjálparhellum
Íþróttamiðstöðvarinnar og sér um
að líkamsræktartækin virki.