Morgunblaðið - 23.10.2018, Blaðsíða 29

DÆGRADVÖL 29
MORGUNBLAÐIÐ ÞRIÐJUDAGUR 23. OKTÓBER 2018
Stjörnuspá
21. mars - 19. apríl 
Hrútur Það er annríki framundan. Láttu
það ekki draga úr þér kjarkinn heldur haltu
þínu striki. Fólk virðist einstaklega hör-
undssárt þessi dægrin.
20. apríl - 20. maí 
Naut Það gengur ekki í augun á öllum að
spreða fé á báða bóga. Þú ert eitthvað úti
á þekju þessa dagana, líklega vegna þess
að þú hvílir þig ekki nóg.
21. maí - 20. júní 
Tvíburar Vertu einbeitt/ur. Þú kemst á
snoðir um leyndarmál og verður illa brugð-
ið. Best er að hafa allt sitt á hreinu í erfða-
málum.
21. júní - 22. júlí 
Krabbi Gættu tungu þinnar því nálægir
kunna að vera mjög auðsærðir. Einhver er
á villigötum sem þú þekkir og þú reynir allt
til að hafa vit fyrir viðkomandi.
23. júlí - 22. ágúst 
Ljón Þú áttar þig á því á næstu vikum
hversu mikil ást og umhyggja er í kringum
þig. Kurteisi kostar ekki neitt. Þig langar til
að brjótast út úr viðjum vanans.
23. ágúst - 22. sept. 
Meyja Láttu ekki ljós þitt skína um of, því
það þreytir bara þá sem þig umgangast.
Ekki vera þvermóðskan uppmáluð. Settu
hnefann í borðið þegar þér ofbýður.
23. sept. - 22. okt. 
Vog Taktu mark á ráðleggingum þér eldri
manneskju. Þér fellur sjaldan verk úr hendi
en það er ekki endilega þannig að þeir sem
eru í kringum þig séu á þeirri línu.
23. okt. - 21. nóv.
Sporðdreki Mundu að góð heilsa er gulli
betri. Þetta veistu og gerðu þá þitt til að
halda henni góðri og til frambúðar. Farðu
varlega í umferðinni.
22. nóv. - 21. des.

Bogmaður Allar líkur eru á að yfirmaður
þinn gefi þér fyrirmæli um að vinna verk
sem þú hefur lítinn áhuga á. Einhver vinur
kemur þér á óvart svo um munar.
22. des. - 19. janúar 
Steingeit Einbeittu þér að þeim hlutum
sem þú kemst auðveldlega yfir og getur
leyst svo vel fari. Taktu til fótanna ef þú
vilt ekki lengur vera í ástarsambandi.
20. jan. - 18. febr. 
Vatnsberi Oft getur saklaus umræða
breyst í deilur og rifrildi. Þú þarft ekki allt-
af að hafa síðasta orðið, þó þig langi til
þess.
19. feb. - 20. mars

Fiskar Settu þér skýr markmið og treystu
því síðan að tekjur úr nýrri átt muni hjápa
til við að láta drauma þína rætast. Þú færð
augastað á nýju húsi.
Síðastliðinn miðvikudag, 17.október, lést sá góðkunni hag-
yrðingur og Skagfirðingur Kristján
Runólfsson. Pétur Stefánsson minn-
ist hans á Leirnum:
Genginn er góður drengur,
glettinn og viðmótsléttur.
Hraðkvæður, hnyttinn maður,
hógvær með anda frjóan.
Lengi hann stuðlastrengi
strauk við vegsemd aukna.
Skrifin hans landsþekkt lifi
sem ljóðin í huga þjóðar.
Þessi er kveðja Ingólfs Ómars:
Vakti glóð með vísnaóð
visku fróður brunnur.
Orti ljóð af miklum móð,
mærð af góðu kunnur.
Jón Gissurarson dreypir penna í
Boðnarmjöð og verður því miður að
stytta mál hans: „Hinn kunni hag-
yrðingur Kristján Runólfsson er
látinn. Ég hygg að Kristján sé nú
farinn að yrkja bæði ljóð og stökur
á öðrum og æðri vettvangi en þeim
er við höfum yfir að ráða.
Ennþá hrina óðarmáls
yfir dynur veginn.
Yrkir hlynur stuðlastáls
stökur hinumegin.
Vísna glingur víða bar
vart sem þvingar funa.
Ærið slyngur oft hann var
orti hringhenduna.“
Jón heldur áfram: „Kristján var
einn af þekktustu hagyrðingum
okkar Íslendinga á síðari tímum.
Eftir Kristján liggur mikið safn
ljóða og lausavísna. Hann birti mik-
ið af ljóðum og vísum hér á netinu
og þótti einkar snjall að koma fyrir
sig orði með þeim hætti. Kristján
var einn af mínum fyrstu vinum hér
á Fésbókinni og könkuðumst við oft
á í vísum. Ég ætla að sýna hér örlit-
ið brot af þeim samskiptum okkar.
Kristján Runólfsson:
Þegar lífsins leysast bönd,
og lúðrar dauðans kalla,
tekur úr umferð tímans hönd,
tilveruna alla.
Jón Gissurarson :
Þegið gæti það að gjöf
þegar lýkur vöku,
að þið mynduð mína á gröf
miðla einni stöku.
Kristján Runólfsson:
Þegar dauðans lögum lýt,
og líf í vindinn fokið,
máttu hörðum hundaskít,
henda á kistulokið.“
Halldór Blöndal
halldorblondal@simnet.is
Vísnahorn
Kristjáns Runólfssonar
minnst
„ÉG REYNDI AÐ HANGA Á
STEFNUMÓTALÍNUNUM. MÉR FINNST TRÉ
SKÁRRI.“
„ÞETTA HLÝTUR AÐ HAFA GERST
ÞEGAR BRÓÐIR ÞINN KOM MEÐ
FERÐASJÓNVARPIÐ SITT!“
Ferdinand
Hrólfur hræðilegi
Grettir
... að leggja mikið undir.
Í klípu eftir Mike Baldwin eftir Jim UngerHermann
STUNDUM ER EINS OG HEIMUR-
INN SÉ ORÐINN KLIKK
OG ÞAÐ ER BARA ÖR-
LÍTIÐ MÉR AÐ KENNA
HELGA SEGIR AÐ ÉG SÉ MEÐ HÆGLÁTA
HEIMTUFREKJU! GETUR HÚN EKKI ÁKVEÐIÐ SIG?
Samband ungs fólks við símanasína hefur stundum reynst Vík-
verja ráðgáta. Þessi stóra spurning
um það af hverju ekki sé hægt að
leggja þá frá sér um stund og huga
að einhverju öðru – einhverju sem
ekki er á samfélagsmiðlum eða net-
inu – vefst fyrir honum.
x x x
Sífellt yngri börn stæra sig nú afþví að vera komin með síma.
Gott og vel, það er ekkert að því að
börn fái síma enda verður að vera
hægt að ná í alla, öllum stundum, í
dag. Ekki er hins vegar endilega
nauðsynlegt að þau yngstu hafi að-
gang að netinu með afkimum þess
án þess að fylgst sé með þeim.
x x x
Víkverji spyr sig að því hvernigástandið verði þegar 8-10 ára
börn í dag verða orðin tvítug og búin
að vera með snjallsímann límdan við
sig í hálfan annan áratug. Það var
nefnilega nokkuð áhugavert að lesa
Stúdentablaðið sem nýkomið er út
og sjá hversu stór hluti af lífi unga
fólksins þar símarnir eru. Þó er
varla áratugur síðan snjallsímar
urðu almennir og vart nema fimm ár
síðan takkasímum var útrýmt.
Krakkarnir í Háskólanum virtust þó
gera sér ágætlega grein fyrir stöðu
mála og minnst tveir töluðu um þá
gæðastund að skella sér í sund því
það væri símalaust svæði og gott til
að núllstilla kollinn á sér.
x x x
En þó Víkverji sé ekkert unglamblengur er hann ekki alsaklaus af
því að reiða sig um of á símann og
netið. Víkverji fær stundum orð í
eyra frá betri helmingnum fyrir
símahangs á kvöldin og þar sem
sjónvarpsefni er sótt í gegnum net-
tenginguna má lítið út af bregða.
Það gerðist einmitt um helgina þeg-
ar Víkverji fylgdist með spennandi
kappleik frá suðurhluta Englands.
Allt í einu slitnaði tengingin og með-
an reynt var í ofvæni að koma henni
aftur á skoraði lið Víkverja mark.
Það voru ekki fegurstu orð íslenskr-
ar tungu sem féllu á heimili Víkverja
meðan á þessu stóð.
vikverji@mbl.is
Víkverji
Ákalla mig á degi neyðarinnar og ég
mun frelsa þig og þú skalt vegsama
mig
(Sálm: 50.15)