Morgunblaðið - 26.10.2018, Qupperneq 12

Hlátur, grátur
og gæsahúð á
frumsýningu
Veronika Steinunn Magnúsdóttir
veronika@mbl.is
Stemningin var gríðarleg,þetta var eins og að koma átónleika, í byrjun var hóp-söngur og síðan klappað.
Myndin sjálf gaf mér hlátur, grát og
gæsahúð. Ég get sagt að þetta sé
flottasta bíóupplifun sem ég hef
upplifað og það verður áhugavert að
sjá hvernig íslenskir áhorfendur
bregðast við myndinni,“ segir Atli
Þór Matthíasson. Atli er stór-
aðdáandi hljómsveitarinnar Queen
og fór á heimsfrumsýningu kvik-
myndarinnar Bohemian Rhapsody.
Myndin fjallar um hina geysi-
vinsælu hljómsveit Queen og líf að-
alsöngvarans Freddys Mercurys,
allt fram að Live Aid-tónleikunum á
Wembley Stadium árið 1985. Mynd-
in verður frumsýnd á Íslandi 2. nóv-
ember en heimsfrumsýningin fór
fram í London á Wembley Stadium
á þriðjudaginn síðasta. Þar var Atli
viðstaddur ásamt vinum sínum en
um leið og þau komu á staðinn
blasti gítarleikarinn Brian May við
þeim að veita viðtal við byrjun
myndarinnar. Fleiri þekktir voru á
heimsfrumsýningunni, t.d. trommu-
leikarinn Roger Taylor, systir Fred-
dys Mercurys og aðalleikari kvik-
myndarinnar, Rami Malek.
„Ekki heimildamynd
heldur hollywoodmynd“
Bohemian Rhapsody heitir í
höfuðið á samnefndu lagi eftir
Freddy Mercury en myndin hefur
vakið misjöfn viðbrögð meðal gagn-
rýnenda. Þeir hafa haft orð á því að
tímalína myndarinnar sé skökk. Atli
tekur undir það en segir það þó ekki
hafa haft áhrif á álit sitt á myndinni.
„Þegar ég sá stiklur úr mynd-
inni fór þetta aðeins í taugarnar á
mér en þetta er bara bíómynd, til-
gangurinn er að segja sögu. Brian
May samdi We Will Rock You, þá
var Freddy Mercury ekki kominn
með yfirvaraskegg en hann er með
yfirvaraskegg í myndinni. En eins
og Peter Freestone, aðstoðarmaður
Mercurys, sagði: Þetta er ekki
heimildamynd heldur holly-
woodmynd, skemmtun fyrir alla.
Það er svolítið erfitt að setja 45 ár í
tvo tíma og 15 mínútur,“ segir Atli.
Að heimsfrumsýningunni lok-
inni voru leikararnir kynntir og
fengnir upp á svið og greint frá því
að vinnsla myndarinnar hefði tekið
heil 10 ár. Miðar seldust upp á
frumsýninguna og talið er að um
7.000 manns hafi mætt.
Varpa ljósi á líf
Freddys Mercurys
Í myndinni er ekki einungis
farið yfir gullár Queen heldur einnig
líf Freddys Mercurys áður en hann
varð frægur, t.a.m. þegar hann bjó
hjá foreldrum sínum og þegar hann
vann á flugvellinum Heathrow. Í
henni er kafað í einkalíf söngvarans:
„Hún sýnir hvað umboðsmaður
Mercurys hafði slæm áhrif á hann
og er skemmst frá því að segja að
hann reyndi að leysa upp hljóm-
sveitina,“ segir Atli.
Þá kemst Freddy að undirliggj-
andi veikindum í myndinni um 1985
en í raun komst hann að þeim árið
1987, þar kemur tímamismunurinn,
sem gagnrýnendur hafa bent á, enn
í ljós.
Myndin fær misjafna dóma
Atli gefur lítið fyrir dómana um
myndina og segir að venjan sé að
Queen fái ekki góða dóma.
„Queen fær aldrei góða dóma.
Þegar söngleikurinn We Will Rock
You var sýndur á sínum tíma fékk
hann slæma dóma en ég var svo
heppinn að sjá söngleikinn og
skemmti mér konunglega. Sama á
við um plötu sem þeir gáfu út á sín-
um tíma. Þá fengu þeir ekki góða
gagnrýni en við vitum að þetta eru
allt saman góðar plötur.“
Atli hefur verið Queen-aðdá-
andi síðan árið 1994 eða frá 13 ára
aldri. Hann komst á heimsfrumsýn-
inguna í gegnum Queen-aðdáenda-
klúbb sem hann er meðlimur í, en
þar var meðlimum boðið að kaupa
miða í forsölu. Atli er mikill aðdá-
andi Queen og minnist þess þegar
hann hitti Brian May fyrir ári.
„Ég var að fara í rútuferð á
tónleika í London og fann ekki rút-
una. Svo fyrir hreina tilviljun hitti
ég Brian May þar sem hann var að
árita Queen 3D-bókina. Ég fór í röð-
ina og hef sjaldan verið jafnstress-
aður. Þegar loks kom að mér þakk-
aði ég honum fyrir og sagði honum
að tónlistin hefði hjálpað mér í
gegnum bæði erfiða og góða tíma.
Þegar ég segi erfiða tíma þá á ég
við þegar ég lenti í einelti í grunn-
skóla, þá hlustaði ég alltaf á Queen.
Þegar ég sagði honum frá þessu
táraðist hann næstum. Það hafði
þau áhrif á mig að ég táraðist næst-
um líka. Þetta náði greinilega til
hans og það er gjöf að tónlistar-
menn geti haft svo djúpstæð áhrif,“
segir Atli.
Heimsfrumsýning á bíómyndinni Bohemian Rhap-
sody fór fram á þriðjudaginn, en Atli Þór Matthíasson
fór á sýninguna og segir upplifunina hafa verið engu
líka. Myndin verður frumsýnd á Íslandi 2. nóvember.
Heimsfrumsýning Myndin var
frumsýnd á þriðjudaginn síðastlið-
inn og mættu þar um 7.000 manns.
Goðsögn Myndin fjallar um hljómsveitina Queen og líf Freddy Mercury.
Stóraðdáandi Atli Þór
Matthíasson mætti á
heimsfrumsýningu
myndarinnar.
12 DAGLEGT LÍF
MORGUNBLAÐIÐ FÖSTUDAGUR 26. OKTÓBER 2018
Fallegar vörur fyrir falleg heimili
Opið virka daga kl. 10-18
Faxafeni 14, 108 Reykjavík | Sími 551 6646 | Laura Ashley á Íslandi