Morgunblaðið - 18.12.2018, Qupperneq 36

Tónlistarkonurnar Sigurdís Sandra
og Rósa Guðrún sameina krafta
sína á Kex hosteli í kvöld ásamt
hljómsveit og koma gestum í jóla-
skap með eigin útfærslum á þekkt-
um og minna þekktum jólalögum.
Nýir íslenskir jólatextar munu einn-
ig fá að heyrast. Hljómsveitina
skipa, auk Sigurdísar og Rósu, þau
Sigmar Þór Matthíasson bassaleik-
ari og Svanhildur Lóa Bergsveins-
dóttir trommuleikari.
Jóladjass að hætti
Sigurdísar og Rósu
ÞRIÐJUDAGUR 18. DESEMBER 352. DAGUR ÁRSINS 2018
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 641 kr.
Áskrift 6.960 kr. Helgaráskrift 4.346 kr.
PDF á mbl.is 6.173 kr. iPad-áskrift 6.173 kr.
„Markmið okkar fyrir leiktíðina var
að ná í 16 stig og vera þar með
örugg um að halda sæti okkar í
deildinni. Ég átti ekki von á að við
yrðum í toppbaráttu um mitt
keppnistímabilið,“ sagði Halldór
Stefán Haraldsson, sem þjálfar ný-
liðana Volda í norsku B-deildinni í
handknattleik kvenna og vantar eitt
stig til að ná markmiðinu. »1
Vantar stig til að ná
markmiði tímabilsins
ÍÞRÓTTIR FÓLK Í FRÉTTUM
„Það verður þvílíkt gaman að
hefja nýtt tímabil á alvöruleikjum
við eitt besta lið heims,“ sagði
Arnór Ingvi Traustason, landsliðs-
maður í knattspyrnu og leikmaður
Malmö í Svíþjóð, við Morg-
unblaðið í gær eftir að sænska
liðið dróst gegn
enska stórlið-
inu Chelsea í
32 liða úrslit-
um Evrópu-
deildar
UEFA. Malmö
hefur nýtt
tímabil með
þessum leikj-
um í febr-
úarmán-
uði.
»1
Alvöruleikir við eitt
besta lið heims
Sigurður Bogi Sævarsson
sbs@mbl.is
Liðsmenn Skákfélagsins Hróksins
og Kalak, vinafélags Íslands og
Grænlands, voru með fangið fullt
þegar þeir fóru í sinn árlega jóla-
gjafaleiðangur til Kulusuk á Græn-
landi síðastliðinn laugardag. Að
þessu sinni fengu um sjötíu börn
jólagjafir frá Hróknum og Kalak
sem þeir Hrafn Jökulsson og Stefán
Herbertsson afhentu. Fóru þeir ut-
an með flugvél frá Air Iceland Conn-
ect, sem yfir vetrartímann flýgur
vikulega til hinnar afskekktu byggð-
ar með helstu nauðsynjar. Í jóla-
pökkunum voru föt, leikföng, gotterí
og sitthvað smálegt og gagnlegt.
Gjöf í minningu sonar
Sennilega var þó rúsínan í pylsu-
endanum gjafirnar sem Heiðbjört
Ingvarsdóttir lagði til. Það voru
spjaldtölvur sem gefnar voru nem-
endum í 9. bekk grunnskólans sem
þau ljúka í vor. Tölvurnar og börnin
voru alls níu, en þetta er í annað sinn
sem Heiðbjört gefur börnunum tölv-
ur, sem voru þrjár í fyrra.
Heiðbjört Ingvarsdóttir er starfs-
maður Landsprents sem er hluti af
starfsemi Árvakurs, sem meðal ann-
ars gefur út Morgunblaðið. „Sjálf er
ég alveg aflögufær og vildi styrkja
eitthvert gott málefni í minningu
Valbergs Gunnarssonar sonar míns,
sem lést af slysförum árið 1997. Ég
hreifst af eldmóði Hrafn Jökuls-
sonar í starfi hans á Grænlandi, gaf
mig fram og fékk góðar viðtökur
hans. Tölvurnar hafa líka komið sér
ákaflega vel fyrir börnin og eru að-
gangur þeirra inn í veröld tækninn-
ar. Gjöfin til barnanna breytir ekki
heiminum en hún gleður og veitir
mér sjálfri góða tilfinningu,“ sagði
Heiðbjört
Örlæti og hjartagæska
„Heiðbjört er ómetanlegur liðs-
maður, svo einfalt er það. Örlæti
hennar og hjartagæska mættu vera
mörgum fordæmi. Hún hefur ekki
bara lagt af mörkum gjafir, heldur
ómældan tíma í kringum fatasöfnun
okkar fyrir börn á Grænlandi, og
aðra viðburði á okkar vegum. Svo
bakar hún líka bestu vöfflur í heimi,“
segir Hróksmaðurinn Hrafn Jökuls-
son.
Á vegum tveggja fyrrgreindra fé-
laga hefur verið unnið að marg-
víslegum menningar- og velferð-
armálum í afskekktum byggðum
Grænlands á undanförnum árum.
Þar má nefna skákkennslu Hróks-
ins. Það er svo fyrir tilstilli Kalak
sem ellefu ára börn úr afskekktum
þorpum á austurströndinni hafa
mörg undanfarin ár komið til Ís-
lands snemma hausts ár hvert, en
hér fara þau á sundnámskeið, skoða
mannlífið og heimsækja forseta Ís-
lands á Bessastöðum.
Ljósmynd/Hrafn Jökulsson
Kulusuk Jólasveinn, flugfólk og börnin með spjaldtölvurnar sem eru þarfaþing í afskekktri en nettengdri byggð.
Örlæti og hjartagæska
 Kátína í Kulusuk  Jólagjafaleiðangur Hróksins og
Kalak til Grænlands  Níu spjaldtölvur gjöf frá Heiðbjörtu
Morgunblaðið/Kristinn Magnússon
Liðsmaður Heiðbjört Ingvarsdóttir hér í prentsmiðju Landsprents.