Morgunblaðið - Sunnudagur - 09.12.2018, Side 16

BÆKUR
16 MORGUNBLAÐIÐ SUNNUDAGUR 9.12. 2018
Hugrekkið ráði för
Bjarni Fritzson hefur undanfarinár getið sér gott orð fyrir sjálf-styrkingarnámskeið fyrir
stráka sem hann byggir á bók sinni
Öflugir strákar. Fyrir þessi jól liggur
eftir hann barna- og unglingabókin
Orri óstöðvandi sem er skáldverk en
með ákveðnu sjálfstyrkingarívafi.
Þegar blaðamaður nær tali af
Bjarna er hann að búa sig undir að
leggja í hann til Akureyrar að lesa
upp úr bókinni og fylla á hillur versl-
ana. Hann nefnilega lætur sér ekki
nægja að skrifa bók og gefa hana út
sjálfur heldur dreifir hann henni líka
að mestu leyti sjálfur.
„Ég vakna bara aðeins fyrr á
morgnana, svo er ég rosalega vel gift-
ur,“ segir Bjarni glaðlega inntur eftir
því hvort hann hafi ekki ansi mikið að
gera þessa dagana.
„Mér finnst þetta geggjað. Ég hitti
starfsfólkið í búðunum og næ að
spjalla og fæ þannig miklu betri til-
finningu fyrir því hvað er í gangi. Ég
hitti líka oft fólk sem er að forvitnast
um bókina og get þá talað við það
beint. Mér finnst þetta bara svo
skemmtilegt að þvælast um og taka
þetta alla leið.“ Bókalagerinn er ekki
langt undan því hann fær að nota bíl-
skúr foreldra sinna til að geyma upp-
lagið.
Orri óstöðvandi eflir krakka
án þess að þau taki eftir
Bjarni rekur fyrirtækið Út fyrir kass-
ann ásamt Kristínu Tómasdóttur og
heldur námskeiðin um sjálfstyrkingu
fyrir stráka um land allt, en Kristín
hefur haldið sams konar námskeið
fyrir stelpur. „Það sem ég er að gera
er að kenna strákunum betur á sig og
gefa þeim tól og tæki til þess að geta
haft jákvæð áhrif á sjálfa sig. Þessi
námskeið eru í raun fyrirbyggjandi.
Þegar þú ferð að þróa með þér nei-
kvæða sjálfsmynd síðar á lífsleiðinni
eða missir trúna á sjálfum þér þá hef-
urðu eitthvað í höndunum til að tak-
ast á við það. Þá veistu að þú getur
haft áhrif á sjálfan þig og styrkt þig.
Það er svolítið planið með námskeið-
unum hjá mér. Strákarnir okkar
þurfa að sækja meira fram, öll meðal-
töl segja okkur það. Þeir eru ekki að
gera eins vel og þeir gætu gert. Við
erum með tölur úr háskólum sem
sýna að þar eru þeir í minnihluta,
ungir karlar glíma frekar við atvinnu-
leysi, lesskilningur er minni hjá
strákum og fleira. Þess vegna er ég
líka að hvetja þá til að dreyma stórt
og leggja hart að sér til að sækja
drauminn“
Bjarni segir samtal við son sinn
hafa kveikt hugmyndina um að skrifa
skáldsögu fyrir börn. „Sonur minn
var að lesa bókina mína Öflugir strák-
ar. Honum gekk ekkert svo vel með
hana, en samt er hann mjög duglegur
að lesa. Hann sagði mér þá að sér
fyndist hún kannski ekki nógu
skemmtileg. Þá kom þessi hugmynd
að gera skáldsögu með flottum mynd-
um og skemmtilegum karakterum en
undirtónninn væri sjálfstyrking.
Þannig að ég væri að efla þau í leið-
inni en þau myndu kannski ekkert
endilega taka eftir því meðan þau
væru að lesa. Þetta á að vera
skemmtileg og fyndin bók sem fjallar
um strákinn Orra sem kallar sjálfan
sig Orra óstöðvandi þegar hann vant-
ar sjálfstraust og hugrekki.
Ég fjalla um hluti í bókinni eins og
jákvætt sjálfstal, sjálfstraust, stjórn á
neikvæðum hugsunum, markmið og
fleira án þess að krakkarnir upplifi
þetta sem kennslubók. Svo verða les-
endur að dæma hvernig til tókst.“
Það er auðheyrt að Bjarna er það
mikið hjartans mál að stuðla að sjálf-
styrkingu hjá krökkum, efla þau svo
þau geti betur tekist á við lífið.
„Þessi áhugi minn byrjar út
frá námi mínu í sálfræði. Ég
fór að stúdera stráka og
þeirra líðan og fann út
að það hafði ekki verið
lögð nægileg áhersla á
að efla þá. Ég lærði líka
mikið út frá því að vera í
atvinnumennsku í hand-
bolta þar sem ég rakst á
marga veggi og þurfti
að treysta á sjálfan mig.
Þetta varð síðan að al-
gjörri ástríðu hjá mér og
ég hef leyft þessu að
þróast og starfa nú að
stórum hluta við að
halda námskeið sem miða að því að
styrkja stráka og kenna þeim á sjálfa
sig,“ segir Bjarni sem auk þess þjálf-
ar meistaraflokk ÍR í handbolta.
Hann vinnur mikið heima og segir
það dýrmætt að geta verið til staðar
þegar börnin koma heim, en hann og
eiginkona hans eiga tvo drengi á
grunnskólaaldri og stelpu á leikskóla.
„Ég er eiginlega alltaf heima þegar
strákarnir koma heim úr skólanum.
Get alltaf tekið spjall við þá og fylgst
með hvernig þeim líður. Heyri alltaf í
þeim eftir skóla og get tekið púlsinn á
þeim. Mér finnst ég mjög lánsamur
að gera það sem ég er að gera og geta
stýrt tímanum mínum svona.“
Fór sjálfur út fyrir kassann
Bjarni kennir strákum að hafa hug-
rekki til að prófa eitthvað sem þeir
hafa ekki gert áður, fara út fyrir kass-
ann. Hann þurfti sjálfur að leita í
þetta hugrekki þegar hann ákvað að
skrifa og gefa út skáldsögu, nokkuð
sem hann hafði ekki gert áður. „Ég
fann það bara strax að mig langaði að
prófa þetta. Byrjaði bara að setja upp
senur og svo rúllaði þetta áfram. Ég
vildi gera eins góða barnabók og ég
mögulega gæti. En mig langaði að
gera þetta sem mest sjálfur, vildi ekki
of mikla ritstýringu. Þeir sem þekkja
mig vita að mér finnst gaman að
stjórna,“ segir hann og hlær.
Hann var þó ófeiminn við að þiggja
góð ráð. Þau fékk hann helst hjá Guð-
rúnu Láru Pétursdóttur bókmennta-
fræðingi og frá Dröfn Vilhjálms-
dóttur bókasafnsfræðingi í
Seljaskóla. „Ég tók eins mikið úr
þeirra viskubrunni og ég gat. Þær
gáfu mér báðar marga góða punkta
sem ég vann með eftir fyrsta upp-
kastið.
En ég gerði bókað fullt af mistök-
um í þessari bók. Maður verður að
hafa hugrekki til að prófa, þora að
taka slaginn þrátt fyrir óttann við
mistök. Þetta snýst aðallega um að
vita að maður gerði sitt allra besta og
þá er auðvelt að vera sáttur við út-
komuna, svo læri ég bara af mistök-
unum og geri betur næst. Ég er alltaf
að segja þetta á námskeiðunum og
verð að standa við það sjálfur: Gerðu
allt sem þú getur og gerðu það eins
vel og þú getur,“ segir Bjarni sem
einnig naut leiðsagnar sona sinna við
skrifin. Í bókinni er fjöldi teikninga
eftir Þorvald Sævar
Gunnarsson sem gæða
persónur bókarinnar, þau
Orra óstöðvandi, Möggu
Messi og fleiri, lífi.
„Hann Doddi er algjör
snillingur og á risastóran
þátt í velgengni bókar-
innar,“ segir Bjarni sem
hefur fengið góð við-
brögð frá krökkum.
„Ég kem í marga flotta
skóla og hitti þar fullt af
skemmtilegum krökkum.
Ég er mjög þakklátur
fyrir að fá að hitta
krakkana í skólunum
og strax komin með
hugmyndir frá þeim
að því hvernig næsta
bók verður.“
Bjarni Fritzson er óstöðvandi í því
að kenna börnum að byggja sig upp.
Morgunblaðið/Hari
Höfundur bókarinnar Orri óstöðvandi, Bjarni Fritzson, vildi gefa út bók sem væri skemmtileg fyrir krakka en myndi í leiðinni
kenna þeim leiðir til að efla sjálf sig. Hann heldur vinsæl námskeið fyrir stráka þar sem hann talar meðal annars um hugrekki til
að prófa sig áfram í lífinu. Hann segist hafa þurft að grípa í sitt hugrekki til að fara út í það að skrifa skáldsögu fyrir börn.
Eyrún Magnúsdóttir eyrun@mbl.is
Orri óstöðvandi er
söguhetja sam-
nefndrar bókar eftir
Bjarna Fritzson.
Útsölustaðir: Flest apótek, heilsuhillur stórmarkaða.
ÍSLENSK NÁTTÚRA
Í TVEIMUR TÚPUM
Gjöf sem gleður
FALLEG GJAFAPAKKNING
Handa-og hælabót unnin úr
hreinum íslenskum afurðum;
minnkaolíu og íslenskum jurtum
Minkaolían hefur mjög hátt
hlutfall af ómega fitusýrum og
smýgur hún afar hratt og vel
inn í húðina.
Fullkomin næring fyrir þurrar
hendur og sprungna hæla.