Morgunblaðið - 22.01.2019, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 22. JANÚAR 2019
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Strandgötu 24 | 220 Hafnarfjörður | Sími 565 4100 | nyform.is
Úrval af rafdrifnum
hvíldarstólum
Opið virka daga
11-18
laugardaga
11-15
N Ý F O R M
h ú s g a g n a v e r s l u n
Komið og skoðið úrvalið
Morgunblaðið/Hari
Forsætisráðherra Katrín Jakobsdóttir hóf umræður á Alþingi í gær.
Þing kom aftur saman eftir jólafrí í
gær og hóf Katrín Jakobsdóttir for-
sætisráðherra almennar stjórnmála-
umræður á Alþingi.
Hún sagði stjórnvöld undanfarið
hafa unnið mikið starf í því að
styrkja samtal aðila vinnumarkaðar-
ins og stjórnvalda og fjórtándi fund-
ur milli aðila færi fram í dag þar sem
kynntar yrðu niðurstöður átakshóps
um húsnæðismál. Sagði hún að hóp-
urinn ætlaði að vinna tillögur að
lausn á framboðsvanda á húsnæðis-
markaði, réttindum leigjenda og inn-
komu fyrstu fasteignakaupenda.
Endurskoðun stjórnarskrár
„Það er forgangsmál að búa við ör-
yggi og fyrirsjáanleika í húsnæðis-
málum,“ sagði Katrín í ræðu sinni og
bætti við að ljóst væri að þörf væri á
5-8 þúsund íbúðum á markað. „Við
þurfum að taka höndum saman og
leysa þennan vanda. Tryggja viðráð-
anlegt húsnæði fyrir okkur öll,“
sagði Katrín og bætti við að hún von-
aðist til að breytingar stjórnvalda á
skattkerfinu og húsnæðismálum
yrðu til þess að hægt yrði að lenda
kjarasamningum með farsælum
hætti á vinnumarkaði.
Um endurskoðun stjórnarskrár
sagði Katrín að níu fundir hefðu farið
fram um endurskoðun stjórnar-
skrárinnar þar sem helst hefði verið
til umfjöllunar hvernig viðfangsefnin
yrðu tekin fyrir og hvernig vinnu við
endurskoðunina yrði háttað.
„Ég tel vinnuna hafa gengið vel,“
sagði Katrín en endurskoðuninni er
ætlað að fara fram á þessu kjörtíma-
bili og því næsta. Hún lagði áherslu á
að formenn flokkanna og þeir sem
kæmu að vinnunni tækju þátt í henni
af fullri alvöru.
Þá lagði þingflokkur Pírata fram
frumvarp að nýrri stjórnarskrá, sem
byggist á frumvarpi stjórnlagaráðs
og þeirri vinnu sem Alþingi fór í í
kjölfarið. Að sögn Pírata veitir frum-
varpið möguleika á að halda
vinnunni við nýju stjórnarskrána
áfram þar sem frá var horfið árið
2013. ash@mbl.is »18
Húsnæðismálin í forgangi
 Unnið að tillögum að lausn á framboðsvanda á húsnæðismarkaði  Vinna að nýrri
stjórnarskrá gengur vel  Fjórtándi fundur með aðilum vinnumarkaðarins í dag
Helgi Bjarnason
Magnús Heimir Jónasson
Ráðherra samgöngumála, Sigurður
Ingi Jóhannsson, og fulltrúar Vega-
gerðarinnar funduðu í gær með
fulltrúum sveitarstjórna Reykhóla-
hrepps, Vesturbyggðar og Tálkna-
fjarðarhrepps um vegamálin. Sveit-
arstjórn Reykhólahrepps kemur
saman til aukafundar í dag. Á dag-
skránni er tillaga um að setja svo-
kallaða Reykhólaleið inn á skipulag í
stað Teigsskógarleiðar.
Samgönguráðherra boðaði til
fundanna og varð það til þess að
sveitarstjórn frestaði afgreiðslu
vegamálsins í síðustu viku. Ingimar
Ingimarsson, oddviti Reykhóla-
hrepps, segir að nokkuð sé síðan beð-
ið var um fund með ráðherra. Hann
segir að fulltrúar hreppsnefndar hafi
farið yfir sín sjónarmið. Á fundinum
hafi verið farið yfir ýmsa möguleika.
Rebekka Hilmarsdóttir, bæjar-
stjóri Vesturbyggðar, segir að
fulltrúar bæjarstjórnar hafi farið vel
yfir sín sjónarmið. Fundurinn hafi
verið ágætur en fátt nýtt að frétta.
Fulltrúar Reykhólahrepps fóru
einnig á fund Katrínar Jakobsdóttur
forsætisráðherra til að fara yfir af-
stöðu sína í málinu og stöðu sveitar-
félagsins til að vernda náttúrperlur í
sveitarfélaginu ef það yrði þvingað
inn í Teigsskógarleiðina.
Ákvörðun sveitarfélagsins
Fyrir aukafundi sveitarstjórnar í
dag liggur tillaga meirihluta skipu-
lags-, bygginga-, húsnæðis- og hafn-
arnefndar um að velja Reykhólaleið
R fyrir Vestfjarðaveg og setja inn á
skipulag í stað Teigskógarleiðar ÞH
sem er á núgildandi aðalskipulagi en
færa þurfti aðeins til vegna breyttrar
hönnunar hjá Vegagerðinni.
„Framhaldið er í raun og veru að
sveitarfélagið taki þessa ákvörðun
sína um hvaða leið það vill að sé á að-
alskipulagi. Ef það verður ÞH leiðin,
í kjölfar staðfestingar Skipulags-
stofnunar, mun Vegagerðin væntan-
lega sækja um framkvæmdaleyfi,“
segir Sigurður Ingi Jóhannsson
samgönguráðherra. „Hún er lág-
lendisleið með öruggum vegi og
langhagkvæmust í fjármunum. En
það voru nokkrar leiðir sem voru
taldar hafa verulega neikvæð áhrif á
umhverfið og ÞH leiðin er ein
þeirra,“ segir Sigurður og bætir við
að ef svokölluð R leið verði valin sé
óljósara hvað gerist næst. Hún hafi
ekki hlotið umhverfismat og því ljóst
að ferlið muni lengjast.
Teigsskógarleið líklegri
 Framhaldið óljósara ef Reykhólaleiðin verður fyrir valinu
Mál Ágústs
fari til siða-
nefndar
Erindi hefur bor-
ist til forsætis-
nefndar Alþingis
þess efnis að vísa
skuli máli Ágústs
Ólafs Ágústs-
sonar, þing-
manns Sam-
fylkingarinnar,
til siðanefndar
Alþingis.
Forsætisnefnd
hefur ekki tekið afstöðu til erindis-
ins, en mun ræða málið á næsta
fundi forsætisnefndar á þriðjudag-
inn í næstu viku.
Sá sem sendi erindið til forsætis-
nefndar óskar nafnleyndar og gæti
það því verið hver sem er í samfél-
aginu, enda er öllum almenningi
frjálst að senda erindi til forsætis-
nefndar.
Jón Þór Ólafsson, þingmaður Pí-
rata og 5. varaforseti Alþingis,
staðfesti í samtali við mbl.is að á
fundi forsætisnefndar í gær hefði
erindi varðandi mál Ágústs Ólafs
verið kynnt og að sendanda yrði
send staðfesting á móttöku þess.
Ágúst Ólafur
Ágústsson
 Sendandi óskaði
eftir nafnleynd
Kjarasamningaviðræðum samn-
inganefndar verkalýðsfélaganna
og ríkissáttasemjara, sem áttu að
fara fram í dag, hefur verið frestað
til morguns vegna veikinda sátta-
semjara.
Iðnaðarmannafélögin funduðu
hins vegar í SA í gær og segir
Hilmar Harðarson, formaður Sam-
iðnar, að ekkert sé í hendi eins og
er.
„Við erum bara í viðræðum og
höldum áfram í vikunni,“ segir
Hilmar. Í Morgunblaðinu í gær kom
fram að Samiðn væri enn að ræða
um styttingu vinnuvikunnar. Hilm-
ar vildi ekki gefa upp að svo stöddu
hvað fór fram á fundinum í gær.
„Þetta er bara allt á viðræðustigi.“
Viðræðum frestað
til morguns
Veturinn hefur minnt á sig síðustu daga og nú finnst
varla auður blettur á landinu þegar styttist í að þorrinn
gangi í garð. Ferðamenn sem sækja landið heim búast
að sjálfsögðu við Íslandi snævi þöktu og þeim verður
sannarlega að ósk sinni þessa dagana. Í gær voru
ferðamenn að leik á Austurvelli og hlóðu snjóvörðu.
Morgunblaðið/Hari
Ferðamenn leika sér í snjónum
Ísland snævi þakið frá fjöru til fjalla þegar líður að þorra
Tveir flutningabílar hafa farið út
af á Holtavörðuheiði síðustu tvo
daga. Samkvæmt upplýsingum frá
lögreglunni á Blönduósi fór flutn-
ingabíll út af veginum skömmu
eftir hádegi í gær og annar í
fyrradag. Í hvorugu tilfellinu urðu
slys á fólki.
Þá fór rúta með fjölda ferða-
manna út af þjóðvegi 1 norðan við
Reynisfjall, nokkru vestan við Vík
í Mýrdal, síðdegis í gær. Engan
sakaði en þetta er fjórða rútu-
slysið á tveimur dögum.
Tveir flutningabílar
og rúta utan vegar
Karl Gauti Hjaltason og Ólafur
Ísleifsson, óháðir þingmenn
sem vikið var úr þingflokki
Flokks fólksins í kjölfar Klaust-
urmálsins, gagnrýndu forseta
Alþingis við upphaf þingfundar í
gær.
Allir forystumenn þingflokka
á Alþingi tóku þátt í almennum
stjórnmálaumræðum en óháðu
þingmennirnir tveir fengu ekki
að taka þátt í umræðunum.
„Þetta er óboðlegt,“ sagði
Karl Gauti í ræðustól.
Fengu ekki
ræðutíma
ÓHÁÐIR ÞINGMENN
Karl Gauti
Hjaltason
Ólafur
Ísleifsson