Morgunblaðið - 04.02.2019, Blaðsíða 11

FRÉTTIR 11Innlent
MORGUNBLAÐIÐ MÁNUDAGUR 4. FEBRÚAR 2019
Helgi Bjarnason
helgi@mbl.is
„Við erum að sigla inn í síðasta ár-
ið í verkefninu og erum að biðla
til sveitarfélagsins um að gefa nú
aðeins í með okkur,“ segir Helga
Íris Ingólfsdóttir, verkefnastjóri
Hrísey - Perla Eyjafjarðar sem er
hluti af áætlun Byggðastofnunar
til að efla brothættar byggðir.
Verkefnið hófst síðla árs 2015
en íbúum í Hrísey fækkaði um 20
það ár. Íbúatalan hefur síðan ver-
ið í nokkru jafnvægi, rúmlega 150.
Helga segir raunar að árangur
verkefnisins sé frekar mældur í
ánægju íbúa en fjölda.
Markmið hafa náðst
Staða verkefnisins var kynnt á
íbúafundi í Hrísey fyrir skömmu
og í kjölfarið var það kynnt í bæj-
arráði Akureyrarbæjar sem Hrís-
ey tilheyrir. „Við fórum yfir öll
markmið og skoðuðum hvað hefði
tekist og hvað ekki,“ segir Helga.
Telur hún að verkefnið hafi geng-
ið ágætlega. Eitt markmiðið var
að renna styrkari stoðum undir
ferðaþjónustuna og opna veit-
ingastað. Það hefur náðst, veit-
ingstaður hefur verið opnaður og
ferðaþjónustufyrirtækjum fjölgað.
Þá hefur verið opnað gistiheimili.
Annað markmið var að styrkja
tvö álitleg sprotafyrirtæki við ný-
sköpun. Stærstu sprotarnir eru
saltframleiðsla og eggjabú með ís-
lenskum landnámshænum.
Fjölga fólki og auka vinnu
Helga segir að verkefnis-
stjórnin hafi áhuga á að auka
markaðssetningu á Hrísey, ekki
aðeins til að laða að fleiri ferða-
menn heldur einnig íbúa, fjárfesta
og fyrirtæki. Nýta sérstöðu eyj-
arinnar til að koma upp atvinnu-
rekstri. Eitt af erindum stjórn-
arinnar við byggðarráð Akur-
eyrarbæjar var að óska eftir
stuðningi við það. „Þetta er ein-
stök eyja með einstaka sögu. Ég
tel að fjárfestar gætu séð hér hag
í að fjárfesta,“ segir hún.
Á fundinum var sett nýtt mark-
mið sem áhersla verður lögð á í
ár. Það er að fá lagðan ljósleiðara
til Hríseyjar.
Helga Íris er jafnframt verk-
efnastjóri sambærilegs verkefnis
sem unnið er að í Grímsey og
nefnt er Glæðum Grímsey. Þar er
unnið að samskonar stöðumati
með íbúunum.
Morgunblaðið/Sigurður Bogi Sævarsson
Brothætt Elstu húsin í Hrísey eru næst höfninni, eins og víða annars staðar.
Vilja auka kynn-
ingu á Hrísey
 Íbúar óska eftir ljósleiðara út í eyju
Ragnhildur Þrastardóttir
ragnhildur@mbl.is
„Mér finnst þetta ekki ásættanleg
nýting, það segir okkur að það sé
eitthvað að reglunum,“ segir Kol-
brún Baldursdóttir, borgarfulltrúi
Flokks fólksins,
um nýtingu á frí-
stundakortum
Reykjavíkur-
borgar.
Hún lagði ný-
verið fram tillögu
í borgarráði þess
efnis að víkka
þyrfti notkunar-
reglur kortsins.
„Ég vil víkka
reglurnar, þannig
að að lokum verði nýtingin 100% í öll-
um hverfum borgarinnar. Það er
ekki nema 70-80% nýting sums stað-
ar og við eigum ekki að linna látum
fyrr en börnin okkar í borginni geta
nýtt sér þetta með einhverjum
hætti.“
Ekki hægt að kaupa sundkort
Kolbrún segir að með því að víkka
reglurnar sé mögulegt að nýta kortið
á fjölbreyttari hátt en nú er gert.
„Þá væri hægt að nýta kortið í allt
er varðar tómstundir og hreyfingu,“
segir Kolbrún og tekur sem dæmi að
hægt væri að nýta frístundakortið til
þess að kaupa sundkort. Eins og
staðan er núna er einungis hægt að
greiða fyrir sundæfingar með kortinu
en ekki mögulegt að kaupa sundkort.
„Það geta komið upp fleiri hug-
myndir en þetta var bara byrjunin.
Ég ætla að sjá hvernig þessu verður
tekið áður en ég fer af stað með
næstu tillögu, að systkini gætu notað
kortið saman. Svo mun ég finna
meira.
Síðan liggja þessir peningar sem
búið er að taka frá í þetta bara ónot-
aðir en hægt væri að nota þá í að
hjálpa fólki miklu meira.“
Systkini geta ekki samnýtt
Aðspurð segir Kolbrún að kortið
ætti að vera í meira mæli nýtt til þess
að auka jöfnuð.
„Það hafa ekki komið fram hug-
myndir um það frá þeim í meirihlut-
anum eftir því sem ég best veit. Þú
sérð til dæmis að systkini geta ekki
notað sama kortið. Ég vil að við hjálp-
um börnum sem eru undir fátæktar-
mörkum. Við erum til dæmis með til-
lögu um að þau fái frítt í frístunda-
heimili.“
Börn undir fátæktarmörkum
Kolbrún segir nauðsynlegt að líta í
auknum mæli til þeirra barna sem
hafa það verst.
„Það eru um 700 börn í borginni
sem eru undir fátækramörkum og við
þurfum auðvitað að einblína sérstak-
lega á þennan hóp. Mér finnst allt of
lítið gert af því í borginni að horfa á
þessi börn og þessa fátæku foreldra.
Þetta er bara einn liður í því og
fyrst það er búið að fjármagna þessi
kort þá er bara um að gera að leyfa
börnum að nota þetta til þess að nýta
þennan pening í eitthvað sem for-
eldrarnir þyrftu annars að greiða
fyrir.“
Tölur um nýtingu frístundakorts-
ins árið 2018 eru ekki tilbúnar en ár-
ið 2017 var nýtingin minnst í Breið-
holti eða tæp 69% en mest í
Vesturbæ og Háaleitis- og Bústaða-
hverfi eða tæp 90%.
Frístundakort nýtt í
takmörkuðum mæli
 Borgarfulltrúi segir nauðsynlegt að víkka reglur um kortin
Frístundakort
» Frístundakort er 50.000
króna styrkur frá Reykjavíkur-
borg til barna á aldrinum 6 til
18 ára. Það er hægt að nota frí-
stundakortið til að borga fyrir
þátttöku í tilteknum íþróttum,
listum og tómstundum.
» Það er einungis hægt að
nota frístundakortið hjá fé-
lögum og samtökum í Reykja-
vík og á höfuðborgarsvæðinu.
» Hvert frístundakort gildir frá
1. janúar til 31. desember. Ef
frístundakortið er ekki notað á
þessum tíma er ekki hægt að
nota kortið seinna.
Kolbrún
Baldursdóttir
Helgi Bjarnason
helgi@mbl.is
Veittir hafa verið styrkir úr verkefn-
inu Ísland ljóstengt til að tengja
4.100 staði í dreifbýli í 43 sveitar-
félögum. Áætlað er að 1.900 lögbýli
og fyrirtæki til viðbótar uppfylli
kröfur sem gerðar eru. Er því útlit
fyrir að alls um 6.000 staðir fái styrki
til að tengjast ljósleiðara en í upphafi
var áætlað að 3.900 staðir myndu
geta notið verkefnisins.
„Þetta hefur gengið vonum fram-
ar. Menn brostu út í annað þegar við
ætluðum að vera búnir að tengja allt
landið við ljósleiðara á árinu 2020.
Þótt það dragist fram á árið 2021 að
ljúka tengingum verður væntanlega
búið að ganga frá öllum styrkveit-
inum í lok ársins 2020,“ segir Páll Jó-
hann Pálsson, nýskipaður formaður
stjórnar Fjarskiptasjóðs.
Sameiginlegt verkefni
„Það er áhugavert hvað tekist hef-
ur að tengja marga, fyrir ekki meiri
fjármuni,“ segir Páll Jóhann. Hann
segir að sveitarfélögin hafi komið inn
í þessi verkefni af krafti enda væri
þetta sameiginlegt verkefni ríkisins,
sveitarfélaganna, fjarskiptafélag-
anna og íbúanna.
Markmiðið var að tengja 99,9%
lögheimila utan þeirra svæða sem
fjarskiptafyrirtækin sinna, staði með
heilsársbúsetu og/eða atvinnustarf-
semi allt árið. Fjarskiptasjóður hef-
ur þegar veitt 1.350 milljónum í
verkefnið og ríkið hefur veitt 200
milljónum í byggðastyrki til viðbót-
ar. Páll Jóhann hefur ekki upplýs-
ingar um hlutfallið í þeim verkefnum
sem styrkt hafa verið en segir að í
sumum sveitarfélögum hafi öll býli
verið tengd. Hins vegar hátti sums
staðar þannig til að afar dýrt sé að
tengja einstaka staði. Reynt sé að
gera það með aðkomu fleiri aðila.
Nokkur svæði eru enn eftir, sér-
staklega landmikil og dreifbýl sveit-
arfélög. Unnið er að undirbúningi
styrkveitingar fyrir árið í ár.
6.000 staðir
verða tengdir
 Vel gengur með ljósleiðaraverkefnið
Morgunblaðið/Jónas
Mýrdalur Mörg handtök eru við
lagningu ljósleiðara um landið.