Morgunblaðið - 29.03.2019, Side 2

2
MORGUNBLAÐIÐ FÖSTUDAGUR 29. MARS 2019
Ljósmyndir Rutar og Silju
Skipholti 31 • 105 Reykjavík • Sími 568 0150
Opið virka daga 10-17 • www.rut.is • Ljósmyndir Rutar og Silju
Fyrir ökuskírteinið,
passann, ferilskrána o.fl.
Góð passamynd
skiptir máli
Engar tímapantanir
Skjót
og hröð
þjónusta
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Gjaldþrot WOW air
Helgi Bjarnason
Hjörtur J. Guðmundsson
Áætla má að hátt í þúsund farþegar
sem áttu bókað flug með WOW air
hafi komist til síns heima í gær og
nokkur hundruð fari í dag. Alls er tal-
ið að um 7.400 farþegar eigi bókað
með WOW fyrstu fjóra dagana, 6 þús-
und ferðamenn héðan og 1.400 Ís-
lendingar heim.
Farþegum WOW air sem áttu
pantað flug með félaginu í gær til
Evrópu og Ameríku gekk allvel að
komast til síns heima með öðrum
flugfélögum. Einhverjir þurfa þó að
bíða og enn aðrir ákváðu að fram-
lengja dvölina á meðan mesti kúfur-
inn færi af. Nokkuð hundruð manns
komu í flugstöð Leifs Eiríkssonar á
Keflavíkurflugvelli í gærmorgun og
síðdegis í gær en mun færri en hægt
hefði verið að búast við.
Þröstur Söring, framkvæmdastjóri
rekstrarsviðs Keflavíkurflugvallar,
segir að starfsfólk WOW air hafi í
fyrrinótt sent skilaboð á viðskiptavini
sína um að öllu flugi félagsins væri af-
lýst. Segir Þröstur að það hafi hjálpað
mikið og mun færri komið í flugstöð-
ina en annars hefði orðið.
„Við vorum heppin. Þetta voru að-
eins brottfararfarþegar. Það hefði
verið þyngra ef vélar hefðu verið að
lenda með farþega í tengiflug.“
Starfsfólk Keflavíkurflugvallar er
með áætlanir um það hvernig bregð-
ast skuli við þegar fjöldi fólks kemur í
flugstöðina af einhverjum ástæðum.
Þröstur segir að reynt hafi á áætl-
unina í nokkur skipti, meðal annars í
verkfalli flugvirkja. Starfsfólkið hafi
lært mikið af því. Þessi áætlun var
virkjuð í gær og telur Þröstur að vel
hafi gengið að leysa úr málum. Reynt
var að liðsinna fólki eins og kostur var
með upplýsingagjöf og á annan hátt.
Í gærkvöldi var venjulegt kvöld í
flugstöðinni og Þröstur átti ekki von á
mikilli ös nú í morgunsárið en tók
fram að starfsfólkið væri þó búið und-
ir það. „Við eigum von á því að þetta
verði þægilegra hér eftir. Stærsta
aldan er fyrst, minni öldur koma í
kjölfarið og svo lægir sjóinn,“ segir
Þröstur. Hann telur að það taki
nokkra daga að greiða úr málum allra
farþeganna, þó ekki meira en viku.
Þúsundir bókaðar
hjá Icelandair
Mikið hefur mætt á starfsfólki Ice-
landair í afgreiðslu í Flugstöð Leifs
Eiríkssonar og þjónustuveri félags-
ins. Birna Ósk Einarsdóttir, fram-
kvæmdastjóri sölu- og markaðssviðs,
skaut á það í gærkvöldi að búið væri
að koma um 700-800 farþegum WOW
til síns heima af þeim um 7.400 sem
talið er að hafi verið strandaglópar.
Þá sé búið að bóka þúsundir næstu
daga. Þannig er orðið fullt í allar vélar
félagsins í dag nema til Bretlands.
Icelandair býður farþegum sem eru í
þessari stöðu sérstök afsláttarkjör.
Erlend félög sem hingað fljúga hafa
einnig flutt eða bókað fjölda farþega.
Þá telur Birna að búið sé að koma
flestum eða öllum úr áhöfnum WOW
air sem strönduðu með flugvélunum á
erlendum flugvöllum í flug heim en
það er gert þeim að kostnaðarlausu.
Morgunblaðið/Hari
Keflavíkurflugvöllur Bílarnir sem notaðir eru til að endurnýja birgðir flugvélanna af mat og drykk standa nú ónotaðir við aðstöðu þjónustufyrirtækisins.
Greitt úr erfiðleikunum
 6 þúsund erlendir ferðamenn strandaglópar hér og 1.400 Íslendingar erlendis
 Hátt í þúsund fengu far í gær  Tekur nokkra daga að koma öllum til síns heima
Lok, lok og læs Ein þota WOW air var kyrrsett á Keflavíkurflugvelli.
Jóhann Ólafsson
johann@mbl.is
Fundur samninganefnda Samtaka
atvinnulífsins og samflots sex stétt-
arfélaga og sambanda snerist eink-
um um að skipuleggja vinnuna
framundan. Forgangsraða þeim
málum sem menn vilja fara í, að
sögn Ragnars Þórs Ingólfssonar,
formanns VR og Landssambands
íslenskra verslunarmanna. Vinnan
heldur áfram í dag og búist er við
að fundað verði alla helgina.
„Fall WOW er mikið efnahags-
legt áfall,“ segir Halldór Benjamín
Þorbergsson, framkvæmdastjóri
Samtaka atvinnulífsins. Spurður
hvort eitthvert bakslag hafi komið í
samningsgerð í kjölfar frétta af
WOW air segir Halldór ekki svo
vera en afleiðingar falls félagsins
séu þegar farnar að sjást. „At-
vinnuleysi mun aukast og við sjáum
að afleiðingarnar munu hríslast
víða í hagkerfinu eins og við sjáum
á mjög sorglegum uppsögnum,“
segir Halldór og bætir við: „Verk-
efnið fer ekki frá okkur. Við þurf-
um að ljúka gerð kjarasamnings en
auðvitað hljóta allir við samnings-
borðið að taka þær fréttir sem
dynja á okkur með reglulegu milli-
bili alvarlega.“
Fundað áfram í dag
Ragnar Þór neitaði því að bak-
slag hefði komið í viðræður vegna
falls WOW air. „Alls ekki. Ég held
að menn séu einbeittari í því að
reyna að klára þetta ef eitthvað er.“
Næsti fundur í kjaradeilunni
hefst klukkan 10 í dag.
Fall WOW air hefur áhrif
 Mikið efnahagslegt áfall segir framkvæmdastjóri SA
 Einbeittari í að klára samninga segir formaður VR
Morgunblaðið/Hari
Klukkan gengur Ragnar Þór Ing-
ólfsson mætir í Karphúsið.
’
Hinsta flug WOW air var frá
Keflavík til Detroit. Ljóðrænn
endir á ljóðrænu ferðalagi. Gæsahúð!
Bergur Ebbi á Twitter.
’
Fólk sjúklega hissa á því að ég
hafi átt nokkur flug bókuð með
WOW. Hvernig í ósköpunum getur það
verið bjánalegt að vilja ferðast oftar
og meira fyrir minni pening? Ég hefði
aldrei getað verið svona mikið á ferð-
inni ef ekki væri fyrir WOW. Þannig er
það nú bara.
Bryndís Alexanders á Twitter.
’
Ég er hryggur yfir örlögum WOW.
Kæru aðdáendur; ég hef ekkert
fyndið að segja. Þetta er bara sorg-
legt. Hugur minn er hjá starfs-
mönnum og fjölskyldum þeirra - og
neytendum!
Sóli Hólm á Twitter.
’
Ég hef hvorki samúð né húmor
fyrir körlum með ofvaxin egó og
ótakmarkaða möguleika á að ógna
stöðugleika og velferð okkar hinna.
#karlmennskan #wow
Sóley Tómasdóttir á Twitter.
’
Er einhver enn í vinnu á þessum
reikningi? Hvað á fólk að gera
sem á pantað flug í næstu viku?
Joshua Wellington á Twitter.
’
Algjörlega miður mín yfir frétt-
um af WOW air þennan morg-
uninn. Draumi okkar um brúðkaups-
ferð til Íslands hefur aftur verið
frestað.
Aoife O’Dwyer á Twitter.
’
Ég vissi að WOW air var of gott
til að vera satt. Eina sem ég get
sagt er WOW.
Nathaniel Ross á Twitter.
’
Síðustu vikur og mánuðir hafa
verið sannkallaður rússíbani og
ég er endalaust stolt af yfirmönnum
mínum og samstarfsfólki sem börð-
ust með kjafti og klóm fram á síðustu
mínútu. Þið eruð mögnuð.
Hildur Hilmars á Instagram.
Tíst um WOW
Morgunblaðið/Hari
WOW air Strandaglópur í Leifsstöð.
Viðbragðsáætlun sem stjórnvöld virkjuðu í gærmorgun fólst í því að að-
stoða farþega WOWair við að komast frá landinu og Íslendingum heim og
stuðla að því að þeir ferðamenn sem áfram vilja koma til landsins geti
gert það. Þetta segir Sigurður Ingi Jóhannsson, ráðherra samgöngumála.
Ástæðan fyrir þessum aðgerðum er meðal annars að draga úr þeim
skaða sem orðspor landsins verður fyrir vegna óánægðra flugfarþega.
Framkvæmd áætlunarinnar er í höndum Samgöngustofu. Fjögur erlend
flugfélög komu til aðstoðar, auk Icelandair. Sigurður Ingi segir að reiknað
hafi verið með að það tæki 4-5 daga að taka af mesta kúfinn en þó eigi
einhverjir pantað flug síðar. Telur hann að aðgerðir hafi gengið vel.
Fólki hjálpað að komast heim
VIÐBRAGÐSÁÆTLUN STJÓRNVALDA VIRKJUÐ