Fréttir - Eyjafréttir - 10.07.2013, Síða 6

6 Eyjafréttir / Miðvikudagur 10. júlí 2013
°
°
Gífurlegir möguleikar
í ferðaþjónustu Eyjanna
:: Ásbjörn Björgvinsson, formaður Ferðamálasamtaka Íslands, starfar með nýrri stjórn
Ferðamálasamtaka Vestmannaeyja, sem eru í sóknarhug
Ný stjórn Ferðamálasamtaka
Vestmannaeyja tók við stjórn -
taumunum á dögunum en í
stjórninni sitja þau Sigurmundur
Gísli Einarsson, formaður,
Magnús Bragason, Bjarni Ólafur
Guðmundsson, Erla Halldórs -
dóttir og Elsa Valgeirsdóttir.
Markmið stjórnarinnar er að
reyna að efla samheldni ferða -
þjónustuaðila hér í Eyjum og
hluti af þeirri vegferð er að fá
utanaðkomandi aðila til að
leggja hönd á plóg. Einn þeirra
er Ásbjörn Björgvinsson, for-
maður Ferðamálasamtaka Ís-
lands og sérstakur ráðgjafi í
ferðamálum. Blaðamaður
Eyjafrétta settist niður með Ás-
birni, fékk hans sýn á ferða -
þjónustuna í Eyjum og hvar sé
hægt að gera betur.
„Mitt hlutverk er annars vegar að
endurskipuleggja og setja nýja
stofnsamþykktir fyrir Ferðamála -
samtök Vestmannaeyja og hins
vegar að reyna þjappa saman hópn -
um og fá alla ferðaþjónustuaðila í
Vestmannaeyjum til að vinna þéttar
saman til að skapa segla og þjón -
ustu sem fær ferðamenn til að langa
til Vestmanna eyja í meira mæli,“
sagði Ásbjörn.
„Það er búið að gera margt mjög
vel í Eyjum og það ber að þakka en
við viljum reyna að fá fólk til að
vinna enn meira saman, benda hvert
á annað og fá ferðamenn til að
dvelja lengur í Eyjum. Í stjórn
félagsins í dag finnst mér vera fólk
sem hefur þessa hugsun, að horfa
stærra og víðar en gert hefur verið
til þessa. Í minni vinnu felst mikill
tími í að sannfæra fólk um að lyfta
umræðunni upp úr ákveðnu dægur -
þrasi. Það er nefnilega þannig að ef
einhverjum vegnar vel og er að fá
til sín marga ferðamenn, þá njóta
aðrir góðs af því og ekki síst sam-
félagið í Eyjum. Aukin samkeppni
og meira framboð getur oft skapað
aukna velsæld á svæðinu, að því
gefnu að verið sé að gera eitt hvað
nýtt og öðruvísi en annars staðar.
Þetta höfum við séð gerast víða og
um leið og menn taka höndum sam -
an, þá dafnar ferða þjónustan, eins
og til dæmis á Húsavík, sem í dag
er þekkt sem hvalaskoðunar höfuð -
borg Evrópu. Þar tóku menn þessa
hugmynda fræði, hvala skoð un, og
gerðu sameigin lega út á hana. Þetta
myndi ég vilja sjá ger ast í Vest -
mannaeyjum, selja Eyj arnar sem
heimsnáttúruparadís með öllu því
sem þær hafa upp á að bjóða.“
Heildarhagsmunir verða
alltaf að ráða.
Ásbjörn segist hafa fundið það á
eigin skinni eftir heimsóknir til
Vestmannaeyja, hvernig það er að
vera ferðamaður hér. Maður finnur
að hér er ríkjandi ákveðið sam -
starfs leysi milli ferðaþjónustuaðila
og ýmissa þjónustuaðila sem líka
sinna ferða mönnum. Fyrirtækin
hafa ekki verið að vinna nægjanlega
mikið sem heild fyrir svæðið, frekar
verið að koma sér og sínu á fram-
færi sem er í sjálfu sér skiljanlegt
en það er ekki endilega það sem
skilar þeim mestu. Mér sýnist þó að
hér hafi ferðaþjónustuaðilar borið
gæfu til að vera ekki mikið að vinna
í því sama. En líf skapar líf, þannig
að ef einn fær ferðamenn inn á
svæðið, þá njóta fleiri góðs af því.
Við sjáum þetta gerast t.d. á
goslokahátíð og á þjóðhátíð.
Manni líður vel að koma til Vest-
mannaeyja og kemst í annan gír.
Eyja menn eru gestrisnir og náttúran
er stórkostleg. Það er mikil upplif -
un að koma til Vestmannaeyja og
það er eitt af því sem við verðum að
koma á framfæri. Markmiðið er að
lengja dvöl ferðamanna í Eyjum en
líka að lengja ferðamannatímann,
teygja axlirnar bæði lengra inn í
vorið og inn í haustið. Samgöngur
eru auðvitað stór þáttur í ferða -
þjónustu og það er bjargföst trú mín
að þær muni bara batna. Vonandi
náum við að auka flug og fjölga ferð -
um og ferðamöguleikum til Eyja.
Hægt að gera betur
Ásbjörn segir jafnframt að hægt sé
að gera meira úr því sjávarfangi
sem er að finna við Vestmannaeyjar.
„Ég myndi gjarnan vilja fjölga
gistinótt um í Eyjum og jafnvel snúa
þróun inni við þannig að ferðamenn
komi hingað og gisti en fari kannski
í dagsferð upp á meginlandið. Svo
myndi ég vilja sjá meira gert úr því
gourmet sjávarfangi sem er hér allt í
kring, þannig að ferðamenn fengju
að upplifa verkun sjávarfangsins,
t.d. með heimsókn um borð í báta,
bryggjurölt, heimsókn í frystihús,
og fara svo út að borða í kjölfarið.“
Ferðaskrifstofa
Vestmannaeyja?
Hver eru næstu skref?
„Núna erum við að móta stefnu
Ferða málasamtakanna og munum
kynna þau áform fyrir greininni og
öðrum hagsmunaaðilum í haust og
reyna svo fá alla aðila til þjappa sér
saman um markmið félagsins. Að
mínu mati er nauðsynlegt að koma
á fót sjálfstæðri ferðaskrifstofu í
Vestmannaeyjum, sem hefur það
megin hlutverk að pakka inn mis -
munandi vörum í flottar umbúðir
sem selja svæðið. Flestir ferða-
menn fá löngun til að kaupa pakka -
ferðir þar sem búið er að setja
saman margs konar „vörur“ í flottar
umbúðir frekar en að leita að öllu
sjálfir. Ég tel líka mikilvægt að
tengjast betur ferðaskrifstofum er-
lendis og á meginlandinu og ferða -
skrifstofa hér gæti gert það mjög
auðveldlega. Ferðaþjónustunni í
Vestmannaeyjum eru allir vegir
færir og tækifærin fjölmörg en það
þarf að skipuleggja vandlega næstu
skref.“
Ásbjörn Björgvinsson, formaður Ferðamálasamtaka Íslands.
Heimildamyndin Útlendingur heima - uppgjör við eldgos:
Áttum aldrei von á svona
góðum viðbrögðum
:: Jóhanna Ýr Jónsdóttir og Sighvatur Jónsson hafa fengið mikið lof fyrir myndina
:: Snerti við mörgum
Jóhanna Ýr Jónsdóttir og Sig -
hvatur Jónsson frumsýndu
síðastliðinn miðvikudag heim -
ildarmynd sína, Útlendingur
heima - uppgjör við eldgos.
Myndin var sýnd í Bæjarleik -
húsinu yfir goslokahátíðina og á
RÚV síðastliðinn sunnudag.
Jóhanna Ýr og Sighvatur fara nýja
leið í umfjöllun sinni um eldgosið
og áhrif þess. Þau tala við einstak-
linga sem ekki hafa áður komið
fram opinberlega og segja frá
reynslu sinni. Jóhanna Ýr er sögu-
maður myndarinnar, leiðir áhorf -
endur vel í gegnum efnið og tengir
saman á skemmtilegan hátt. Mynd -
in skilur mikið eftir sig og svör við
ýmsum spurningum fást. Myndin
hefur fengið mjög góða dóma, í
raun einróma lof bæði meðal áhorf -
enda og fagfólks, eins og lesa má í
grein eftir Pál Steingrímsson, kvik -
mynda gerðarmann í Eyjafréttum.
Margir höfðu á orði að myndin hafi
snert við þeim og hafi jafnvel verið
erfið áhorfs á köflum. Gömlum
myndum og nýjum er fléttað
skemmtilega saman þannig að úr
verður góð heild. Myndin er í alla
staði mjög góð og sérstaka athygli
vekur kaflinn um eina einstakling -
inn sem lést í gosinu, Sigurgeir Örn
Sigurgeirsson, sem lést vegna gas -
eitrunar, aðeins þrítugur að aldri.
Hans sögu hefur nú verið komið á
framfæri og orðrómur um hann
leiðréttur. Er það vel.
Tónlistin í myndinni skipar stóran
sess. Þeir Ágúst Óskar Gústafsson
og Birgir Nielsen sömdu hana og
eiga þeir mikið hrós skilið. Tón-
listin skilar sér vel til áhorfenda og
gerir myndina enn betri.
Erum orðlaus
Jóhanna Ýr Jónsdóttir sagði í sam-
tali við Eyjafréttir að þau Sighvatur
væru búin að fá rosalega góð við -
brögð alls staðar. „ Við erum búin
að fá rosaleg viðbrögð og erum bara
orðlaus. Við höfum fengið mikið
hrós frá Vestmannaeyingum, fólki
af fastalandinu og fagfólki í brans -
anum. Við erum að gera þetta í
fyrsta sinn og tókum ákveðinn séns
með nálgunina. Við vonuðumst
eftir góðum viðbrögðum en áttum
aldrei von á þessu.“
Ætlið þið að gefa myndina út á
DVD?
„Já, við erum að þýða hana og
gefa út á DVD með enskum texta,
við ætlum að sjá til með fleiri
tungu mál, tíminn leiðir það í ljós.“
Er þetta upphafið að frekari sam-
starfi?
„Við erum að lenda núna en við
erum opin fyrir góðum hugmynd -
um,“ sagði Jóhanna Ýr að lokum.
Jóhanna Ýr Jónsdóttir og Sig -
hvatur Jónsson að lokinni
forsýningu í Bæjarleikhúsinu á
miðvikudag.
GÍGJA ÓSKARSDÓTTIR
gigja@eyjafrettir. is
JÚLÍUS G. INGASON
julius@eyjafrettir. is