Fréttir - Eyjafréttir - 10.07.2013, Qupperneq 10

10 Eyjafréttir / Miðvikudagur 10. júlí 2013
°
°
Goslokahátíðin eitt
allsherjar ættarmót
:: Þar sem vinir og kunningjar rifja upp gömul kynni
:: Glæsileg og vel heppnuð dagskrá
Goslokahátíðin í ár heppnaðist
einstaklega vel, þrátt fyrir að
veðurguð irnir væru ekki í liði
með Eyjamönnum og gestum
þeirra lengi vel. Þó rættist ágæt -
lega úr veðrinu á laugardeg in -
um sem var aðaldagur hátíð a-
haldanna en hápunkturinn var
um kvöldið á Skipasandi þegar
Eyja menn og gestir þeirra komu
saman og skemmtu sér undir
dynjandi tónlist. Nýja staðsetn -
ingin, Skipa sandur, féll vel í
kramið að mati þeirra sem Eyja -
fréttir ræddu við, staðurinn er
stærri en Skvísusund og ekki að
sjá annað en að stemmn ingin
væri jafn mikil og þar, jafnvel
meiri. Veðrið hafði líka þau
áhrif að flestir vildu heldur vera
innandyra og því fengu viðburðir
sem voru undir þaki góða
aðsókn.
Goslokahátíðin hófst strax á mið -
vikudag með tónleikunum Lög
unga fólksins en síðan kom hver
dag skrárliðurinn á fætur öðrum og
ekki hægt að rekja það í stuttu máli
hvað var í boði á hverjum stað og
hvernig til tókst. Myndlistarsýn ing -
arnar voru fjölmargar en nánar er
sagt frá þeim annars staðar í blað -
inu. Þá var einnig boðið upp á ljós-
myndasýningar, upplestur rithöf -
unda og samkomur þar sem farið
var yfir horfinn heim húsanna sem
fóru undir hraun.
Fjölmargt fleira var í boði, m.a.
stórtónleikar Fjallabræðra og
Lúðra sveitar Vestmannaeyja sem
sagt er frá nánar annars staðar í
blaðinu. Blítt og létt hópurinn,
ásamt Bjartmari Guðlaugssyni kom
fram á frábærum tónleikum á
Eyjakvöldi í Höllinni á fimmtu -
dags kvöldið og var húsfyllir. Boðið
var upp á Heita leikfimi, reyndar
degi síðar en áætlað var vegna
veðurs en veðrið stoppaði ekki
Arnar Sigurmundsson í Hafnar -
göngu og afhjúpun á upplýsinga -
skilti á Skipasandi um slippana tvo
sem þar voru. Fjölmargir fylgdust
með og höfðu gaman af þegar
rifjaðar voru upp sögur hverfanna,
sem fóru undir hraun, í Alþýðuhús-
inu. Gísli Helgason og Bítladreng -
irnir héldu svo tónleika á sunnu -
dags kvöldið á sama stað en að
ósekju hefðu fleiri mátt sækja tón-
leikana.
Fyrir börnin var fjölmargt í boði,
m.a. krakkafjör á vegum Hvíta -
sunnusafnaðarins, bryggjuveiðimót
Sjóve, Slökkvistöðin var opin í
tilefni 100 ára afmælis Slökkviliðs
Vestmannaeyja og fengu börnin að
skoða slökkvibílana. Þá var Spari -
sjóðsdagurinn á sínum stað og
barna skemmtun, sem reyndar var
færð inn í Íþróttamiðstöð. Á laug -
ar dags kvöldið var svo boðið upp á
unglinga- og barnakvöldskemmtun
í Coca Cola tjaldinu og daginn eftir
mót í Laser Tag.
Hér er aðeins skautað yfir hluta
dagskrár goslokahátíðarinnar 2013,
sem var með fjölbreyttara móti þar
sem myndlist, ritlist og tónlist voru
áberandi auk annarrar skemmtunar.
Dagskrá hátíðarinnar skiptir auðvit -
að miklu máli um hvernig til tekst
en ekki síður sú staðreynd að
gosloka hátíðin er orðin eitt allsherj -
ar ættarmót, þar sem vinir og kunn -
ingjar rifja upp gömul kynni. Það
er stór hluti af sjarma hátíðarinnar
og ekki síður mikilvægur.
Ásmundur Friðriksson, alþingismaður, kynnti, seldi og áritaði bók sína, Ási Grási í Grænuhlíð - Eyjapeyi í
veröld sem var. Fjöldi manns kíkti við, skoðaði myndir Ása sem prýða bókina og keyptu sér áritað eintak.
Bjartey Ósk Sæþórsdóttir, dóttir Bjarteyjar Gylfadóttur, sýndi sínar
myndir á sýningu mömmu sinnar og fékk auðvitað blóm við opnunina.
Um 1.600 manns voru á tónleikum Lúðrasveitar Vestmannaeyja og Fjallabræðra í stóra sal
Íþróttamið stöðvarinnar, sem leit út eins og alvöru tónleikasalur.
Margir kíktu við í Safnahúsinu þar sem norska sendiráðið bauð upp á
sýningu í tengslum við heimsókn Eyjabarna til Noregs í gosinu.
Páll Óskar Hjálmtýsson kom fram með Lúðrasveit Vestmannaeyja og
Fjallabræðrum og átti salinn með líflegri framkomu sinni.
Gísli Helgason og félagar buðu upp á skemmtilega tónleika í
Alþýðuhúsinu á sunnudagskvöldið.
JÚLÍUS G. INGASON
julius@eyjafrettir. is
Dagskrá hátíðarinnar
skiptir auðvit að miklu
máli um hvernig til
tekst en ekki síður sú
stað reynd að gosloka -
hátíðin er orðin eitt
allsherjar ættarmót,
þar sem vinir og kunn -
ingjar rifja upp göm ul
kynni. Það er stór
hluti af sjarma hátíð -
ar innar.
”