Fréttir - Eyjafréttir - 10.07.2013, Qupperneq 8

8 Eyjafréttir / Miðvikudagur 10. júlí 2013
°
°
Megi finna eitthvað að dagskrá
nýliðinnar goshátíðar er það
helst að framboðið var helst til
of mikið. Það var ekki nokkur
leið að komast yfir að sjá og
heyra allt sem í boði var. Á móti
áttu allir að finna eitthvað við sitt
hæfi en fyrir fámenna ritstjórn
var ómögulegt að kíkja alls
staðar við þó viljinn væri fyrir
hendi. Sá sem þetta ritar leit við
á nokkrum sýningum sem
boðið var upp á. Voru þær eins
fjölbreyttar og þær voru margar.
Það var líka ljóst að Eyjamenn
og gestir voru áhugasamir því á
öllum sýningun um var margt
fólk, á nokkrum voru gestir um
og yfir þúsund. Í nokkrum tilfell -
um voru gömul veiðarfærahús,
krær og fiskverk unarhús orðin
að listagalleríum sem gerði
sýningarnar meira spennandi.
Ljósmyndarar, Hulda og
Margo
Á efri hæð Miðstöðvarinnar sýndu
þau Heiðar Egils, Konný Guðjóns,
Sísí Högna, Diddi Sig., Óskar
Pétur, Ómar Eðvalds, Óskar Elías
Sigurðsson og Tói Vídó ljósmyndir
þar sem mótívin voru flest sótt í
náttúru og mannlíf Vestmannaeyja.
Fanta flott sýning sem þau hafa lagt
mikinn metnað í og alúð. Létti á
sálartötrinu að sjá að stundum er sól
í Eyjum.
Frímúrarahúsið, gamla Geirseyrin,
fékk nýtt hlutverk um helgina þegar
Hulda Hákon og Margo J. Renner
lögðu aðra hæðina undir sýningar
sínar. Þar sem áður voru veiðarfæri
af Berg, Hugin, Kap og Vest manna -
ey voru verk listakvennanna sem
báðar sækja í náttúru og sögu í
verkum sínum. Fuglar, haf, hús,
fólk, skip, sólskin og fiskur kallar
Hulda sýningu sína sem verður opin
næstu vikur. Allt er þetta að finna í
verkunum sem smellpassa inn í
hráan salinn og útkoman er frábær.
Það var ekki síður gaman að kíkja
til Margo með sín persónulegu verk
þar sem hún steypir í gler fréttir úr
gosinu og skartgripi sem hún gerir
af mikilli list.
Ragga, Bjartmar og Aldís
Það var fjölmenni og líf og fjör í
Kiwanishúsinu þar sem Bjartmar og
Ragnheiður Georgs héldu sýningu á
verkum sínum. Ragnheiður með
sínar dulmögnuðu myndir eða síló -
ettur þar sem Vestmannaeyjar rísa
úr hafi, ýmist að nóttu eða degi, í
fallegum litum og svolítið draum -
kenndar.
Orkan í myndum Bjartmars kemur
ekki á óvart en í allt voru þær 40. Flest
bera verkin tónlistarheiti og eins og í
músíkinni slær Bjartmar kröftuglega á
strengi í litatónum og ekkert til sparað
í pensildráttum til að áhrifin verði sem
mest. Oftast er Bjartmari heitt í hamsi
en stutt í húmorinn og þannig eru
málverkin hans.
Myndlistarsýning Aldísar Gunn -
arsdóttur, Private view, í Stíganda -
húsinu í Básum verður að teljast
merkur viðburður því þarna sýndi
Aldís verk sem eru lokaverkefni
hennar frá Listaháskólanum í Ála-
sundi í vor. Aldís hefur lengi málað
og þarna sýndi hún á sér nýja hlið,
mjög persónulega eins og nafn
henn ar bendir til. Verður gaman að
fylgjast með Aldísi í framtíðinni því
hún hefur náð að skapa sinn eigin
stíl sem fróðari menn en ég segja að
sé lykillinn að frama á listabraut -
inni.
Grási og Bjartey
Eyjamaðurinn Ásmundur Friðriks-
son hefur tekið mörg skref á síðustu
mánuðum eða frekar stökk. Hann
náði því að komast á þing í vor, gaf
á dögunum út bókina Ási Grási í
Grænuhlíð, Eyjapeyi í veröld sem
var. Auk þess sýndi hann um helg -
ina teikningar í Baldurskrónni af
þekktum Eyjamönnum, lífs og
liðnum og fjölskyldu sinni. Ás-
mundur hefur alla tíð teiknað og
málað en þarna sýndi hann og sann -
aði að hann er flinkur teiknari og
tekst á skemmtilegan hátt að ná
fram karakter fólks. Nettar myndir
og penar og hvorki of eða van.
Bjartey Gylfadóttir, bæjarlista-
maður Vestmannaeyja árið 2013,
snertir einhvern streng í hjörtum
Eyjamanna því hún seldi flestar
myndirnar sem hún sýndi í Akóges
um helgina.
Efniviðurinn er Vestmannaeyjar,
náttúra, saga og fólk. Nálgunin er
misjöfn. Í sumum myndunum býr
hún til heim sem er utan þess
áþreifanlega en er kannski þarna
einhvers staðar. Aðrar eru hreinar
náttúrustemmningar og í stærsta
verkinu tekst henni að spinna vef
sem spannar sögu Vestmannaeyja.
Ekki lítið afrek og allt svo skrambi
vel gert.
Að skrá söguna í myndum
Sýningin sem kom undirrituðum
hvað mest á óvart er ljósmyndasýn-
ing Harðar Sigurgeirssonar, Horfinn
heimur. Ljósmyndir frá 1950 til
1963 í Svölukoti. Það er Friðrik,
sonur Harðar, sem á heiðurinn af
sýningunni en Hörður lést árið
1978. Starfaði hann á þessum árum
sem ljósmyndari og píanókennari í
Eyjum. Á milli þess að mynda
börn og fullorðna fór hann út með
myndavélina og tók myndir af því
sem fyrir augu bar.
Hörður hefur haft gott auga og
verið fundvís á myndefni úr dag -
legu lífi Eyjamanna, í leik og starfi.
Sýna myndir hans bæði breyttan
heim og horfinn. Sýningunni lauk á
sunnudaginn en hún hefði að ósekju
mátt vera lengur og Friðrik á heiður
skilið fyrir framtakið.
Þetta var afrekið á menningarrölti
helgarinnar en því miður gafst ekki
tími til að kíkja víðar við. Gaman
hefði verið kíkja á Sigurfinn Sigur -
finnsson sem sýndi í húsi Tafl -
félagsins. Sýninguna kallaði hann
Eldgosið 1973 og 40 árum síðar.
Daníel Magnússon, Hulda Hákon
og Jón Óskar slógu saman í sýningu
í Slippnum sem örugglega er
athyglisverð en hún verður uppi
næstu daga og vikur.
Ásta Vilhelmína Guðmundsdóttir
sýndi í Net, Óskar Elías Óskarsson
og Óskar Björnsson sýndu ljós -
myndir í Pizza 67. Það sama gerði
Guðmundur Sigfússon á 900 grill-
hús og í Sæheimum var sýningin
Ljósmyndir og eldgos.
Eitthvað af þessum sýningum
verður áfram uppi en spurning er,
þegar fólk leggur mikla vinnu og
peninga í að koma upp sýningum,
hvort þær mættu ekki standa lengur,
vera til dæmis fram yfir helgina
eftir goslokahátíð?
Kíkt á sýningar :: Goslokahátíð er ekki síst menningarhátíð:
Eins fjölbreyttar og
þær voru margar
:: Gömul veiðarfærahús, krær og fiskverkunarhús orðin að
listagalleríum sem gerði sýningarnar meira spennandi
Aldís Gunnarsdóttir sýndi myndir sínar í húsakynnum útgerðar Stíganda VE í Básum. Myndirnar eru
lokaverkefni hennar frá Listaháskólanum í Álasundi. Á myndinni er hún með fjölskyldu og ættingjum sem
mættu á opnunina.
Ragnheiður Georgsdóttir, Ragga Gogga, sýndi myndir sínar í Kiwanis
ásamt Bjartmari Guðlaugssyni. Myndir Röggu hafa vakið verð -
skuldaða athygli enda seldust þær allar á sýningunni.
Þær Hulda Hákon og Margo J. Renner sýndu í Frímúrarahúsinu og
eins og annars staðar kíktu fjölmargir við. Frá vinstri: Hulda, Bjarni
Sighvatsson, Auróra Friðriksdóttir, Margó og Gunnar Rafn Jónsson.
Lögregla:
Gosloka -
hátíð fór
vel fram
- Fjórar líkams -
árásir, ein kærð
Um síðustu helgi fór fram hér í Vest-
mannaeyjum goslokaafmæli þar sem
40 ár eru liðin frá goslokum. Mikill
fjöldi gesta var í bænum þessa daga
og ýmsar uppákomur fyrir gesti og
heimamenn. Óhætt er að segja að
hátíðin hafi farið að mestu vel fram
og engin alvarleg mál komu á borð
lögreglunnar. Þó hafði lögreglan í
ýmsu að snúast við að aðstoða fólk
og greiða úr málum.
Ein líkamsárás hefur verið kærð
eftir helgina. Hún átti sér stað við
Pizza 67 en þar var maður skallaður
þannig að tönn brotnaði. Þrjár aðrar
líkamsárásir hafa verið tilkynntar til
lögreglunar án þess að búið sé að
kæra í þeim málum þegar þetta er
ritað.
Þá voru nokkur slys og óhöpp
tilkynnt til lögreglunar þar sem fólk,
sem var að skemmta sér, slasaði sig.
Grunur er um fótbrot í einu tilfellinu
en þar hafði maður hoppað ofan af
vegg með þeim afleiðingum. Aðrir
voru minna slasaðir þó að þeir þyrftu
aðhlynningu á sjúkrahúsi.
Skemmdar -
verk og
þjófnaður
Nokkur eignaspjöll svo og þjófnaður
voru tilkynnt lögreglu um þessa
helgi. Aðfaranótt sunnu dagsins var
tilkynnt að fólk væri á sólpalli við
Húsasmiðjuna og búið að skemma
blómapotta sem voru á pallinum.
Vitað er hverjir voru hér að verki og
verða þeir boðaðir í skýrslu töku. Þá
var tilkynnt að búið væri að brjóta
rúðu í húsi við Skildingaveg 10-12.
Tilkynnt var að rúða hafi verið brotin
í bifreið sem stóð við Sólhlíð 8. Á
mánudaginn var tilkynnt að farið hafi
verið inn í húsnæði Sjóve við
Heiðarveg og stolið þar rauðvíni.
Málið er í rannsókn. Ef einhverjir
geta gefið upplýsingar um þessi mál
eru þeir beðnir að hafa samband við
lögregluna.
Þrjú umferðaróhöpp voru tilkynnt
til lögreglunar í vikunni en ekki urðu
þar slys á fólki heldur tjón á öku -
tækjum.
Þjóðhátíð:
Miðasala
svipuð og
í fyrra
„Miðasalan er á svipuðu róli og á
sama tíma í fyrra, erum búin að selja
aðeins fleiri miða,“ segir Dóra Björk
Gunnarsdóttir, framkvæmdastjóri
ÍBV, í samtali við mbl.is spurð
hvernig miðasala á Þjóðhátíð í
Eyjum hafi gengið til þessa.
Veðrið í sumar virðist þannig ekki
hafa sett strik í reikninginn varðandi
miðasöluna en eins og fólk hefur
ekki farið varhluta af á sunnanverðu
landinu hefur tíðin verið talsvert
votviðra- og vindasöm og lítið þótt
sjást til sólar. Vonir standa þó
vafalaust til þess hjá flestum að brátt
fari að rætast úr í þeim efnum.
www.mbl.is
ÓMAR GARÐARSSON
omar@eyjafrettir. is