Skessuhorn - 30.10.2002, Síða 4

4
MIÐVIKUDAGUR 30. OKTÓBER 2002

WWW.SKESSUHORN.IS
Borgarnesi: Borgarbraut 23 Sími: 431 5040
Fax: 431 5041
Akranesi: Kirkjubraut 3 Sínti: 431 4222
SKRIFSTOFUR BLAÐSINS ERU OPNAR KL. 9-16 ALLA VIRKA DAGA
Útgefandi: Tíðindamenn ehf 431 5040
Ritstjóri og óbm: Gísli Einarsson 892 4098
Blaðamaður: Hjörtur J. Hjartarson 864 3228
Auglýsingor: Hjörtur J. Hjartarson 864 3228
Prófarkalestur: Anna S. Einarsdóttir
Umbrot: Guðrún Björk Friðriksdóttir
Prentun: Prentsmiðja Morgunblaðsins
skessuhorn@skessuborn.is
ritstjori@skessuhorn.is
hjortur@skessuhorn.is
hjortur@skessuhorn.is
anna@skessuhorn.is
gudrun@skessuhorn.is
Skessuhorn kemur út alla miðvikudaga. Skilafrestur auglýsinga er kl. 14:00 á þriðjudögum.
Auglýsendum er bent á að panta auglýsingapláss tímamega.
Blaðið er gefið út í 4.000 eintökum og selt til áskrifenda oa í lausasölu.
Askriftarverð er 850 krónur með vsk. á mánuði en krónur/50 sé greitt með greiðslukorti. Verð
í lausasölu er 250 kr.
431 5040
Affjöl-
miðlum
Gísli Einarsson,
ritstjóri.
Ein áhugaverðasta fréttin í annars tíðindasnauðri viku er án
efa dómur yfir hæstvirtum sjávarútvegsráðherra þar sem
hann var dæmdur til að éta ofan í sig á fastandi maga ummæli
sem hann viðhafði um hinn skelegga fréttamann Magnús Þór
Hafsteinson. Tilefni ákærunnar var það að ráðherra sakaði
fréttamanninn um að draga taum annars aðilans í vinsælu
deilumáli og ekki einungis það heldur að lúta svo lágt að falsa
fréttir í þeim tilgangi að koma höggi á meintan andstæðing.
Þarna er um að ræða mjög alvarlegar ásakanir sem ættu að
leiða til brottrekstrar og ákæru á hendur viðkomandi frétta-
manni ef þær væru á rökum reistar. Fölsun á fréttum er alvar-
legt brot og nánast eins lágt eins og einn stakur fréttamaður
getur lotið og má auðveldlega líkja því við að lögreglumaður
falsi lögregluskýrslur í þeim tilgangi að ná sér niðri á ein-
hverjum sem honum kann að vera í nöp við. Þar sem þessar
ásakanir voru ekki á rökum reistar og engar sannanir lágu
fyrir sem rökstuddu ummæli ráðherrans er þarna um að ræða
mjög alvarleg afglöp af hendi ráðherrans. Það er því ánægju-
efni að menn skuli ekki endalaust hafa veiðileyfi á sendiboð-
ann hvort sem það eru ráðherrar eða einhverjir ófínni papp-
írar sem taka í gikkinn.
Það hefur hinsvegar verið fast að þvi viðurkennd „þerapía“
í íslenku samfélagi að fá útrás fyrir innbirgða gremju á fjöl-
miðlamönnum. Ef viðkomandi fféttir reynast ekki öllum
þóknanlegar þá eru fyrstu viðbrögðin yfirleitt þau að rengja
það sem sagt er, gjarnan með því að finna einhver vafasöm
tengsl viðkomandi blaðamanns við tiltekinn stjórnmálaflokk
eða aðra hagsmunahópa. Ef einhver lætur eitthvað út úr sér
sem eftir á reynist miður gáfulegt þá er skýringin oftar en
ekki sú að viðkomandi fjölmiðlungur hafi mistúlkað það sem
sagt var, snúið út úr, klippt og skorið allt skakkt í vafasömum
tilgangi.
Hlutverk fjölmiðla er ekki flókið. Það er að miðla fréttum
og upplýsingum á hlutlausan hátt og að vera vettvangur
skoðanaskipta manna á milli.
Margir hafa hinsvegar misskilið hlutverk fjölmiðla. Ekki er
óalgengt að menn reiðist því að fjölmiðlar séu að hnýsast í
það sem þeim kemur ekki við ef athyglin beinist að viðkom-
andi það er að segja. Samt ætlast sömu aðilar jafnvel til að
fjölmiðlar svífist einskins þegar kastljósið beinist að einhverj-
um öðrum og vilja gjarnan að þeir séu eins og hundar sem
hægt er að siga á allt sem af einhverjum ástæðum fer í taug-
arnar á viðkomandi.
Fjölmiðlar eru hinsvegar síst yfir gagnrýni hafnir, ekki síst
þar sem ábyrgð þeirra er mikil. Með gagnrýni er hinsvegar
ekki átt við að menn séu rengdir og heiðarleiki þeirra vé-
fengdur bara fyrir það að segja eitthvað annað en einhver vill
kannski heyra.
Gísli Einarsson blaSasnápur
Sögusmiðja verður að
veruleika í Grundarfirði
Tveir einstaklingar kaupa húsnæði
undir starfsemina
lngi Hans Jónsson á sýningunni Kartöfl-
ur og Koníak í Grundarfirði síðasta sum-
ar. Mynd: GE
Bæjarráð Grundarfjarðar hefur
lýst yfir vilja til að taka þátt í stofn-
un sögumiðstöðvar í Grundarfirði
en eins og sagt hefur verið frá í
Skessuhorni hafa nokkrir einstak-
lingar í Grundarfirði unnið að þró-
un þessa verkefnis á þessu ári í sam-
starfi við Grundarfjarðarbæ og
Atvinnuráðgj öf Vesturlands.
Verkefnið er komið á það stig að
búið er að festa kaup á húsnæði
undir starfsemina. Það voru tveir
einstaklingar sem keyptu húsnæðið
í eigin reikning, þeir Ingi Hans
Jónsson sem hefur verið starfsmað-
ur stýrihóps um sögumiðstöð og
Þórður Jónsson sem sæti á í stýri-
hópnum. „Við vildum með þessu
koma þessu aðeins áfram og koma
málinu á almennilega hreyfingu.
Stundum er það eina sem dugar að
riðjast af stað og láta skeika að
sköpuðu," segir Ingi Hans. Hann
segir að næsta verkefni sé að stofna
sjálfseignarstofnun um verkefnið
sem muni þá væntanlega leysa þá
félaga undan sínum skuldbinding-
um vegna húsnæðisins.
Húsnæðið sem tvímenningarnir
festu kaup á er húsnæði verslunar-
innar Grundar við aðalgötuna í
Grundarfirði. Stýrihópur um sögu-
smiðju hafði húsið reyndar á leigu
hluta úr síðasta sumri og setti þar
upp sýninguna „Kartöflur og kon-
íak“ sem var tileinkuð sögu Frakka
í Grundarfirði. „Þau viðbrögð sem
við fengum í sumar voru góð og
lofa góðu um ffamhaldið. Stefnan
er sú að framhald verði á sýningum
sem þessari en aðalhlutverk sögu-
smiðjunnar verður að halda utan
um öll verkefni á sviði menningar-
og sögutengdrar ferðaþjónustu.
Við sjáum þetta fyrir okkur sem
nokkurs konar höfn fyrir öll þau
skip sem róa á mið sögunnar. Þessi
stofnun mun marka stefhu í sam-
bandi við meðferð sögunnar á
svæðinu og tengja saman alla aðila
sem eru að vinna í þessum málum,“
segir Ingi Hans.
GE
Tónlistarkennari fiá
Rússlandi
Fyrir skömmu tók nýr tónlistar-
kennari til starfa við Tónlistarskóla
Ólafsvíkur. Kennarinn heitir Val-
entína Kai og er ffá Rússlandi og
kom hingað ásamt 14 ára dóttur
sinni. Valentína er fædd í lítilli borg
í Ukraínu og ólst þar upp. Þegar
Valentina var spurð hvers vegna Is-
lands hefði orðið fýrir valinu sagðist
hún eiga góða vini í Noregi sem
væru í tónlist og þeir höfðu bent
henni á að Islandi væri gott að vera.
„Eg sendi póst á menntamálaráðu-
neytið á Islandi og fékk upp laus
störf við tónlistarskóla hér á landi. I
framhaldi af því sótti ég um kennslu
við Tónlistarskólann í Ólafsvík og
hér er ég“ sagði Valentina sem
einnig er ráðin sem organisti við Ó-
lafsvíkurkirkju.
Hún er velmenntuð í tónlistinni
og hefur ma. starfað við útsemingar
á tónlist bæði fyrir strengjasveitir og
kóra í heimalandi sínu. Hún var
fyrst kennari við tónlistarskóla í
borginni Vitebsk í Hvíta Rússlandi.
Síðan fór hún að kenna tónlist í
Petrozavodsk en það er 500 þúsund
manna borg ekki langt ffá finnsku
landamærunum og þaðan kom hún
til Ólafsvíkur. Valentina hefur
einnig lagt fyrir sig tónsmíðar og út-
setningar fyrir hljómsveitir og kóra.
Valentína kennir á harmoniku, pí-
anó og fiðlu við skólann í Ólafsvík.
Hún spilar mjög vel á harmoniku og
hefur þegar sínt hstir sínar þar sem
hún hefur verið fengin til að koma
ffam í Ólafsvík.
,Mér Kst vel á Island og okkur
hefur hefur verið mjög vel tekið
hér“ sagði Valentina og hún vonar
að hún geti látið gott af sér leiða fyr-
ir tónlistarlíf í Ólafsvík. PSJ
UUarselið á Hvanneyri fagnaði tíu ára afinœli sínu um síðustu helgi með opnu húsi þar
sem gestum og gangandi gafst kostur á aðfylgjast með meðlimum Ullarselsins að störfum
við rokkinn ogprjónana auk þess sem boðið var upp á léttar kafflveitingar. Mynd: GE
Ijon a
bifreiðum
Lögreglan á Akranesi hefur skrif-
að bæjarráði Akraness bréf vegna
síendurtekins tjóns á biffeiðum á
Hafnarsvæðinu af völdurn málning-
arvinnu og annara umsvifa á svæð-
inu. I bréfinu var meðal annars
spurst fyrir um reglur hafharinnar
varðandi málningarvinnu o.þ.h. I
svari bæjarráðs kemur ffam að lögð
sé áhersla á að almennar varúðar-
reglur séu í heiðri hafðar varðandi
atvinnustarfsemi hvort sem er við
höfnina eða annarsstaðar í bænum
og að bæjarráð treysti þvi að við-
komandi aðilar hagi starfsemi sinni
þannig að hún valdi ekki tjóni. GE
Deilt um firam-
tíð VÍS hússins
Húsið að Borgarbraut 38 í Borg-
amesi, eða VIS húsið eins og það er
gjaman nefht í dag hefur staðið autt
að mestu í tvö ár en segja má að
húsið sé í hálfgerðri pattstöðu. Frá
þvi húsið var flutt að Borgarbraut
38 var þar útibú matvöruverslunar
KB og síðan afgreiðsla VÍS þar til
sú starfsemi var flutt í Hymutorg í
árslok 2000. Húsið var þó selt fljót-
lega og núverandi eigandi hugðist
breyta því í íbúðarhúsnæði en bæj-
arstjóm Borgarbyggðar hefur hafii-
að þeim hugmyndum. Fram-
kvæmdir vom hinsvegar hafnar að
einhverju leyti og var eigandinn bú-
inn að leggja nokkum kostoað í
húsið áður en það lá fyrir að eldd
yrði gefið tilskiÚð leyfi. „Við höfum
fengið ýmsar ffekari útfærslur ffá
eiganda hússins þar sem núverandi
hús er meðal annars teiknað inn í
nýbyggingu en bæjarráð hefur ít-
rekað fyrri afstöðu sína um að hús-
inu verði ekki breytt í íbúðarhús-
næði,“ segir Páll Brynjarsson bæjar-
stjóri. „Það er búið að samþykkja
deiliskipulag fyrir 2 íbúðarhús á
lóðunum númer 38 og 36 og þar er
gert ráð fyrir að húsið verði fjar-
lægt. Menn em hinsvegar eklti sam-
mála um hvort unnt sé að ffytja
húsið en samkvæmt skipulagslög-
um ber að greiða eigandanum bæt-
ur ef nýtt deiliskipulag felur í sér
breytingar hvað húseignina varðar.
Það er hinsvegar ekki búið að stað-
festa skipulagið og menn hafa hald-
ið að sér höndum vegna þessa máls
en það má eiginlega segja að hér sé
ákveðin pattstaða,“ segir Páll. GE
Banaslys
Leit var gerð að manni á áttræð-
isaldri í Borgamesi í gær. Maður-
inn fannst um níuleytið í gær-
morgun kaldur og hrakinn og með
umtalsverða áverka sem hann
hafði hlotið er hann hafði hrasað í
klettum. Hann lést skömmu eftir
að hann hafði verið fluttur á
Sjúkrahús Akraness.
Lögreglan í Borgarnesi fékk til-
kynningu um það snemma í gær-
morgun að mannsins væri saknað
af heimili sínu en hann hafði ekki
komið heim kvöldið áður. Lög-
regla hóf þegar eftirgrennslan í
bænum en í birtingu var Björgun-
arsveitin Brak kölluð út. Maðurinn
fannst skömmu síðar í fjömnni
neðan við Böðvarsgötu. Hann var
mjög kaldur og hrakinn og með
umtalsverða áverka. Þótti sýnt að
hann hefði hrasað á brekkubrún-
inni ofan við fjöruna og fallið þar
niður, alls um fimm metra. Mann-
inum var strax komið undir lækn-
ishendur á Heilsugæslustöðinni í
Borgarnesi og síðan fluttur á
Sjúkrahúsið á Akranesi þar sem
hann lést skömmu síðar. GE